اخوتي الأعزاء:
من زمان وأنا فعلا باحصل على قدر كبير من المعلومات والخبرات من المنتدى، شكرا جزيلا على ذلك،
وعموما انا لأول مرة بسأل عشان انا فعلا محتاج اغير العربية ومعي في حدود مبلغ ١٨٠،٠٠٠ جنيه, ومحتار في الاختيار بين السيارات الآتية:
- فولكس فاجن جيتا ٢٠١٢
- هوندا سيفيك ٢٠١٢
- فورد فوكس ٢٠١٢
ارجوا الافادة (مع بيان الاسباب) ولكم جزيل الشكر
فورد فوكس احسن واحدة من وجهة نظرى علشان فتيس الفولكس علية مشاكل و السيفيك الجديدة مش عجبانى خالص و غالية عالفاضى اما الفوكس شكل و موتور و كماليات جامدة غير الامان
كل عربية ليها ميزات و عيوب لكن الثلاث عربيات دول الريفيوز بتاعتهم جيدة و قد يكون الجيل الحالي من الفوكاس هو أعلاهم من حيث الريفيوز و القيمة بصورة عامة.
رأيي الشخصي كلمة الأحسن دي كلمة مطاطة جداً و يدخل فيها عوامل كثير جداً و بما إننا في مصر فالسوق بيحكمك و بالتالي فالهوندا هي الأفضل كقيمة مقابل المال لو حطينا في الإعتبار إنها عربية ياباني زائد إسم هوندا فهي عربية لها تاريخ جيد و عالية الإعتمادية و توكيلها جيد و سعر إعادة بيعها أحسن من الفورد على الأقل.
و عموماً العربيات الياباني و وراها الكوري حققت معادلة عبقرية و هي الأداء العالي و الراحة المعقولة مع عدم الفلسفة المبالغ فيها في التكنولوجيا و النتيجة عربيات يعتمد عليها و ناعمة و إستغلال جيد للمساحات و تكييف رائع و عزل جيد و إستهلاك جيد للبنزين.
في رأيي الشخصي ده الإختيار العملي و مش معناه أبداً إن السيفيك أحسن من الجيتا أو الفوكاس.
لولا فتيس الجيتا كنت رشحتهالك.. لكن الفوكس أفضل
الفورد و الفولكس نفس فكرة الفتيس كما علمت لذا خليك في الهوندا مضمونة ميكانيكيا وايضآ بنزين ٩٢
فوكس
الفورد فوكاس معايا حاليا مشيت بيها تقريبا 1000 كيلو بس كل اللي أقدر أقولهولك من الاخر انها عربية ممتازة
:10D5C8w1107:اقتباس:
المشاركة الأصلية كتبت بواسطة Mohamed Fawzy
السيفيك مناسبة جدا من حيث الاعتمادية ومن حيث سعر اعادة البيع والعربية معايا واشهدلك بكدا ولو انى بميل جدا للفوكس بس سعر اعادة بيعها بيقل كتير اوى والجميلة الجيتا مشاكل الفتيس المعروفة وربنا يوفقك للاحسن ان شاء الله
بسبب المشاكل المعروفة عن الفتيس فنستبعد الجيتا والفوكس-- والسيفيك الجديدة شكلها مش اوى دة غير انها مبالغ فى سعرها ممكن حضرتك تشوف الاسكودا فانتازيا عريبة محترمة يعبها فقط الشكل بتاعها بيعتر كلاسك اوى
او التويوتا كرولا الموجودة حاليا يبانى 100% والهاى لين ب 167 الف وطبعا فتيسها عادى مش الى كان فية مشاكل
وممكن بردة النيسان قشقاى
ايه المشاكل المعروفة عن فتيس الفوكاس ؟اقتباس:
المشاركة الأصلية كتبت بواسطة merosss
وبعدين الفوكاس 125 حصان والجيتا تربو 122 حصان تقوله فانتازيا 102 حصان !
والكورولا لا تقارن بيهم خالص والهايلاين مفيهاش اي كماليات خالص وفتيس 4 سرعات قديم جدا
فتيس الفورد فوكس من الانواع الجديدة و لسة بيظهر فية مشاكل اكتب على الجوجل كدةاقتباس:
المشاركة الأصلية كتبت بواسطة mody3on
ford focus 2012 transmission هتلقية كمل لوحدة كلمة problems و شوف الكلام الى مكتوب برة
امما بالنسبة لموضوع الاحصنة دة بقة وجهات نظر فى واحد عندىة استعداد يركب عربية ذى الجيتا 122 حصان وكل شوية يظهر مشكلة فى الفتيس الى تمنة معرفش كام الف جنبية ولا تركب عريبة 102 حصان واعتمادية عالية جدا ونادرة المشاكل ...كل واحد لية وجهة نظر وحر .......وطبعا عدم انتشار الجيتا والباسات الجديدة اكبر دليل اما الكورولا اليبيانى فنفس الفكرة عريبة الاعتمادية فيها عالية جدا وبالنسبة لبعض الناس يركب عربية بتكنولوجيا مش جديدة اوى احسن ما يركب عريبة احدث تكنولوجيا وكل شوية دايخ بيها على التوكيل او تعطل منة فى السكة دة وجهات نظر وبتختلف من واحد والتانى
يا فندم اكيد وجهة نظرك تحترم , بس فتيس الفوكاس والجيتا مفيهوش مشاكل ولا بيبوظ , كل اللي في انه بيتردد في اختيار النقلة في الزحمة , لو انت متعود عالمانيوال مش هيفرق معاك الكلام دهاقتباس:
المشاركة الأصلية كتبت بواسطة merosss
هي فعلا الكورولا اعتمادية جدا , بس غير كده اسمحلي دي كنبة متحركة ومفيهاش اي حاجة تخليها ب 167 الف , غير عفشة ناعمة ووسع واعطال قليلة , غير كده ملهاش اي مميزات3
تحياتي :)
please go to ....( Issues with new 2012 Ford Focus - Focus Fanatics))) according to ford focus. please read all
Ford
ابعد عن السيفيك ال 2012 و انتظر النسخه القادمه منها بأوبشن اعلى
و انا انصحك بلفوكاس طبعا
^_^
فوكس =
هتوفر فلوسك و انت بتشتريها هاي لاين و تكسب كماليات ممتازة
و كمان هتوفر فلوس كتير في التوكيل
فيتيس رائع مع سحب ممتاز
ارتفاع مناسب عن الأرض
هو فين صاحب الموضوع؟؟؟؟؟؟؟؟؟؟؟
انا شاكر ليكم كل النصائح دي بجد
(mazher_m)
انا اسف... كنت مسافر ولسة شايف الموضوع دلوقتي؟؟
عموما... من الواضح ان اغلب الآراء بترشح الفورد...
وانا عاجبني فيها كل حاجة ماعدا الشنطة بتاعتها (روحت شوفتها، فعلا صغيرة)
بس الهوندا ليها نفس الشنطة الصغيرة...
وردا على (mody3on)
بصراحة بيفرق معايا قوة الموتور عشان كدة انا مش هعرف افكر في الفانتازيا، ده غير زي ما حضرتك بتقول (شكلها كلاسيك وكمان موجود من فترة)
انا فعلا متحير...
الفورد اكتر واحدة عاجباني في كل حاجة (بس سعر اعادة البيع ، كمان الشنطة صغيرة)
الجيتا عاجباني بجد وفيها كل حاجة احسن من الفورد (بس الفتيس، وكمان لازم احجز ٦شهور)
الهوندا ... اغلب اللي اتقال عليها عشان بس ابعد عن مشاكل الفتيس والبنزين... وبصراحة نص الناس بتقول الفتيس فيه مشكلة والنص التاني بيقول المشكلة اتحلت (وطبعا الوكيل بيقوللي كل حاجة تمام)
انا بحب الهوندا بس انا بركب عربيات ياباني بقالي مدة (٨) سنين، وحاسس انه كفايه على الياباني
انا مجرب اللانسر والتويوتا وحتى مركبتش الهوندا، فانا مش عارف هل هحس بفرق لما اجيب هوندا ولا اخليني في الالماني؟؟؟
وصحيح انا كنت نسيت اقول ان انا بتاع سفر كتير ومحتاج عربية تستحمل وتجري كمان... مش عارف ده ممكن يغير في اختياري ولا ايه؟؟
طبعا انا متشكر لتاني مرة لكل اللي تعب وكتب حاجة :)
كلهم هيستحملوك , الهوندا والفوكاس جريهم متقارب بس السيفيك تكسب في الجري
الجيتا كويسة جدا بس في رايي الفوكاس كصفقة احسن لان فرق 45 الف مش قليل برضه
على فكرة الفوكاس مش بتجري بس الحكمة في اللي انت تقدر تعمله بيها أثناء الجري انا كنت جاي امبارح من اسكندرية وواحد جري معايا بجولف باندا وصلنا ل 200 بس هو مسك الشمال وماسابش الحارة بتاعته انا اضطريت أقضيها غرز في الحارات التانية اللي عايز أقوله ان احساسي بالغرز على 200 زي احساسي بيها على 100 بالظبط نفس الثبات والتحكم والامان
انا مش بيهمني موضوع الكماليات كتير، احتياجي الاساسي من الكماليات هو مثبت السرعةاقتباس:
المشاركة الأصلية كتبت بواسطة mody3on
فكنت بقارن الفئة الاولى في الجيتا (١٨٥٠٠٠ جنيه) مع تالت فئة في الفوكس (١٧٩٠٠٠ جنيه) يعني الفرق هيكون ٦٠٠٠ جنيه
شاكلها كدة هترسى على الفورد وهستحمل موضوع الشنطة الصغيرة و ثمن اعادة البيع (احسن ما البس الفتيس بتاع الجيتا)
الا لو عرفت حاجة في خلال الشهر الجاي قبل ما اشتري ان شاء الله
وشكرا على الايضاح والردود :)
كلام جميل بس انا متاكد ان الهوندا والجيتا هيعملوا كدة برضواقتباس:
المشاركة الأصلية كتبت بواسطة mohamed fawzy
عموما ، شكلي هشتري الفوكس
شكرا ليك :)
أنا إلي أعرف عن الفورد فوكس إن قطع الغيار هتتعذب عشان تلاقيها . و كمان معروف عنها إن ال resale value بتاعتها فالحضيد ده لو لاقت إلي هيشتريهة . أنا بقول الكلام ده مش عن تجربة. أصل أنا كنت محتار مبين التلاتة بردو بس الهي لاين و 2011 مش 2012 . المهم توكلنا على الله واشترينا الفولكس جتا . أنا هديكم تقرير بسيط عنها وعن استخدمي ليها . هي لسة مكملتش معنا 1500 كيلو. أولاً الأبشنس خرافية بالنسبة لعربية بسعر 200, 000 جنيه . جنط 18. فل اوبشن أوتوماتيك ، فتيس ستيبترونك وأحب انوه إن فلكسواجن غيرت الفتيس من أول موديلات 2011, فيها غير الستيبترونك فالفتس ستيبترونك فالتارة بردو يعني ممكن تغير الناقلات من التارة . شاشة تتش رائعة في وجهة نظري . تارة ملتفنكشن. عدادات رائعة مع إمكانية إظهار السرعة ديجيتال على الكمبيوتر المبين الشاشة . كروز كونترول مريح جداً . فتحت سقف ممكن تظبطهة ذي ما إنت عايز . تكيف دوال (كل شخص ممكن يتحكم في درجة الحرارة بتاعت التكيف إلي نحيتو ). زنون فوق الرائع و- لسة مسافر بيها امبارح ومكنش في نور فالطريق محتجتش أولع النور العلي أبداً . العلي بتاعها أصفر عادي بس بيمتد أدامك كتير لدرجة اني نادراً ما بستخدمو .فوج ليتس . ناواكل على حروف الإزاز مخلي شكلها برستيج جداً . إشارات فالمرايات . إزاز العربية كلو أوتوماتيك يعني ممكن تخلي ينزل كلو مرة وحدة أو تتحكم في ذي ما إنت عايز . نيجي بقى لسحب العربية ... العربية سحبها فوق الرائع بس أنا شايف انك لم تشغل التكيف بيبقى في سنة تأخير فالسحب يعني العربية بتاخد جزء من الثانية عشان تطلع ولو العربية محملة ومشغلة التكيف السحب مبيكنش قد كدة بس مازال كويس بالنسبة لإنها عربية كبيرة . الثبات ممتاز أنا واخد طريق السخنة كلو على 160 بملفاتو ومكنتش حاسس اني جايبها . الفرامل بردو قوية جداً جداً . نيجي لأهم نقطة . الجتا الباس لاين ملهاش أي تلاتة لازمة . طاسات ومفيهاش أي اوبشن ولا شاشة تتش ولا أي حاجة . منظر بس من برة يعني هيبئة اسمك ركب فولكس و خلص لكن مش هتستمتع بيها تماماً. واحد صاحبي معا ال-base لاين وفعلاً ونة راكب فيها مش مستمتع خالص . أنا مش فكر إذا كنت أنا قلت كل الاوبشنز الفالعربية عشان مزلمهاش بس أعتقد انها صفقة رابحة جداً . العربية فيها عيب واحد ويعتمد على إلي سايق وهو إن العربية وطية . لو إنت من الناس إلي مبتحبش تهدي كتير وبتحب انها مثلاً تاخد المطبات بسرعة سنة مش هتنفعلك العربية دي. أسف إذا كنت طولت عليكم و ده كان تقرري الصغير عن العربية ولو حد عايز صور يبئة يقولي
قطع غيار الفوكاس 2012 متوفرة في التوكيلاقتباس:
المشاركة الأصلية كتبت بواسطة karimwaleed
وجيتا 2012 غير جيتا 2011
جيتا 2011 دي 100 حصان معلش سحبها فوق رائع ازاي ؟ :)
الجديدة هي اللي موتور تربو سحبها كويس جدا فعلا
أنا معرفش أي حاجة عن الفوكس الجديدة بصراحة عشان مكنش بفتي . بالنسبة إن الجتا 2012 غير 2011 فأنا متفق معاك إن الفرق الوحيد إن في ناس ممكن تشوف إن الشكل الجديد أحلى عشان شبة اي أودي a4 شوية . غير كدة هي هي نفس الابشنز من جوا . بال نسبة للسحب فيمكن عشان أنا كنت راكب عربية 1300 قبلها فحاسس إن السحب حلو بنسبالي . الجتا الجديدة تربو يا باشا يعني الصراحة حرام تحط في بنزين 92 عشان تحافظ على كفائة الموتور وعمرو الإفتراضي لزم تحط 95 وأنا الصراحة واحد من الناس إلي مدفعش 50 جنيه زيادة فالتفويلة إلي هي بتخلص بسرعة أصلاً . بس أنا طالب جامعي فبنسبالي ال-1600 ال-2011 أحسن بكتير . على فكرة أنا جايب الجتا من السعودية خليجي فقط عشان الشاب الجديد هناك نزل 2000. ونت عرف طبعاً هنا في نظام التقسيط بيبهدلو الناس ازاي .
هوندا سيفيك بس استنى الشكل الجديد 2013