حمد لله ع السلامة يا باشا بجد كنا مفتقدين ارائك المميزة
احنا اللي عملنا في نفسنا كده
معقولة الناس فى مصر غنية اوى للدرجة دى انه سيارة سعرها فوق 100000 جنيه وبيبيعوها بسعر زيادة واكيد علشان عليها اقبال طبعا --ربنا يبارك
واحدة واحدة يا جماعة.. الحكاية فعلاً عرض وطلب.. هما بيعملوا كدة علشان حجوزات العربية أكتر من المتاح حالياً.. طيب ها هايرتبهم إزاي؟ بأسبقية الحجز؟ ها تدخل الواسطة والمعارف والأسبقية هاتتغير.. ده غير إن فيه ناس هاتبقى حاجزة في الأول لكنها مش مستعجلة أو مش فارقة معاها في شهرين أو ثلاثة.. وواحد تاني مستعجل أو مستعد يدفع أكتر ويستلم فوراً.. مع الاثنين بالتأكيد معاهم عربيات وعربيات كويسة كمان يعني مش ماشيين حافيين!
ببساطة التوكيل بيقول ليه يضيع على نفسه فرصة مكسب أعلى..فبيعطي أولوية للي مستعجل ومستعد لدفع مبلغ أكبر.. والمشكلة فعلاً مش عندهم المشكلة عندنا احنا.. ما دام فيه مشترين يدفعوا أكتر بس ياخدوا قبل غيرهم..
في أروبا والدول المتقدمة بيعملوا العكس تماماً.. لما تبقى الحاجة لسة نازلة جديد وعاوزين يبيعوا منها بيعملوا تخفيض على السعر لمدة معينة ويقولك لو اشتريت النهاردة أو خلال أسبوع ها تاخد خصم 25 % مثلاً.. ولو جيت بعد أسبوع ها تاخد 10 % بس ولمدة شهر وبعده هاتشتري بالسعر الأصلي.. يعني هو اللي بيدور على العميل وبيحاول يجذبه وده علشان المعروض كتير ومتنوع وتنافسي.. وفي نفس الوقت المشتري مش ملهوف على السلعة وبيفكر بعقل وبشكل عملي.. يا ترى هو محتاج القميص أو الموبايل أو العربية دي بسرعة قوي فيروح يحط الفلوس اللي معاه فيها دلوقتي؟ ولا ينتظر لما يبقى محتاجها فعلاً ويكون معاه تمنها وقتها؟
يا باشا انا مش مستغرب من موضوع الاوفر برايس دي حاجة عادية ومتعودين عليها هنا في مصر انا الي غايظني ان ده بيحصل في التوكيل وبشكل علني وعادي مش عند التجار العاديين الي اعرفه ان العربية الي بيبا عليه ضغط وبتخلص من عند التوكيل وكل تاجر بيبا عنده واحدة او اتنين منها بيرفع من تمنها ويبعها بمزاجه عشان هي قليلة وعليها طلب ده عادي ومقبول والي يشتري هو حر لكن الي غير مقبول ان ده يحصل في التوكيل نفسه ازاي يعني يبا عنده العربية ويقولك اجبلك اللون الي انت عاوزه بس تدفع 190 الف معنى كدة ان العربية موجودة ومش قليلة ولا حاجة وازاي يبا عنده عربيات وميسلمش الناس الي حاجزه الاول معنى كدة اني لو حجزت العربية عشان استلمها بسعرها الرسمي هقعد استنى لم مزاجهم يجلهم يسلموني العربية وده طبعا بعد متكون العربية ملت السوق كله والناس زهقت منها والطلب عليها قل واكون انا نفسي زهقت منها ومن انتظارها
خلاصة الكلام التوكيل المفروض عربية مش موجوده عنده يقول معنديش والتسليم اول مالعربيات تيجي باولوية الحجز ولو عاوزها اشتريها من التجار باوفر برايس ساعتها فعلا يبا في مصداقية في الكلام والواحد يحجز وهو مطمن انم انو هو نفسه يبيع باوفر برايس ده الي يجنن
فساد رسمى فى كل شئ فى الدولة لو فيه رقابة عليهم ما كانوش يقدروا يعملوا كدا ومش من حقه يبيع بالسعر اللى هو عايزه لو فيه رقابة والله ما كانش حد منهم يجرؤ على الحركات السخيفة وفى النهاية اللى بيشترى مشارك فى الفساد دا زى ما قال أحد الأعضاء الكرام
مهو عندك السبورتج مالية مخازن ال eit وعليها اوفر برايس محترم
يا باشا المشكلة في حاجتين ان المصنع عليه ضغط جامد فعدد العربيات اللي بييجي بيكون قليل جدا
فهو بيحسبها ازاي لو جاب 100 عربية عايز يكسب فيهم مليون
ولو جاب 20 عربية عاوز يكسب فيهم مليون برضو
هههههههههههههههه
ده تفسيري