العلامة الامامية اتسرقت وكلمة لوجان

**smsm91158** · 10-06-2012 04:24 PM

علامة الرينو الى قدام فى العربية اتسرقت وكمان كلمة لوجان محدش يعرف اجيبهم منين الى هما الصينى دول الى ب15 جنيه دى

انا سالت فى صلاح الدين فى الاسكندرية قالولى الى موجود العلامة الى قدام بس ومفيش كلمة لوجان خالص الا فى التوكيل ... العلامة تركى وب 55 جنيه وعارف انها ممكن تتسرق تانى

الى يعرف اجيب الصينى منهم منين فى الاسكندرية ربنا يكرمكم

وشكرا .........

**amr.elsayed** · 10-06-2012 04:29 PM

صعب تلاقى كلمة لوجان دى برة التوكيل
انت تشترى العلامة التركى وتركبها .... وتشترى استيكر شيك كدة تملا بيه الفراغ بتاع الكلمة
بس لو لاقيت الكلمة سعرها مش مبالغ فيه فى التوكيل اشتريها .. غير كدة اعمل نفسك متبرى منها وحوط استيكر

**RenaultLover** · 11-06-2012 11:21 AM

انا دخت عل الكلمه في اسكندرية كلها ومش حتلاقيها غير في التوكيل
وهناك بيستعبطوا ب150 جنيه الكلمه
انا سايبها كده وخلاص

**harizy** · 12-06-2012 02:18 AM

يا زملائى الأعزاء يمكنكم شراء أحرف مفردة بحوالى 2.5 جنيه الحرف او 3 جنيه، وتجميع تلك الكلمة سواء رينو أو لوجان، من ناحية مش مكلفة، ومن ناحية مش مغرية للسرقة لأنها بلا قيمة، كنت عملتها قبل كده فى عربية مازادا وكانت تمام.

**mazher_m** · 12-06-2012 02:36 AM

قصه تخنق
لو نزلت القاهره في يوم هتلاقيها في التوفيقيه

**amriar** · 12-06-2012 05:58 AM

هو السؤال المهم .. هو سرقها ليه .. لو عشان يبيعها يبقي لازم اخونا اللي اتسرقت منه يلاقيها او يلاقي زيها
ولو عشان يركبها في عربيته يبقي هو كمان اتسرق من واحد عايز يبيعها او يحطها في عربيته اللي اتسرقت منها العلامه

ولو بيغلس كان زمانه جرح العربيه كلها مع فك العلامه ..

انا بجد مش عارف بيسرقوها ليه

**amr.elsayed** · 12-06-2012 04:14 PM

المشاركة الأصلية كتبت بواسطة amriar

هو السؤال المهم .. هو سرقها ليه .. لو عشان يبيعها يبقي لازم اخونا اللي اتسرقت منه يلاقيها او يلاقي زيها
ولو عشان يركبها في عربيته يبقي هو كمان اتسرق من واحد عايز يبيعها او يحطها في عربيته اللي اتسرقت منها العلامه

ولو بيغلس كان زمانه جرح العربيه كلها مع فك العلامه ..

انا بجد مش عارف بيسرقوها ليه

انا من كام يوم كنت راكب تاكسى فى الكرسى اللى ورا السواق ... وبضرب عينى كدة لاقيت التاكسجى حاطط علامة رينو على الطارة وباين عليها انها اصلى
كنت عايز اقلع حزام البنطلون واقوم لافه على رقبته وافضل اشد واشد لحد ما تطلع روحه

ماهو انا مش مقتنع انه اشترى العلامة ب 60 جنيه يعنى
دة غير بتوع التكاتك اللى بيسرقوا اى حاجة علامة او اريل او طاسة او حتى استيكر .. بسبب او بدون
فى تاكسى بقى عندنا فى اسكندرية حاطط علامة رينو مكان علامة لادا ... بس مش حاطط علامة اللوجان والميجان
لا حاطط علامة الرينو بتاعت التريلات الكبيرة اوى دى .. عايز تقنعنى انو اشتراها .. دى بتبقى غالية اوى حتى لو مش اصلى
.............
غالبا بيشتروها من السارقين باسعار بخس .. وربنا يرحمنا

**sherifboo** · 13-06-2012 10:17 AM

المشاركة الأصلية كتبت بواسطة amr.elsayed

انا من كام يوم كنت راكب تاكسى فى الكرسى اللى ورا السواق ... وبضرب عينى كدة لاقيت التاكسجى حاطط علامة رينو على الطارة وباين عليها انها اصلى
كنت عايز اقلع حزام البنطلون واقوم لافه على رقبته وافضل اشد واشد لحد ما تطلع روحه

ماهو انا مش مقتنع انه اشترى العلامة ب 60 جنيه يعنى
دة غير بتوع التكاتك اللى بيسرقوا اى حاجة علامة او اريل او طاسة او حتى استيكر .. بسبب او بدون
فى تاكسى بقى عندنا فى اسكندرية حاطط علامة رينو مكان علامة لادا ... بس مش حاطط علامة اللوجان والميجان
لا حاطط علامة الرينو بتاعت التريلات الكبيرة اوى دى .. عايز تقنعنى انو اشتراها .. دى بتبقى غالية اوى حتى لو مش اصلى
.............
غالبا بيشتروها من السارقين باسعار بخس .. وربنا يرحمنا

والله حلال في سواق التاكسي اللي حضرتك كنت هتعمله بس كان نفسي تساله هو جايبها منين كان يمكن يقول على مكان واحد من اللي بيسرقوا. ..عموما هي فعلا حاجة تخنق و نصييحتي للموضوع ده ان احنا نجيب غطا للعربية و نحاول نموه فيها على قد ما نقدر عشان ماتتسرقش و ربنا يستر علينا