فولكس فاجن جيتا - هوندا سيفيك - فورد فوكس ٢٠١٢ (ايهم الأفضل)

**Ahmed_Riecky** · 10-06-2012 05:12 PM

اخوتي الأعزاء:
من زمان وأنا فعلا باحصل على قدر كبير من المعلومات والخبرات من المنتدى، شكرا جزيلا على ذلك،
وعموما انا لأول مرة بسأل عشان انا فعلا محتاج اغير العربية ومعي في حدود مبلغ ١٨٠،٠٠٠ جنيه, ومحتار في الاختيار بين السيارات الآتية:
- فولكس فاجن جيتا ٢٠١٢
- هوندا سيفيك ٢٠١٢
- فورد فوكس ٢٠١٢
ارجوا الافادة (مع بيان الاسباب) ولكم جزيل الشكر

**memo_funky18** · 10-06-2012 05:21 PM

فورد فوكس احسن واحدة من وجهة نظرى علشان فتيس الفولكس علية مشاكل و السيفيك الجديدة مش عجبانى خالص و غالية عالفاضى اما الفوكس شكل و موتور و كماليات جامدة غير الامان

**ahmedfd** · 10-06-2012 05:41 PM

كل عربية ليها ميزات و عيوب لكن الثلاث عربيات دول الريفيوز بتاعتهم جيدة و قد يكون الجيل الحالي من الفوكاس هو أعلاهم من حيث الريفيوز و القيمة بصورة عامة.
رأيي الشخصي كلمة الأحسن دي كلمة مطاطة جداً و يدخل فيها عوامل كثير جداً و بما إننا في مصر فالسوق بيحكمك و بالتالي فالهوندا هي الأفضل كقيمة مقابل المال لو حطينا في الإعتبار إنها عربية ياباني زائد إسم هوندا فهي عربية لها تاريخ جيد و عالية الإعتمادية و توكيلها جيد و سعر إعادة بيعها أحسن من الفورد على الأقل.
و عموماً العربيات الياباني و وراها الكوري حققت معادلة عبقرية و هي الأداء العالي و الراحة المعقولة مع عدم الفلسفة المبالغ فيها في التكنولوجيا و النتيجة عربيات يعتمد عليها و ناعمة و إستغلال جيد للمساحات و تكييف رائع و عزل جيد و إستهلاك جيد للبنزين.
في رأيي الشخصي ده الإختيار العملي و مش معناه أبداً إن السيفيك أحسن من الجيتا أو الفوكاس.

**Sehsss** · 10-06-2012 06:34 PM

لولا فتيس الجيتا كنت رشحتهالك.. لكن الفوكس أفضل

**S O P H O S** · 10-06-2012 08:16 PM

فوكس

**Mohamed Fawzy** · 11-06-2012 04:36 PM

الفورد فوكاس معايا حاليا مشيت بيها تقريبا 1000 كيلو بس كل اللي أقدر أقولهولك من الاخر انها عربية ممتازة

**Dr'AhmZZong** · 11-06-2012 04:53 PM

المشاركة الأصلية كتبت بواسطة Mohamed Fawzy

الفورد فوكاس معايا حاليا مشيت بيها تقريبا 1000 كيلو بس كل اللي أقدر أقولهولك من الاخر انها عربية ممتازة

**merosss** · 12-06-2012 01:00 AM

بسبب المشاكل المعروفة عن الفتيس فنستبعد الجيتا والفوكس-- والسيفيك الجديدة شكلها مش اوى دة غير انها مبالغ فى سعرها ممكن حضرتك تشوف الاسكودا فانتازيا عريبة محترمة يعبها فقط الشكل بتاعها بيعتر كلاسك اوى
او التويوتا كرولا الموجودة حاليا يبانى 100% والهاى لين ب 167 الف وطبعا فتيسها عادى مش الى كان فية مشاكل
وممكن بردة النيسان قشقاى