السلام عليكم لو امكن انا عاوز اعرف كل حاجه عن العربيه الـ Bmw 518 موديل 1979 وكمان سعرها كام لو حالتها كويسه وكمان لو حلتها تعبانه علشان انا امامي وحده للبيع شكرا...
عرض للطباعة
السلام عليكم لو امكن انا عاوز اعرف كل حاجه عن العربيه الـ Bmw 518 موديل 1979 وكمان سعرها كام لو حالتها كويسه وكمان لو حلتها تعبانه علشان انا امامي وحده للبيع شكرا...
قدامك واحده للبيع .. و خلاصه الكلام انا باقلك ماتشتريش ....
العربيه مالهاش اي نوع من قطع الغيار .. و اللي شغال فيها في الاستيراد هوه زهير ...
شوف الموديل اللي بعدها رخيص و حلو و قطع غياره حلوه ..
للاستعلام بس : العربيه طالب فيها كام ؟
شكرا يا باشا علي الافاده و السعر بتعها 19 انا كنت ناوي اخدها واشدها بس من الواضح ان هيا هتصرف كتير و اصلا انا عرفت سعرها في السوق ميعديش 25 شكرا مره ثانيه...
بص يا باشا .. لو فيها خير .. ماكنش رماها الطير .. و لو فيها خير .. ماكنتش قلتلك ماتشتريش ... العربيه انا باعاني في بعض الحاجات ليها (تخيل بقي لما انا .. اعاني .. اهه دي بقي قمت المصايب هههههههه) ...
بالنسبه للموتور حاجته كلها موجوده و تمام .. بالنسبه لكل حاجه تاني انسي .. يا راجل ده حتي مقصات ليها مافيش ! ... تخيل ! .. الموديل قدم .. و كله قلب علي الجديد .. و خلاص الكلام ده مافيش منه ... اي شارك مافيش مسمار ليه... لو عاوو بي ام و حاجتها حلوه و موجوده ... هات الموديل ده :
[img]http://www.bmwmregistry.com/exterior...y_Exterior.jpg[/img]
من 1981–1988 و هاتيجي رخيصه برضه ..
شكرا يا باشا طيب انت امامك حاجه ممكن تنسبني شكراااا
للاسف لاء .. و السبب ان انا قاعد في بني سويف :)
يا راجل انت من بني سويف هات الميل بتاعك اكلمك عليه احسن
trinitytuning@hotmail.com
لو انت من بني سويف انا بيشوي اللواي ... لو ملقتنيش دلوقتي هتلاقيني كمان ساعه كده او بالليل ...
فعلا هيا جميلة بس ليها اعطال كتيـــــــــر ومش ليها فطع غيار الا فى القاهرة
سبحان الله انا شفت العنوان و لسة داخل اقولك نصيحه لقيت نفس الكلام بيقولهولك اكسبرت
فعلا ابعد عن العربية دي
قطع غيارها مش متوفرة و غالية
شكلها مش حلو ومش برستيج (العفشجي اللي باتعامل معاه كان معاة واحدة)
بتاكل بنزين
يعني لو بصينالها بصة تشوف بتدفع اية مقابل أية
حاتلاقي انك بتدفع كتير في مقابل لا شيء
يعني قطع غيار غالية و بنزين كتير و مصاريف تسجيل كبيرة و في لمقابل مافيش منفعة في المقابل تساوي اللي بتدفعة دة
انا ماقلتش شكلها مش حلو و مش برستيج ... و مقلتش انها بتاكل بنزين ...اقتباس:
المشاركة الأصلية كتبت بواسطة Adham
العربيه شكلها حلو .. و برستيج .. و مابتكلش بنزين ...بس مشكلتها في قطع غيارها مش موجوده .. و لو لقيتها بتبقي غاليه ... انما بالنسبه للشكل و البرستيج دي لازم تكون حالتها حلوه جداُ ...
شوف دي كده :
http://bringatrailer.com/2008/07/16/...-rod/#more-948
بيشو ؟؟ طيب ال316 و 318 موديلات التمانينات وأواخر تمانينات وأوائل تسعينات في رينج كام كده ؟؟!
موديلات قبل 1982 .. الشارك .. دي تمنها في حدود 25 الف .. و ماتشتريش علشان مالهاش قطع غيار برضه ..
موديلات 1983-1987 في حدود ال 45 الف ...E30 اكصدامات نيكل
موديلات 1987 -1990 في حدود ال 55 الف .. E30 اكصدامات بلاستيك
E30 معروفه في الخليج باسم ارنوب ..
موديلات 1990-1994 E36 الدبانه في حدود ال 75 الف و طالع ...
range بس و الاسعار بتختلف حسب الحاله و الموتور و الكماليات و الكلام ده ...
مشكور يا بيشو جدا
طيب بقولك دول يفرقوا عن بعض ايه؟ أكصدام بس؟
ولا في حاجه تاني؟ غير السنه الصنع؟اقتباس:
موديلات 1983-1987 في حدود ال 45 الف ...e30 اكصدامات نيكل
موديلات 1987 -1990 في حدود ال 55 الف .. E30 اكصدامات بلاستيك
وجهات نظراقتباس:
المشاركة الأصلية كتبت بواسطة Xpert
يعني انا مش شايف ان شكلها حلو وبالذات انة موديل من 30 سنة تقريبا
ثانيا مش برستيج طبعا لأنها عربية قديمة و نزل عالموديل دة 4 اشكال بعده
ثالثا ماعتقدش انها بتاكل بنزين زي اللانوس مثلا
او زي ريجاتا
و في الاخر اختلاف وجهات النظر لا يفسد للود قضية
انا كنت اعتقد ان من 88-91 اسمها M40اقتباس:
المشاركة الأصلية كتبت بواسطة Xpert
طيب يابيشو باشا انا واحد صاحبى عايز يجيب 316i E90
موديل 2006 (يعنى اقل موديل ممكن تجيبة )
تعملها كام؟؟
عرف خاطيء نتيجه جهل الشعب .. سموها كده علشان موتور ال ام فورتي نزل في الفيس ليفت ... فسموها ام فورتي علشان يميزوها ع اللي قبل الفيس ليفت ...اقتباس:
المشاركة الأصلية كتبت بواسطة Adham
انما الشاسيه و العربيه كلها واحد ... باختلاف الشكليات .. زي كده الفرق بين اللانوس واحد و اللانوس 2 .... مافيش اختلافات جوهريه ...
بالنسبه للبي ام الجديد بقي صدقني ماليش فيها و ماقدرش افيدك فيها للاسف ...