هذه هى الأعراض فما هو العطل ؟
أنا فى عمان واشتريت سيارة كرولا هاتش باك مانيوال 92 1600 سى سى
انجكشن وباور .
المشكلة انى الصنايعية هنا هنود ومش عارفين نفهم بعض وهما اديهم وحشة فى الشغل مش زي اسطواتنا
1- الملاحظ عند هو انخفاض دواسة الفرامل للآخر عند الضغطه الأولى وتصبح عادية لو ضغطت ضغطات متكررة فما العيب ؟ ذهبت للميكانيكى وغيرنا تيل الفرامل للاربع عجلات وأخذ هواء وبرضه المشكلة قائمة مع العلم ان الزيت لا ينقص
2 - دواسة الدبرياج واطيه جدا والميكانيكى خد لها هوا برضه بس ما ارتفعتش فهل هناك طريقة اخرى لرفع الدواسه ؟
3- عند الالتفاف لأقصى اليمين أو أقصى اليسار الدريكسيون لايعتدل الى وضعه المستقيم تلقائيا ( لازم الف الدركسيون بالعكس تانى بعد ما اخلص اللف ) فهل لهذا علاقة بضبط الزوايا ؟
4 - عندما غيرت تيل الفرامل لاحظت انهم لما رفعوا العربية من النص من الامام بكوريك تمساح السوست والمساعدين بتاع الناحية اليمين خرجوا من مكانهم من الكارتيره وقال لى ان الكرسى مكسور ؟ وبعدين دخله تانى مكانه , فهل خطر لو تركته بدون تغيير ؟ يعنى لازم العجله تقع فى حفرة عميقة عشان المسا عدين تخرج من مكانها ؟
شكرا للمساعدة