أغير لونها و لا بلاش؟

**Zing0** · 11-06-2012 02:45 PM

السلام عليكم
الحمد لله ربنا أكرمنى بعربيه لادا 2105 موديل 82, هيا كانت راشه خارجى قبل كده, بس محتاجه دلوقتى سمكرة و دوكو, المهم لونها أحمر (اللون الأصلى) بس أنا كنت بفكر أغير اللون لرمادى أو فضى أو شامبين ميتالك ( أى حاجه من الألوان الجديده ) مش عارف ده ممكن يأثر على سعر العربية بعد كده و لا أتوكل على الله و أغيره, أنا وجهه نظرى إن أى واحد هيفكر يشترى موديل قديم مش هيبقى مهتم بلونها الخارجى لأنها أكييييييد مش هتفضل من التمنينات لحد الآن بدهان الفبريكه. و لا برضه تغيير اللون هيفرق؟ خااااايف و عاوز نصايحكم.

**Zing0** · 12-06-2012 10:02 PM

أيه يا جماعه مفيش ردود ليه؟ هيا الدنيا حر و لا إيه؟

**Zing0** · 19-06-2012 01:59 AM

طيب أرد أنا على نفسى
بص يا أستاذ Zing0 , بصراحه أنا علمى علمك بالضبط و معرفش غير اللى أنت عارفه, و مستنى حد يسأل فيا, قصدى فينا

**bkr** · 20-06-2012 08:25 PM

المشاركة الأصلية كتبت بواسطة zing0

طيب أرد أنا على نفسى
بص يا أستاذ zing0 , بصراحه أنا علمى علمك بالضبط و معرفش غير اللى أنت عارفه, و مستنى حد يسأل فيا, قصدى فينا :_alshmokh22[1]:

مقدرش علي زعلك هو العربيه اساسا راشه خارجي بس لو غيرت اللون وانت بتبيع هتلاقي كتير يقول ثمن العربيه كده ااقل لاني هارجعها لونها انا شايف ان الاحمر علي العربيه ممتاز بس يتعمل لونها الاصلي من الداخل وعلي بركة الله

**Medo.Malek** · 21-06-2012 04:11 AM

مبروك يافندم على العربية و ربنا يباركلك فيها و تبقى فرارى ان شاء الله :)
عايز رائى ؟
رشها زى منتا عايز و غير لونها و شقلبها على بعضها ... لو هاتخليها معاك اكتر من سنتين تلاتة :)
غير كده يبقى برضه شقلبها زى ما تحب بس حافظ على اللون بتاعها ممكن تغير درجة اللون الاحمر او تستخدم الوان ميتاليك
مبروك مرة تانية :)

**akmm** · 29-07-2012 02:10 PM

حافظ على اللون الأساسى علشان وقت البيع .

**akmm** · 04-09-2012 12:20 PM

مازلت عند راى حافظ على اللون الأصلى بتاعها .

**ahmedzizo131** · 09-09-2012 03:18 PM

بسم الله الرحمن الرحيم
اهم سوال حاليا
هى العربية راشة دواخل قبل كدة ولاا لا ؟؟؟؟؟
لو فابريكة طبعا اوعى تغيير اللون .
لو كانت رشة يبقى مش هتفرق كتير
و دة راى