هههههههه

موضوع هايل

مفيش واحد سودانى هنا إلا لما يقولى يا أبن النيل...........أنا أو أى مصرى تانى.

ناس قمة فى الطيبة و الكرم.

شوية مصطلحات من الإمارات

سيدا = طوالى ( و دى منتشرة فى الخليج و غالباً أصلها هندى )
تواير = كاوتش العربية
تاير بنشر = كاوتش أتخرم ( جاية من puncture )
ريال = راجل ( هما عموماً بغيرو ال ج و بيحطوا مكانها ي.......يعنى عجمان بينطقوها عيمان )
أطرشلك = أبعتلك
شو علومك = أخبارك أيه
مب = مش
الحين = دلوقتى
مدرى = مش عارف
وين = فين
مدخول = دخل ( income )
منو = مين
أسوى = أعمل ( شو بسوى - أعمل أيه )
تبغى أو تبى = تريد أو عاوز ( أيش تبى = عاوز أيه )
أبا ( أبغى ) = عاوز
خردة = فكة
سكراب = زى الحرفيين كده
عطورات أو عطور = برفانات
موية = مياه
بارد = ساقع
حار = حراق.....( و فى الشيشة يعنى حامية )
شاى كرك = شاى بحليب ( بس تقريباً بيسيبو الأتنين يغلو مع بعض شوية )
شاى أحمر أو سليمانى = الشاى بتاعنا
هيل = حبهان
زيادة = كتير ( لو قلت قهوة زيادة و سكتت هيجيبلك قهوة فى كوباية كبيرة مش سكر زيادة )
روب = زبادى
لبن = رايب
حليب = لبن
ملحمة = جزارة
براد = ثلاجة
بناية = عمارة
سيايير = جمع سيارة ( بس دى سمعتها من واحد عمانى )
سياقة = سواقة
مخفى = فاميه
كرسى فتيس/موتور = قاعدة فتيس/موتور
سفايف = تيل فرامل
بواجى ( بتعطيش الجيم ) أو بلجات = بوجيهات
ليسن = رخصة السواقة ( من license )
ملكية = رخصة العربية

أسيبكم بقى مع الصورة القاتلة دى ( أقروا الترجمة العربى )