نصيحة من الخبراء لتويوتا الملكة

**s_sherif** · 10-06-2012 09:06 PM

السلام عليكم
سؤالى بخصوص تسقيط موتور 1600 سى سى انجيكشن بالفتيس اوتوماتيك بدل من موتور 1300 كربراتيراتوماتيك حد مر بالتجربة دى او اى مساعدة بخصوص مكان وارقام تليفونات مكان كويس اعمل فية الحكاية دى

**me_medoo** · 11-06-2012 12:59 AM

حبيب قلبي وأخي العزيز ... في فالحرفين فنين للموضوع ده لكني لا أنصح فيه ... وعلى قولت التجار لمن يقولك العربية على أبوها ... يعني زي ماقال الكتاب ... ده غير لا تنسى أننا داخلين على أرتفاع ســــــــــــــــعر البانزين قريب بعد أنتخبات الرئاسة وهيبقى الناس الي عندهم متور 1600 نفسهم يشيلوه ويسقطو متور 1300 ههههههههههه يعني هتنعكس الايه . وتحياتي

**s_sherif** · 11-06-2012 02:15 AM

اخى الغزيز شكرا للاهتمام والرد انا عاوز اعمل كدة علشان الاتوماتيك عاوز عزم اكتر من المانيوال بالذات مع التكييف وكلمت ناس فنيين غير اللى قلولك خليها على ابوها :((( قالولى ان الموضوع دة مش هايحتاج تعديل فى العربية مجرد تسقيط ماتور بس مفيش اختلافات يا ريت لو حد مر باتجربة دى يفيدنا قبل ما الواحد يتهور هههههههههههههههههههة

**Mohamed.Mohsen** · 11-06-2012 12:13 PM

الموضوع ده تغيير الموتور من 1300 كربريتور الي 1600 انجكشن اتعمل كثيرا قبل كده بس فيه تعديلات اساسية يعني تغيير موتور بالكنترولات والضفيرة وسربنتينة تبريد زيت الفتيس الاتوماتيك تحت الرادياتير والفتيس طبعا وتوصيلاته والدواسات وهتلاقي موضوعات كثير هنا عن الموضوع ده وتم بنجاح مع ناس كتير بس بيتكلف كثير ولازم تلاقي موتور نظيف 1600 وممكن اديلك رقم تليفون واحد متخصص في الموضوع ده في الحرفيين وعين شمس . بس لاانصحك بالخطوة دي لو موتورك ال 1300 سليم وحالته كويسة هات اخره زي مابيقولوا وهو من احسن المواتير اداء واقتصادي بس اداء ال 1600 والسحب اعلي بكتير .

**S O P H O S** · 11-06-2012 12:51 PM

هو 1300 حالته سيئة
لو حالته كويسة بلاش تغير افضل
تحياتي ..

**tarekmomo** · 11-06-2012 01:46 PM

العربية دى بينزل منها ماتور 1600 اتوماتيك بس كاربيراتير بتبقى خليجى حاول تشوف واحد استيراد

**s_sherif** · 11-06-2012 04:40 PM

شكرا للجميع المشكلة ان الموتور القديم 1300 صوتة عالى (تخبيط وكدة) الميكانيكى قالى انة مش هايعمر كتير معايا دلوقتى كنت عاوز اسال فى حاجة لية هايكون فية تعديلات فى سربنتينة تبريد زيت الفتيس مثلا مع العلم ان عربيتى اتوماتيك اصلا مش مانيوال والتكلفة هاتكون فى حدود كام انا شايف ان ى اجيب واحد استيراد احسن من تصليحة وكدة اية رايكم وياريت التليفون بتاع التجار (avatar) وشكرا

**s_sherif** · 11-06-2012 04:43 PM

موضوع 1600 كربيراتير متهيالى يخوف شوية فى سحبة للبنزين واعطالة مثلا بس هاسال على الموضوع دة علشان اول مرة اعرفة متهيالى الانجكشن احسن

**mahmoudselim** · 13-06-2012 03:09 AM

افتكر ان الماتور ال 1600 انجيكشن بالفتيس عامل 7000 جنية استيراد اليابان وحالة ممتازة. والماتور لواحدة حوالي 4000 جنية. والافضل تشترية من بورسعيد هتلاقي هناك مواتير لسة معدتش 50000 كيلو. بس الافضل تروح لحد معرفة هناك.

**mr_sameh** · 22-06-2012 02:53 AM

اجراء ممتاز وتوكل علي الله عن تجربه خمس سنوات حتي الان

الموضوع: نصيحة من الخبراء لتويوتا الملكة

LinkBack

أدوات الموضوع

عرض

-

-

-

-

المواضيع المتشابهه

محتاج نصيحة .. ايه احسن نوع كاوتش لتويوتا كورولا 2010 خليجي

طلب استشارة لموديل لتويوتا الملكة

الماستر العمومى لتويوتا 97 الملكة

محتاج نصيحة من الخبراء

نصيحة من الخبراء

الكلمات الدلالية لهذا الموضوع

المفضلات

المفضلات

ضوابط المشاركة