البطاريه بتنام لو في يوم العربيه مدارتش

السلام عليكم

السبت اللي فات جيت ادور العربيه لقيت البطاريه نايمه وكنت مشلغتش العربيه يوم الجمعه زقتها دارت علي طول ورحت لبتاع البطاريات قالي مفيش شحن خالص بس البطاريه كويسه وميتها حلوه وانا كنت لسه مظبطها قبلها بيومين وملعلتش في الكهبراء خالص مفيش غيرسلك السماعات اللي ورا كان مفكوك قمت مركبه وشكرا

المهم رحت الأسكندريه ورجعت وفضلت تمام لحد ماجيت القاهره وسبت العربيه البارح وجيت دولتقي اجيب دكتور لابني وادور مفيش بطاريه

مش عارف ايه اللي ممكن يكون معلق ومخلها بايظه كده

انا مش عارف في ايه في العربيه دي بقالها اسبوع مطلعه عين اهلي وكمان انا دلوقتي راكنها في جراج وموسع لغيري وحاططها في مكان منيل مينفععش حتي تتزق فيه

يا اما البطاريه باظت و محتاجه تتغير او فى حاجه ملمسه و الارحم ان تكون البطاريه باظت فحضرتك تغيرها بواحده جافه و تريح دماغك اما لو فى سلك ملمس بتاع الكاسيت مثلا او الانذار او اى حاجه زياده حضرتك مركبها فلازم تجيب كهربائى شاطر يقولك ايه اللى ملمس و يعزله بدل ما لاقدر الله يعمل ماس و لا حاجه و عامه انا افضل ان حضرتك تشوف كهربائى محترم يقولك العيب فين بدل ما تشترى بطاريه جديده على الفاضى و يفضل العيب لسه موجود

انا رحت جبت كهبرائي ببطاريه ووصل ودروتها ورحتله وقالي المياه اللي فيها وحشه وغيرها وحطها علي الشحن وبص علي كل حاجه مفيش حاجه بايظه ولا لمبه مهيسه ومنوره علي طول

مش عارف بقي هتتظبط ولا لآ
ربنا يستر

اقتباس:

---

المشاركة الأصلية كتبت بواسطة shaddadfalcon1

انا رحت جبت كهبرائي ببطاريه ووصل ودروتها ورحتله وقالي المياه اللي فيها وحشه وغيرها وحطها علي الشحن وبص علي كل حاجه مفيش حاجه بايظه ولا لمبه مهيسه ومنوره علي طول

مش عارف بقي هتتظبط ولا لآ
ربنا يستر

---

طيب يا رب تتظبط كده و لو انى حاسس من الاعراض دى ان البطاريه فيها ربع ضارب بس خللينا نشوف

لمعرفة اذا كان هناك تسريب ام لا ، قم بفك كابل الطرف السالب من البطارية ، ثم قم بعملية تلميس لهذا الكبل فى الطرف السالب ، فاذا وجدت حدوث شرارة فاكيد ان هناك شئ يستهلك البطارية ، واذا كان لديك علبة فيوزات قم بفك فيوز تلو الاخر ثم قم باعادة تجربة التلميس كل مرة حتى تعرف اى جزء فى العريية المسئول عن التسريب

للأٍسف جيت ادورا لصبح لقيت البطاريه لسه مصحتش من النوم وزقيتها ودارت وحاسس اني هنزل من الشغل الاقيها نايمه تاني

قيس شحن الدينامو
لو مابيشحنش يبقى العربيه ماشيه ع البطاريه
و احتمال تاني يكون المشكله من المارش
نور النور العالي بالليل و دور العربيه , لو لقيت النور بيضعف جامد و العربيه مابتدورش يبقى بطاريه اكيد
لكن لو النور مابيضعفش يبقى فيه حاجه ف المارش

الشحن كويس والكهربائي قاسه وتمام

هجرب موضوع النور العالي ده النهارده واشوف ان شاء الله

انا ما زلت شاكك ان البطاريه فيها ربع ضارب و لو غيرتها هات واحده جافه ايه سى ديلكو و أنساها

عملتها تاني معايا وانا راجع من الشغل وزمايلي البنات جم معايا يزقوها ههههههههه حاجه تفضح

شكلها كده بطاريه فعلا وطبعا البشوات النهارده احازه وهضطر ازقها تاني الصبح واروح اغيرها

ياتري البطاريه ايه سى ديلكو بتعمل كام؟ واجيب طبعا ال 55 امبير صح ؟

العربيه لانوس 1

انا معرفش بتاعه اللانوس كام بالضبط فاستنى حضرتك حد تانى يأكد المعلومه او هتلاقى مكتوب على البطاريه فهات زيها بس جافه ايه سى ديلكو (تقريبا هتلاقيها مستوردة من السعوديه) و دى من انضف الحاجات فى السوق و خللى بالك بتاع البطاريات تديله القديمه و تدفع فرق

طيب سعرها ايه عشان مينضحكش عليا
انا كان نفسي تكمل معايا ليوم الخميس واظبطها هناك في البلد بس شكلها كده هتفضحني

سعر ال ٥٥ امبير تقريبا ٣٤٠ ج بالقديمه و ال ٧٠ امبير ممكن تجيبها ب ٣٨٠ ج بالقديمه و ممكن تكون اغلى حاجه بسيطه بس ده الرينج بتاعها و اعتقد خليك فى ال ٥٥ امبير و هى معاها ضمان سنه و الاسعار دى حديثه جايبها من مشاركات اخوه فى المنتدى

اهم حاجه يكون شحن الدينامو مظبوط عشان ماتجيبش بطاريه جديده و تنام منك ,اكنك ماعملتش حاجه

لو البطاريه بقالها معاك سنه و نص او اكتر يبقى كدا جابت اخرها
لكن لو اقل من كدا يبقى اكيد فيها عيب او الكهربا عندك فيها عيب
و زي ماقولتلك جرب بالليل نور النور العالي و دور العربيه لو النور ضعف يبقى عيب بطاريه
لكن لو ماضعفش يبقى عيب دينامو

الشحن مظبوط واتاكدت منه البارح والبطاريه داخله في سنتين لاتي جايبها قبل الثوره بشويه

بس هل السعر اللي هو 340 دي ممكن يختلف علي خسب حالة البطاريه القديمه ولا سعرها بيكون ثابت ؟
وهل لو فيها ربع ضارب ممكن تتصلح ولا خلاص علي كده؟

اقتباس:

---

المشاركة الأصلية كتبت بواسطة shaddadfalcon1

الشحن مظبوط واتاكدت منه البارح والبطاريه داخله في سنتين لاتي جايبها قبل الثوره بشويه

بس هل السعر اللي هو 340 دي ممكن يختلف علي خسب حالة البطاريه القديمه ولا سعرها بيكون ثابت ؟
وهل لو فيها ربع ضارب ممكن تتصلح ولا خلاص علي كده؟

---

البطاريه بياخدها مش اقل من 50 جنيه و فيه بياخدها باكتر من كدا او حسب نوعها
انا بدلت البطاريه اداني خصم 50 جنيه

معرفش الصراحه اسعار البطاريات دلوقتي بس من فتره قريبه كانت في حدود من 320 ل 450 حسب النوع

شكلها فعلا بطاريه ونص وتلاته اربع

نزلت ادور عشان اروح شغلي وكالعاد تن تتن وفضلت ازق فيها لوحدها لما حسيت ان ضهري اتمزق قمت ناده بتاع السوبر ماركت وبعد ماكنت بتدور من زقه بسيط مرضيتش تدور خالص وفي الأخر ركنتها لما البشوات الصناعيه يفتحو

مش عارف صناعية ايه دي اللي بتفتح بعد 11 الصبح

رحت وجبت ال AC Delco من عند عنان اللي في شارع زاكر حسين بس حاسس انها غاليه

هو خد القديمه ودفعت 380 مع ان الكهربائي قبل مااروح قالي انا لسه جايب واحده لاوبترا من يومين ب 360 بس بيقولي ان الأسعار بتختلف من يوم للتاني
الراجل كان عايز 400 ونزلت 20 جنيه بالعافيه بس قولت مش مهم عشان اخلص واروح شغلي

اقتباس:

---

المشاركة الأصلية كتبت بواسطة shaddadfalcon1

رحت وجبت ال ac delco من عند عنان اللي في شارع زاكر حسين بس حاسس انها غاليه

هو خد القديمه ودفعت 380 مع ان الكهربائي قبل مااروح قالي انا لسه جايب واحده لاوبترا من يومين ب 360 بس بيقولي ان الأسعار بتختلف من يوم للتاني
الراجل كان عايز 400 ونزلت 20 جنيه بالعافيه بس قولت مش مهم عشان اخلص واروح شغلي

---

الف مبروك يا فندم و الفرق بسيط. جرب بقى العربيه و قولنا ايه الاخبار

الحمد لله كل تمام وعجبني اللمبه الخضرا اللي بتوري الشحن

بس المشكله دلوقتي في ضهري اللي مش عارف اعمل منه حاجه :))

يا ريت تقلى ايه الاخبار عندى نفس مشكلتك تمام

بس ازا ى اعرف ان فى حاجه ملمسه
انا ملاحظ حاجه
لما بدى اشاره يمين لمض الاشاره بتنور الغماز فى الجنب و الاكصدام و ورا و صوت التكات بيبقى عادى بس لما بدوس اشاره شمال صوت التكات بيبقى اسرع كتير ممكن تكون دى حاجه ملمسه فعلا

اقتباس:

---

المشاركة الأصلية كتبت بواسطة mansour77

يا ريت تقلى ايه الاخبار عندى نفس مشكلتك تمام

---

الحمد لله كله تمام والعربيه بتدور من اول تكه والبطاريه ماشاء الله جميله

اقتباس:

---

المشاركة الأصلية كتبت بواسطة mansour77

بس ازا ى اعرف ان فى حاجه ملمسه
انا ملاحظ حاجه
لما بدى اشاره يمين لمض الاشاره بتنور الغماز فى الجنب و الاكصدام و ورا و صوت التكات بيبقى عادى بس لما بدوس اشاره شمال صوت التكات بيبقى اسرع كتير ممكن تكون دى حاجه ملمسه فعلا

---

كده انت عندك لمبه محروقه في الجنب الشمال
شغل اشاره شمال وانزل بص واتاكد ان كل الأشارات شغاله في الجنب الشمال

اقتباس:

---

المشاركة الأصلية كتبت بواسطة shaddadfalcon1

الحمد لله كله تمام والعربيه بتدور من اول تكه والبطاريه ماشاء الله جميله



كده انت عندك لمبه محروقه في الجنب الشمال
شغل اشاره شمال وانزل بص واتاكد ان كل الأشارات شغاله في الجنب الشمال

---

هتأكد ان شاء الله
بس بصراحه انا فاكر ان كلهم كانو شغالين
لو كلهم شغالين ممكن يكون ده سبب تفضيه الشحن ان فى سلكتين ملمسين

اي كهربائي ممكن يشوفلك موضوع التلميس ده وان شاء الله خير

اقتباس:

---

المشاركة الأصلية كتبت بواسطة shaddadfalcon1

السلام عليكم

السبت اللي فات جيت ادور العربيه لقيت البطاريه نايمه وكنت مشلغتش العربيه يوم الجمعه زقتها دارت علي طول ورحت لبتاع البطاريات قالي مفيش شحن خالص بس البطاريه كويسه وميتها حلوه وانا كنت لسه مظبطها قبلها بيومين وملعلتش في الكهبراء خالص مفيش غيرسلك السماعات اللي ورا كان مفكوك قمت مركبه وشكرا

المهم رحت الأسكندريه ورجعت وفضلت تمام لحد ماجيت القاهره وسبت العربيه البارح وجيت دولتقي اجيب دكتور لابني وادور مفيش بطاريه

مش عارف ايه اللي ممكن يكون معلق ومخلها بايظه كده

انا مش عارف في ايه في العربيه دي بقالها اسبوع مطلعه عين اهلي وكمان انا دلوقتي راكنها في جراج وموسع لغيري وحاططها في مكان منيل مينفععش حتي تتزق فيه

---

البطاريه كده ممكن تكون جابت ربع

قبل ماحضرتك تغييرها بواحده جديده روح لواحد بتاع بطاريات يكشف عليها هل محتاجه تتشحن ولا الشحن ملوش لازمه ومحتاجه تتغير

لو محتاجه شحن وتمشى كويس معاك من غير مشاكل اشحنها

ولو فيها ربع ومحتاجه تتغير غيرها بواحده جافه

لك كل الود

الف مبروك

اقتباس:

---

المشاركة الأصلية كتبت بواسطة shaddadfalcon1

انا رحت جبت كهبرائي ببطاريه ووصل ودروتها ورحتله وقالي المياه اللي فيها وحشه وغيرها وحطها علي الشحن وبص علي كل حاجه مفيش حاجه بايظه ولا لمبه مهيسه ومنوره علي طول

مش عارف بقي هتتظبط ولا لآ
ربنا يستر

---

الكهربائى لما غير المياه
حط مياه مقطرة ولا ميه نار ؟

اقتباس:

---

المشاركة الأصلية كتبت بواسطة saadelden

اهم حاجه يكون شحن الدينامو مظبوط عشان ماتجيبش بطاريه جديده و تنام منك ,اكنك ماعملتش حاجه

لو البطاريه بقالها معاك سنه و نص او اكتر يبقى كدا جابت اخرها
لكن لو اقل من كدا يبقى اكيد فيها عيب او الكهربا عندك فيها عيب
و زي ماقولتلك جرب بالليل نور النور العالي و دور العربيه لو النور ضعف يبقى عيب بطاريه
لكن لو ماضعفش يبقى عيب دينامو

---

انا مش فاهم قصدك
فى اى ماكينة سواء سيارة أو موتوسيكل
البطارية لما بتكون سليمة لو انت منور النور ولما بشغل النور اكيد بيضعف
أنا كمان عندى المارش مش بيدور لما بكون منور النور
مع ان البطارية سليمة والحمد لله بتدور من تكة

اقتباس:

---

المشاركة الأصلية كتبت بواسطة Elawany13

الكهربائى لما غير المياه
حط مياه مقطرة ولا ميه نار ؟

---

مياة نار