هاخلي الخطوات لوحدها هنا
نبدأ شوية حاجات صغيرة
جبت جنبين أستيراد من الحرفيين بتوع نوبيرا 2000 سي سي سكاكين
الجنبين جبتهم ب 420 جنيه
دول صورهم





علي ما فقت الصبح أبتديت الساعة 11
خلصت 5
هتعرفوا التأخير ده كان من أيه
فكيت العجلة
وده بعد الفك

وتوالي الفك !






وكدة أتفك خلاص





ركبت الجنب بنفس الطريقة اللي اتفك بيها
وده بعد ما ركب ولكن في مشكلة وانا بفك هاقولها دلوقتي



المشكلة بقي ان خرطوم الباكيم القديم مش هيركب عالجديد
القديم صامولتين عاديين ... التانية واحدة صامولة وواحدة لاكور
سهلة !
جبت جوز الواحدة ب 20 جنيه
ده الفرق بين القديم والجديد



أركب !! ... مابترضاش تركب في خرطوم الماستر
الخرطوم بيبقي فيه بزبوز صغير من جوة مابيخليش القلاووز يكمل
خليته معايا ورحت عند ناس كتييييييييير عشان أشوف واحد يكون زي الأصلي ومفيهوش بزبوز
معلش ماعرفتش أصور الحتة اللي جوة والفروق لضعف الكاميرا
الحمد لله لقيت حد عنده من اللي عايزه
رجعت اللي كنت جايبه وركبت وركب حلاوة :)
خدت هوا من العجلتين
أجرب دواسة الفرامل مش عايزة تعلي !
الهاند ..... 800 تكة !!!!!!
هاار أسود !
قلت أرجلش من الصامولة
جبت أخرها ... بقت 799 تكة !
هنا أفتكرت ان الواير وان باركبه كان مرخي
ده مشكلة في حد ذاتها أساسا !
كدة الوايرات بتاعة العربية ال 2000 سي سي أصغر من العادية
ووانا باشتري الطنابير ماخدتش الوايرات
ووانا باشتري كان في واحد بيسأل عالويرات ده وكان الراجل كل اللي عنده مقطع وقال ان هو زي بتاع الطنابير الحلل ... قلت يبقي كويس
بس طلع ان الصح انهم أقصر
نجيب من الأخر ... انا أتصرفت
جبت شوية صواميل كانت عندي وخليتها تقلل مسار الواير بالنظر ده





قبل ما أعمل كدة كنت رخيت الصامولة اللي ورا الهاند عشان أدي لنفس فرصة بعد كدة
طبعا كنت رفعت العربية علي كوريكين عشان أعمل كله مع بعضه عشان مايبقاش في واحدة أقوي من التانية
ظبطتها لغاية ما بقت 10 تكات الحمد لله :)
لو زودتها أكتر من كدة العجلة بتقفش
مش عارف بقي كدة عادي ولا لأ !
بس الفرامل عليت وبقت شديدة
والهاند بتقفش من رابع تكة
صنفرت الفرامل بورقة صنفرة وبقت بتلمع شوية
مع المشي هتبقي كويسة
ركبت العجلة والحمد لله عشان أجرب




أه نسيت
جبت علبة زيت باكيم وزودت ... وده قبل ما أظبط رجلاش الهاند وبعد ما خدت هوا

طلعت أجرب
في الأول كان في صوت حديد في حديد
راح الصوت في خلال 10 متر
ضربت فرامل
وش العربية مانزلش والعربية فرملت ... ده حاجة ممتازة جدا
جريت وشديت الهاند وكانت زيي الفل
لسة هاجرب علي سرعة كبيرة وهاقول الجديد
انا النهاردة بعد اللف والتدوير والفك والكلام ده كله لا أصلح غير اني أنام
أيه رأيكوا ؟ :)
ده الموضوع بتاع أمبارح بس انا حبيت أفصل
http://www.nilemotors.net/Nile/292995-a.html

وده صورة الأستيكر بتاع المنتدي بعد ما جيبته وحطيته
لو في أي أستفسارات انا في الخدمة :)