ايه اخبار الموتور
عرض للطباعة
ايه اخبار الموتور
السلام عليكم
شكرا للاهتامام واللة لسة مجبتوش علشان كان فدامى تويوتا 1600 ففكرت اخدها واوفر الوقت والجهد بالرغم من ان اساسات عربيتى الحمد للةه ممتازة بصراحة لسة مش عارف هاعمل اية اية رايكم
الموتور دا اسمه a4
الموتور دا جبار ما شاء الله و هو انجكشن طبعا و قوته 127 حصان .
بالنسبه للتكلفه هى حوالى 4000 جنيه و بيأخد الموتور القديم .
طبعا بيركب الموتور بالفتيس و كمبروسر التكييف و كمان ترنبة بنزين كهرباء بنكون لها مكان تحت الكنبه الخلفيه و وحدة الكنترول بتاعت الموتور لانه انجكشن .
لايحدث اى تعديل فى اماكن قواعد الموتور لانه موتورها بس بنزل فيها فى دول تانبيه.
التعديل الوحيد ممكن يكون فى مكان الفرن علشان الفرن بتاع الموتور دا بروحين انما الموتور 1300 بيكون بروح واحده بس و دى مش مشكلتك هو بيغير الفرن او بيعدل الفرن القديم .
التكلفه شامله اجرة الميكانيكى و الكهربائى و لو احتاجت تعديل فرن بتشمله .
من الاخر كل حاجه عليهم لحد ماتستلم العربيه و فيها زيت الموتور كمان و تحت التجربه لمدة شهر .
المزايا فرق كبير جدا فى سحب العربيه و قوتها و لاتشعر ان التكييف له اثر على الموتور او السحب .
ممكن تكون فى تكاليف اضافيه يعنى مثلا فى حالة فك الموتور القديم قد تجد قواعد الموتور متكسره و دا احتمال كبير بيتم تغيير القواعد على حسابك و كل حاجه موجوده عندهم بس حسب سعرها.
بعد الشهر التجربه و خلاص انت هتغير طبعا سيور و كمان بوجيهات .
انا عملت القصه دى كلها فى يومين بس من صبحيت ربنا لحد ما يقفلو و ممكن تسيب العربيه و تروح بس انا كنت على ايدهم فى كل حاجه كبيره و صغيره علشان افهم .
القصه دى انا عملتها فى الزقازيق لانى من الشرقيه من حوالى 10 شهور .
عموما حضرتك لو قررت ممكن تعرفنى و انا وصلك لناس دول و هما محترفين فى الملكه .
انا عربيتى موديل 96
الله يبارك فيك و اسف على تأخير الرد تكلفة التغيير شامله الفتيس طبعا و انا ركبت الفتيس المانيوال لانى بحب المانيول جدا و التوماتك كان موجود و بنفس الفرق تقريبا .
للعلم فتيس 1300 مينفعش يركب على المكنه 1600 سواء مانيوال او اتوماتيك
الفتيس الوتوماتيك فى المكنه 1600 حجمه كبير و تقيل جدا على مساعدين العربيه 1300 يعنى ممكن تغير المساعدين الى مساعدين من اللى بينزلو فى العربيات 1600 او تركب حاجه اسمها يايات " انا مش متأكد من الاسم " للمساعدين اللى عندك .