أقتراح : مائدة الرحمن بمشاركة الأعضاء

**Ahmed Selim** · 18-06-2008 11:47 AM

السلام عليكم جميعاً

كل سنة و أنتم طيبين رمضان فاضل عليه شهرين تقريباً

أكيد معظمنا بيحول على قد ما يقدر يعمل أفطار صائم\ شنطة رمضان وخلافه و كل واحد فى حدود أمكانياته طبعاً

طب ليه منعملش كده مع بعض كلنا فى صورة مائدة الرحمن حتى و لو صغيرة ؟

الموضوع محتاج أن يكون فيه حد عنده مكان وناس تتبرع بالتنظيم ( تجميع الفلوس و أعداد الطعام و خلافه و طبعاً كله بثوابه ) دول غير الناس اللى هتتبرع بالفلوس طبعاً

أحنا الحمد لله داخلين على 12 ألف عضو يعنى لو 1000 بس منهم دفعوا بمتوسط 20 جنيه يعنى 20000 ألف جنيه

و ممكن الناس اللى تلم الفلوس تتقسم حسب المناطق ( زى ما الأدارة عاملة فى موضوع الأستيكر ) و أنا عن نفسى متطوع أجمع فلوس من المشاركين من مدينة نصر

أنا قلت أبعت الموضوع من بدرى عشان يبقى الموضوع سهل بأذن الله

ما رأيكم أدام الله فضلكم ؟

**hazem_khidr** · 18-06-2008 12:59 PM

اقتراح جميل و كل حاجه
بس المشكله في تحصيل الفلوس و المسئوليه
لو حد عاوز يعمل خير بيتبرع بالمبلغ لاي جامع و الجامع يتولي المسئوليه

**Ahmed Selim** · 18-06-2008 01:01 PM

هى الفكرة أصلاً ان أحنا نتقابل فى رمضان ونشارك فى عمل خير مع بعض :)

**aif** · 18-06-2008 01:27 PM

الشق الاكبر من هذا العمل الكريم هو الوقت والجهد ....
دي بتبقي مسؤلية كبيرة ....ومش من السهل عملها
انا ليه واحد صاحبي بيعملها كل سنة بالمشاركة مع الجيران والاصدقاء ...
بيعملوها في منطقة حدائق المعادي ( دي منطقة شعبية بجوار المعادي ناحية البساتين )
الشق الاكبر من الموضوع بيبقي علي كاهل الزوجات ....هم بيطبخو كل يوم ... وكل واحدة عليها حاجة محددة ... الرز ... السلطة ... الخضار .... البلح ... العصير ....
بصراحة الموضوع محتاج حد يتفرغ لمدة 3 او 4 ساعات كل يوم .... يلم الفلوس ويشتري الاكل ويشرف علي المائدة و الفراشة وتنظيف الاطباق
لكن في الآخر هو ثواب كبير جدا ....." من أفطر صائما فله مثل أجره .... " أو كما قال صلي الله عليه و سلم