الموضوع: مطاعم تحب تروحها و مطاعم لأ

المشاركة الأصلية كتبت بواسطة mahmoudyoussif

انا عايز محل كباب و كفته عدل كله الدهم فيه عالي

او طعمه مش حلو عشان و يا ريت لو في قعده عشان انا و المدام

بالنسبه ليا المحلات المفضله

برجر : محل في الشيراتون جامد مله هوا بعد حماده شيراتون جنب بافلو برجر جربوا اسمه وايلد برجر
بيتزا: سفن دايز معقول بس مش اللي هوا جامد يعني ... اليكس وان اخر جسر السويس قباء بس بحالات عشان انا ساكن هناك و حافظه
كشري: كشري قشطه مدينه قباء ... عالمي بمعنى الكلمه جربت هند و كل ما تتخيلوا ما لقيتش زيه
اسماك: زي ما عضو هنا قال كل اللي في القاهره زي الزفت و بيشتغلونا .... انا جربت واحد في دهب الراجل دا من السويس بس من الاخر
مكرونه : بستر كمكرونه او باستا ... عم حسن اسطوره مكرونه السي فود و دا في باب اللوق واسم المحل بامدورا
مشويات: بدور
فول و طعميه : اضواء المدينه في مصر الجديده بعد مؤمن بيبقى زحمه لغايه الفجر بس فحيت و اكله و مخللاته نضيفه
مطاعم ما باطيقش اسمع سيرتها
فروج الطازج
كنتاكي
مؤمن او ما بين قوسين (مقرف)
بيتزاهت
برجر كينج باكل عنده تخليص حق عشان كارت اكسكلوسيف
كوك دور بقى تعبان بالنسبالي

قشطة و اليكس وان دول ميطلعوش غير من حد قبائوي اصيل :d

مطاعم بحبها: بيسترو "فرع مدينة نصر" ، Rusberry في مكرم عبيد، تشيليز، و بالنسبة للسمك، مفيش حد زي شعبان بتاع السمك اللي في المنشية في اليكس، بجد خلاني معرفش أكل سمك تاني في القاهرة تحففففففففة، و بيتزا بابا جونز "فرع المعادي كويس دخلته كذا مرة، مجربتش الباقي"، و في الحسين أبو باسم للمشويات بموت فيه.

مطاعم كانت كويسة و فكست: تقريباً كل بتوع الفاست فود، هاردييز، كوك دوور، برجر كينج, تكا, كله بقى في النازل، و اخر مرة كلت في فرايدايز عقدني بجد، كان سيء، مطعم بيراميدز في المثلث مدينة نصر ، كبابجي فيصل " مبقاش زي الأول".

مطاعم يع: سبكترا الهرم زي الزفت، ماك، كنتاكي، بيتزا هت، مؤمن.