إيه الفرق بين بيكانتو 2008 و بيكانتو 2007؟

**ara** · 18-06-2008 10:32 AM

السلام عليكم
واحد من أصحابى عايز يجيب بيكانتو بي محتار إيه الفرق بين بيكانتو 2008 و بيكانتو 2007؟ من ناحية الإمكانيات , السعر , إلخ؟
وشكرا :)

**haneena** · 18-06-2008 10:41 AM

2008 سعرها 70 الف ومختلفة شوية فى الشكل الخارجى لكن الاوبشنز هى نفسها لكن 2008 مفيش فيها كاسيت لانهم نزلوها من غيره عشان العربية ماتغلاش عن كده لان جمرك الكاسيت لوحده فى مصر المحروسة 2000 جنيه والعربية عمالة تزيد سنة ورا التانية انا كنت جايباها 2006 وكانت بـ 66 الف طبعا كلامى ده كله عن الاوتوماتيك

**nabil246** · 18-06-2008 11:25 AM

قبل الشراء يجب ان تتاكد (ورقيا) البيكانتو إللى هاتشتريها ، دخلت مصر عن طريق مين؟
هل هى (خليجى) اى ليست عن طريق الوكيل الحالى محمد نصير بأبو رواش . لوكانت مش عن طريق الوكيل المذكور يبقى لن يكون لها ضمان ، وانظر الموضوع المكتوب اليوم فى ساحة كيا بعنوان "تحذير من البيكانتو 2008 خليجى".
يعنى لو ستششترى زيرو الأفضل ان تشترى من الوكيل او موزعيه المعتمدين . لو ستشترى مستعمل انظر بنفسك على الضمان وشوف من سيضمن السيارة.

**samehsami** · 21-06-2008 10:18 AM

المشاركة الأصلية كتبت بواسطة haneena

2008 سعرها 70 الف ومختلفة شوية فى الشكل الخارجى لكن الاوبشنز هى نفسها لكن 2008 مفيش فيها كاسيت لانهم نزلوها من غيره عشان العربية ماتغلاش عن كده لان جمرك الكاسيت لوحده فى مصر المحروسة 2000 جنيه والعربية عمالة تزيد سنة ورا التانية انا كنت جايباها 2006 وكانت بـ 66 الف طبعا كلامى ده كله عن الاوتوماتيك

كنت عاوز اسئل عن الكيا بيكانتو اوتوماتيك هل هى عربية عملية؟ وهل الاتوماتيك لخاص بالعربية من نوعية جيدة....بيستحمل بالبلدى يعنى؟ او اشترى المانيوال افضل؟
انا مشاورى معظمها داخلىاو السفر لاسكندرية على ابعد تقدير؟
ارجو الافادة من فضلكم....

**haneena** · 25-06-2008 02:39 PM

انا كان معايا اوتوماتيك 2006 وكانت مريحانى جدا وعربية جميلة بصراحة ومريحة وسواقتها سهلة وبرغم حجمها الا انها ثابتة على الطريق كويس وانا عن نفسى بافضل العربيات الاوتوماتيك لكن عشان اكون امينة سحبها هايكون اضعف من المانيوال لكن ده فى الاول بس يعنى لما تطلع من الزيرو لكن لما تعدى 60 كلم بتبقى كويسة قوى
وهى سواقتها فى البلد مريحة وممتعة خصوصا مع الزحمة والاشارات الكتير لكن فى السفر موضوع حجم الشنطة ممكن يكون عائق لكن لو كان سفر بدون امتعة كتير يبقى مفيش مشكلة

**Mina W** · 27-06-2008 11:39 AM

الفرق بين 2007 و 2008 هو فاس ليفت، يعنى تغيير فى الشكل و بس مفيش اى فرق فى الموتور او باقى مواصفات العربية الا اشياء بسيطة لا تذكر، لكن الفرق فى الفلوس 3000 جنية زيادة و زى ما سمعت و بدون كاسيت كمان.

**drhaytham** · 04-08-2008 11:03 AM

المشاركة الأصلية كتبت بواسطة Mina W

الفرق بين 2007 و 2008 هو فاس ليفت، يعنى تغيير فى الشكل و بس مفيش اى فرق فى الموتور او باقى مواصفات العربية الا اشياء بسيطة لا تذكر، لكن الفرق فى الفلوس 3000 جنية زيادة و زى ما سمعت و بدون كاسيت كمان.

وكمان 2008 الباور كهربا