★★★ تويوتا تكـــــــــرم أعضائها ورواد القســـــــم t o y o t a ★★★

**S O P H O S** · 10-06-2012 04:29 AM

المشاركة الأصلية كتبت بواسطة S A M A

الموضوع جميل جدا فعلا
واسلوبك رائع كالعاد فى سرد المووضع
بس لو تاخد كورس عربى يبقا تمام جدا :-))
ايه رأيك تكون منسق مساعد القسم مع احمد المشغول الفترة الحالية لظروف الامتحانات
وعلى فكرة لقب منسق مساعد ميفرقش نهائى ولا يقلل من صاحبه الاتنين ليهم نفس المهام والمسؤلية
اللقب بس عشان نفرق بينهم
وبعد كده لو وجدتم تعاون ونشاط من اعضاء القسم نعمل تويوتا تيم
فكر وبلغنا ردك

لو ترجع لموضوع مبروك لمنسق قسم تويوتا هتلاقي تعليقي
انك تبقي مساعد منسق القسم مع اننا كنا لسه فالبداية
بس طول عمري شايفك فموقع الرائد
قلبي كان حاسس
اقبل يا ميدوو
لو مش علشانك فعلي الاقل علشان القسم ...

**me_medoo** · 10-06-2012 04:48 AM

المشاركة الأصلية كتبت بواسطة screenplays

يااااااااااااااه ميرسي يا ميدو ... يا حبيبي فاكرني دايما مع اني مبعتبش قسم التويوتا اساسا هههههههههههههه

حبيبي قلبي ...
حتى لو مش متابع قسم تويوتا أحنا في تويوتا متابعين مواضيعك يا غالي الجميلة ... ومدام عندكم تويوتا تبقى تيوتاوي . وتحياتي .

المشاركة الأصلية كتبت بواسطة ahmedhawas

تسلم إيديك يا رفاعي بيه . . والله يا باشا أنا بحبك وبعزك في الله.
وإنت راجل طيب ومحترم وخلوق.
ويابخت منتدى تويوتا بيك

حبيبي حبيبي يا أحمد ياحواس
والله يابوحميد ... وانا كمان والله بحبك لله في لله
ويارب يديم المعروف بينا ويديم المحبة والاخوة فيما بينا يا غالي .

المشاركة الأصلية كتبت بواسطة shnory

بجد مش عارف اقول ايه
ربنا يخليكم ليا وللمنتدي
ومليون شكر علي التكريم الجميل ده

حبيب قلبي يا شنوري
ده ربنا يخليك لينا يارب وميحرمناش منك ياغالي
ونفسنا دايماً تنورنا هنا في القسم زي زمان يا غالي

المشاركة الأصلية كتبت بواسطة ahmazong

من أول ما شفت حضرتك يا me-medooo باشا و أنا بأقول إن حضرتك راجل ذوق و محترم ..

متشكر قوي على التكريم الجميل ده ..

حبيب قلبي يابوحميد . تسلملي يارب
وحضرتك برضو يابوحميد من الشباب الجميلة الي الانسان يعتز بصداقتهم ومعرفتهم .وتحياتي ليك يا غالي .

المشاركة الأصلية كتبت بواسطة bmya

يا ميدو باشااااا ربنا يكرمك يارب والله رفعت من روحي المعنوييه ده انا نفسي اتقطع في قسم دايهاتسو وطبعا انا متابع معاكم هنا في تويوتا واستفدت كتيير اوي من مواضيع عندكم
ربت يديم المعروف دايما واتمنى اقابل حضرتك في يوم ان شاء الله

بالمناسبه انا اسمي شريف مصطفى :)

حبيب قلبي ياشريف . أنتا من الشباب الجمال جداً
وعلى فكرنا متابعين مواضيعك الرائع لتزبيط السيريون
وزوقك بسم الله مشاء الله رائع في أختيار الاضافات عليها
ربنا يحميك يارب والى الامام دائماً يا غالي .

المشاركة الأصلية كتبت بواسطة sas5

السلام عليكم ورحمه الله
اخى ميدو مجهوووود ممتاز
ربنا يكرمك ويجعله فى ميزان حسناتك إن شاء الله
ربنا يديم المحبه بيننا كلنا.
ونظرا لانشغالى خلال الفتره الماضيه.

فلذلك من الان ادعو الى تجهيز مقابله لنا فى رمضان حتى نزيد تعارفنا ببعض

اخوكم سعيد الفار

حبيب قلبي عمـــــــرك أطول من عمري
كنت واللهِ بفكر نعمل فطار جماعي في رمضان او سحور كده في خيمة رمضانية ... وخطـر على بالي نشوفلنا مائدة من موائد الرحمن تكون نظيفة وبلاش هههههههههههههه .
ونتجمع عندها وعلى رأي المثل أبو بلاش كتر منو .
هههههههههههه وتحياتي .

**minicooper20** · 10-06-2012 05:18 AM

ونبى انتا راجل زى العسل
و بحبك فى الله
ربنا يديم المحبه

**me_medoo** · 10-06-2012 05:25 AM

المشاركة الأصلية كتبت بواسطة mody3on

اراك توزع من مال المنتدى ههههههههههههه , يا حاج ميدو انت مسبتش عضو في المنتدى مكرمتوش , شكرا عالتكريم الجميل ده مع اني المرة الوحيدة اللي دخلت فيها قسم تويوتا كنت بشتم في الكورولا هههههههههه
واوعدكم اني اطور من نفسي لصالح بلدي واشكركم على ثقتكم فيا وكده يعني :d

ههههههههههههههههههه
حبيب قلبي ده أقل واجب ، وعادي ياباشا أشتم في الكورولا براحتك يعني هيا الشتيمة بتلزق ههههههههه
وده ميمنعش انك عضو نشيط وتستحق التكريم يا غالي .

المشاركة الأصلية كتبت بواسطة tarek_2005

لايستحق هذا التكريم الا فاعله
تحية طيبة لك مني
واعذرني علي التاخر في الرد حيث اني في اليومين الاخاري دول بمر بظروف وحشة اوي مع المرور ودايخ معاهم لدرجة اني ذهقت من اعربية وناوي اسيبهلهم ههههههههههه
المهم انتوا وحشني جداً وانا زعلان منك لعدم تشريفك لنا مقابلتنا

حبيب قلبي يا طارق باشا
انا والله وحده يعلم كنت هعدي على خالد في الشيخ زايد وأجيلكم في المقابلة الاخيرة انا وهو ...
بس عارف المثل يامستعجل عطلك الله
كل ما اقول يالله بقه الحق اتشطف واغير هدومي واروح ابص الاقي شغل جديد طلعلي من تحت الارض ومفضيتش غير الساعه 8 بالليل وجيت اتصلت على خالد وقلتلو مع زحمة المحور وعقبال مانوصل محتاجين على الاقل ساعتين وعقبال ما نستدل على العنوان قول كمان ساعه هتبقى الساعه 11 باليل
هيكونوا الشباب روحوا.

المشاركة الأصلية كتبت بواسطة mohammedabdallh

ليس لدى كلام لارد على تكريمك ياميدو
بس تقريبا ناقص عضوين وتبقى كرمت المنتدى كله ؟؟

يا كبير مش عارفين نرد كلامك وشهداتك دى ازاى
ربنا يجمعنا على خير

حبيب قلبي يا محمد ... لا ده ناقص كتير لسه مكرمتهمش
وعلى سبيل المثال وليس الحصر
تويوتا فور عرب .
وناقص aif
وناقص الشيخ خالد .
والاستاذ احمد المصري .
وناقص ابو هيما من قسم نيسان .
وناقص دكتور حازم HM_
وكريبتون أكس
ودكتور محمد
وفي شباب زي الورررررررد حضروا معنا المقابلة بس المشكلة
حافظ شكلهم وفاكر احاديثهم الجميلة وشخصيتهم الرائعة
بس يادي الكسوف بجد مكسوف منهم ناسي الاسامي.
ونفسي اكرمهم فرداً فرداً وشخصاً شخصاً ونكاً نكاً
فاكر انتا لمن بعتلك رسالة أعتبتك انك مجيتش في المقابلة ... وجيت انتا قلتلي أومال مين الي كان قاعد جمبك طول الوقت هههههههههههههه .

المشاركة الأصلية كتبت بواسطة BuNsH_FoX

ربنا يخليك ياااااميدو باشا على التكريم ...دة وسااام وافتخر بية :)

بس كدة بتفضحنى على هوااااا وبتقول دة من قسم هيونداى (واااكيد بتقول"فى سرك" اى اللى جابوا هنااااا ) وطبعاااا التكريم دة ناااقص حاجتين :
أولا : نسيت تقول نشكر أ/بنش الفاضل على مساعدتة الجبارة فى قسم تويوتا وخصوصا مووضوع (قهوة الحج تويوتا وشركائة)
ثانيا : نسيت تكرم اخى الفاضل / كريبتون اااكس عن موضوعة (تويوتا كورولا 2012-2013 - القبيحة كليا ... قصدي الجديدة كليا !) موضوع اللى عمل ضجة جامدة فى قسم عندكواا وحقق اعلى نسبة مشاااهدة دة غير النااااس اللى اتوقفت كتيير (بس الضرب والخناقة) ..
وفى النهاية احب اشكر كل اااخوانى فى قسم تويوتا .

حبيب قلبي يابنشي ...
ياباشا وهل تنسى تويوتا وقفتك جمبها ... وقد أيه كافحنا سوى على شاي وقهوة ونسكافية وحلبة ونعناع وعناب ساقع ولمون في موضوع قهوة تويوتا ... لحد موقفنا القهوة على رجليها .
وطبعاً اخونا كربيتون اكس ... انا مش ناسيه وهتنزل الدفعه التالته من الشهادات كمان قريب ... كتر خيروا الراجل دخلنا 1700 مشاهد في قسم تويوتا ... اهو انا نفسي كام موضوع خناقة كده في تويوتا ... علشان القسم ينتعش والناس تدخل تحوش .
هههههههههههه حبيبي يا بانشي .

المشاركة الأصلية كتبت بواسطة أشرف العدوي

ألف شكر
أنا اول مرة أتكرم في المنتدى
و اله الواحد سعيد جداً و ان شاء الله أقدر أساعد دايماً بالي اقدر عليه

واللهِ يا أشرف باشا
ده أنتا نورتنا وأســـــــــــــــعدتنا بمواضيعك الجميلة وتجاربك المفيدة ... ودايماً كده تشرفنا وتنورنا يا أستاذ أشرف .

المشاركة الأصلية كتبت بواسطة koshary

تسلم ياباشا على التكريم والكلام الجميل والله انت صديق بمعنى الكلمة تسلم ياباشا وربنا يخليك لينا ومبروك رجعوك للمنتدى مرة تانية

حبيب قلبي يا كوشري ... ده أقل واجب ياباشا
وانتا بجد يا كوشري باشا من الشخصيات الجميلة والرائعة الي بجد بجد ... الواحد يعتز مش بس بصداقتهم لأ ... لأنك زي أخويا وأزيادة واللهِ ... وتحياتي ليك يا غالي .

المشاركة الأصلية كتبت بواسطة medo_sirion

جزاك الله خير بس كدة هيحصل مشاكل مع المدام لو عرفت انك عملت كمان شهادات تقدير للمنتدى هههههههههه

ههههههههههههههه
ربنا يستـر ... ودايماً بقول ستـرك يارب ... لو عرفت اني بخوش على منتدى عربيات ... وبروح مقابلات وكمان بعمل شهادت تقدير ههههههههههههه كده اكون شليتها بجد ... بس أعمل أيه العربيات بتمشي بدمي وعروقي ... ده حتى الواد ابني مخليني أنام في البيت وعيني في وسط راسي من كتر حبو هو كمان وتعلقو بالعربيات ... خايف لا يرجع يخطف مفاتيح العربية من ورايا ويسوقها رغم اني رنيتو علقه مكلهاش حرامي جزم على باب جامع ... الواد ياخويا لسه مفقس من بيضة وعاوز يسوق . ونفسي بجد اركب جهاز ميشغلش العربية غير بباسورد او ببصمة الصوت ههههههههه علشان خاطر ميخطفش العربية من ورايا ولا من قدامي هههههههههه ... معرفش طالع بيحب العربيات لمين يا أخي !!! ههههههههههه

**me_medoo** · 10-06-2012 05:43 AM

المشاركة الأصلية كتبت بواسطة s a m a

الموضوع جميل جدا فعلا
واسلوبك رائع كالعاد فى سرد المووضع
بس لو تاخد كورس عربى يبقا تمام جدا :-))
ايه رأيك تكون منسق مساعد القسم مع احمد المشغول الفترة الحالية لظروف الامتحانات
وعلى فكرة لقب منسق مساعد ميفرقش نهائى ولا يقلل من صاحبه الاتنين ليهم نفس المهام والمسؤلية
اللقب بس عشان نفرق بينهم
وبعد كده لو وجدتم تعاون ونشاط من اعضاء القسم نعمل تويوتا تيم
فكر وبلغنا ردك

حبيبت قلبي يا مدام سما ... تسلميلي ياربي
خلاص ياست الكل وانا موافـق .
وعلى فكـرة أحنا عندنا في القسم فريق عمل كامل وبيردوا على أي عضو عندوا اي استفسار ... تقدري تسميهم عصابة تويوتا ، أوتويوتا تيــــم . وتحياتي .

المشاركة الأصلية كتبت بواسطة shnory

حتطمعوا الناس فينا كده

ههههههههههههههه
حبيب قلبي يا شنوري باشا ... أنا نفسي يكون نك نيمي تيركواز كده زيك ياباشا ... الا مفيش تخفيض على أشتراكات المنسقين ، أو حتى كده أشــــــــــــتراك كدوه بدل طبيعة عمل ههههههههه

المشاركة الأصلية كتبت بواسطة ahmed1006

لو ترجع لموضوع مبروك لمنسق قسم تويوتا هتلاقي تعليقي
انك تبقي مساعد منسق القسم مع اننا كنا لسه فالبداية
بس طول عمري شايفك فموقع الرائد
قلبي كان حاسس
اقبل يا ميدوو
لو مش علشانك فعلي الاقل علشان القسم ...

حبيب قلبي يا بوحميد ... تسلملي يا غالي ...
وربنا مايحرمنيش منك أبداً يا غالي واللهِ واللهِ دايماً رافع من روحي المعنوية ... ودايماً مشجعني حتى أني أعمل مواضيع بمشاركاتك الجميلة والحلوة يا حلوووو .
حبيب قلبي يا بوحميد .

المشاركة الأصلية كتبت بواسطة minicooper20

ونبى انتا راجل زى العسل
و بحبك فى الله
ربنا يديم المحبه

حبيبي يا ميني كوبـر تسلملي يارب ... وانا والله بحبك لله في لله ومتابع جميع مواضيعك حتى وانا على الموبايل بقعد افتح كده واقرى جميع مشاركتكم ومواضيعكم الجميلة

يارب يارب يخليكم ليا يارب وميحرمنيش منكم أبداً .

**Elawany13** · 10-06-2012 09:51 AM

المشاركة الأصلية كتبت بواسطة me_medoo

@@@@@@@@@

ونجم نجوم المنتدى
أحمد العواني
ذلك الانسان صاحب القلم الذهبي والكي بورد الفضي
دائماً مايمدنا بأجمل المواضيع ... وصاحب
أجمل مواضيع تهز الرأي العام في المنتدى
وصاحب أكبر عدد كمية مشاهدات لمواضيعه
تحية طيبة لك يا عواني
وتستحق التكريم

@@@@@

وعليكم السلام ورحمة الله وبركاته
أخى الحبيب محمد الرفاعى صاحب اللفتات الجميلة الرائعة
وصاحب المواضيع الكوميديا الجميلة التى تضحكنا فى وسط الهم والمرار اللى عايشينه فى مصر
شكرا لك أخى الحبيب
على شهادة التقدير التى لا استحقها

على فكره انا لسه راجع حالا من اسكندرية
خطفت 5 أيام قبل الزحمة
وفيه مغامرات هحكيها ان شاء الله

بهذه المناسبة الرائعة
إلى اخى الحبيب محمد الرفاعى
والى جميع الاحباء فى قسم تويوتا
وجميع اعضاء المنتدى
انتظروا قريبا جدا فيلم وئاقى عن تويوتا

**EhabVet** · 10-06-2012 02:27 PM

ألف مبروك لكل اللي اتكرموا
وخصوصا أخويا وشقيقي الأستاذ أحمد العواني
وربنا يديم المحبة والمودة بين كل أعضاء المنتدى

**Ahmed.TV** · 10-06-2012 02:54 PM

انا مش عارف اقولك ايه على ذوقك وتقديرك الغالى بجد
وسامحنى على التقصير وعلى عدم دخولى على الموضوع
لان من فترة كبيرة كان عندى ظروف خاصة .. وكانت مخليانى الف حوالين روحى
والحمد لله رب العالمين
بجد بشكر قسم تويوتا على روحهم الجميلة دى .. وبشكرك يا ميدو على محبتك اغالية
وعلى تقديرك بصفة خاصة لى .. وكمان لكل اعضاء المنتدى
وده بيدل على انك شخص محب للجميع .. وبتقدر كل الناس .. وربنا يديم بينا المعروف
وحقيقى بنتشرف بوجود شخصية مثلك فى المنتدى
وبتشرف شخصيا ان لى صديق مثلك فى منتهى الذوق والاحترام

-

الموضوع: ★★★ تويوتا تكـــــــــرم أعضائها ورواد القســـــــم t o y o t a ★★★

LinkBack

أدوات الموضوع

عرض

-

-

-

-

-

المواضيع المتشابهه

المركزية تويوتا تطلق مسابقة تويوتا 86 للألعاب الإلكترونية في سيتي مول

彡彡彡. دلوووعة تويوتا ... وفخر الصناعة اليابانية ( تويوتا ديانا ) تقرير彡彡彡

أعطاء الضوء الاخـــضر لتشكيل (تويوتا تيـــم ) أعضاء تويوتا برجاء الدخول !

:: مشاكل تويوتا تتواصل - تويوتا تصلح 1.3 مليون سيارة تعاني تسرباً في زيت المحرك ::

.... تويوتا اليابان تعيد فريق مبيعات تويوتا بالسعودية إلى صفوف الدراسة ....

الكلمات الدلالية لهذا الموضوع

المفضلات

المفضلات

ضوابط المشاركة