مشكلة فى موتور بولو 2001 , 1000 cc

انا عندى البستم الاول بينطر زيت على البوجيه وبالتالى بتلاقى العربية بترجرج فى السلانسيه ولو هتطلع على الاول او هترجع لازم تكبسلها بنزين واكيد طبعا السحب بيخف معاك وخصوصا فى المطالع وعلشان تظبط معايا كل 300 كيلو اروح اغيرلها البوجيه وتبقى العربية تمام ما شاء الله
الميكانيكى قالى ان المكنة خفيفة وان ممكن نجيب البوجيه اللى سنه قصير ممكن يعيش اكتر
والواحد محتار يعمل ايه بصراحة ناس تقولى غير طقم الشنبر وريح بالك وهتلاقى ناس تقولك ان المكنة ال 1000 محدش بيعمرها وسقط موتور 1400 وناس تقولى ان محدش بيعرف يسقط صح وهتقرفك بعد كده وان الاحسن انى اصرف على المكنة بتاعتى وارحم نفسى من مشاكل تسقيط موتور جديد الله اعلم هيعمل معايا ايه وهيظبط ولا لأ

افيدونى ربنا يخليكم ,,,

نسيت اقول ان الزيت مبينقصش اوى
بمعن ان كل 1000 كيلو الزيت ينقص بتاع ا سم بس

لأ حضرتك كده الزيت بينقص لأن 1 سم كل الف كيلو يعني بينزل من ال max الي ال min خلال من 1000 الي 2000 كيلومتر و ده كتير نصيحة لو تقدر تسقط تسقيط كامل يبقي أحسن و أفضل و ده لازم يكون عند حد متخصص و بيفهم كويس في الألماني

ولو مش عايز تكلف نفسك كتير ممكن تشتري شورت بلوك 1400 و تركبه علي نفس الفتيس و الضفيرة و تغير معاه الكنترول وده هيكون أرخص حل يمشي الحال كمان كان و أفضل شويتين مع الموتور الجديد و ده يكلفك حوالي 2000 جنيه او اكتر شوية

لكن عمره لأ أنصحك بلاش تعمر الموتور ده لأني مشفتش حد عمره و فلح معاه نهائيا حتي الأن

اقتباس:

---

المشاركة الأصلية كتبت بواسطة ehab_mansour

لأ حضرتك كده الزيت بينقص لأن 1 سم كل الف كيلو يعني بينزل من ال max الي ال min خلال من 1000 الي 2000 كيلومتر و ده كتير نصيحة لو تقدر تسقط تسقيط كامل يبقي أحسن و أفضل و ده لازم يكون عند حد متخصص و بيفهم كويس في الألماني

ولو مش عايز تكلف نفسك كتير ممكن تشتري شورت بلوك 1400 و تركبه علي نفس الفتيس و الضفيرة و تغير معاه الكنترول وده هيكون أرخص حل يمشي الحال كمان كان و أفضل شويتين مع الموتور الجديد و ده يكلفك حوالي 2000 جنيه او اكتر شوية

لكن عمره لأ أنصحك بلاش تعمر الموتور ده لأني مشفتش حد عمره و فلح معاه نهائيا حتي الأن

---

طبعا شكرا على الاهتمام
اولا :- يعنى اىه شور بلوك ؟؟؟؟؟؟ اصلى جديد على الالمانى معلش

ثانيا :- فى كتير قالولى ان محدش سقط موتو وظبط معاه الا نادر او بمعنى اخر انت وحظك بس ساعتها قرف الموتور الخفيف بيكون ارحم الف مرة من قرف موتور مش بتاعها يغلبك ويكرهك فى العربية

حضرتك ممكن تجرب زيت الشنابر الاول جايز يجيب نتيجه لو مفيش فرق يبقى هتضطر تفك الموتور لكن فى مقابل ذلك لو هتغير الموتور ل1400 صحيح هو افضل لكن لازم يكون معاه الفتيس بتاعه وكان كونتروله وضفيرته
لكن السؤال هنا لاهل الخبره انا اسمع ان علبة الدريكسيون للموتور ال1000 مختلفه عن باقى المواتير فهل هيحتاج يغير علبة الدريكسيون ولا لا وهل ادوات التغذيه اقصد الفرن والمانفو ثابتين فى الموتورين ولا لا

انا كان عندى نفس المشكله وحصلتلى مرتين وكنت بغير البوجيهات والميكانيكى برده قالى طقم شنبر بس الحمد لله اتظبطت لوحدها من غير ما اعمل اى حاجه وبطلت تعرق زيت على البوجيه

ياتري حضرتك عملت ايه عشان انا عندي نفس المشكله ومحتار اعمل ايه