عايز أركب جلد لطارة السيتي......

**FrozenFire** · 12-06-2012 01:52 AM

السلام عليكم يارجالة

من حوالي 4 شهور لما كنت في التوكيل بعمل صيانة ال10 آلاف شوفت السيفيك الجديدة وركبتها -لقيت الطارة جلد. وإحساسها واااااااااااااااااااااااا اااااااااااااااو.
وافتكرت كان في حد هنا في القسم قال إن ممكن نركبها عن سروجي معين مش فاكر إسمه.
ياريت لو سمحتوا لو حد يعرف حاجة عن الراجل ده ومكانه.
أنا بقالي مدة كبيرة مشغول وماكنتش فاضي ودلوقتي الحمد لله بدأت أشم نفسي.
إن شاء الله نازل يوم السبت حعمل صيانة ال 15 ألف في توكيل الدائري. وحركب عازل حراري إن شاء الله مع المهندس سامر.
ونفسي ربنا يسهل وأركب الطارة الجلد. وعايز أعمل بولش للعربية.
طبعا ده كله في يوم واحد بس لأن وقتي ضيق ومش حعرف أفضي اليوم ده تاني أبدا مش قبل شهرين تلاتة.
فأنا مفضي اليوم ده بالكامل للعربية.
ياريت لو حد عنده رأي في موضوع العازل، ولو حد يقول لي على عنوان السروجي ده وإسمه إيه, وبرضه لو سمحتم أعمل فين بولش للعربية عشان فيها خرابيش كتيرة وحاسسها فقدت لمعانها.

وشكرا ليكم

والسلام ختام

**A.Saad** · 12-06-2012 10:02 AM

اللى بيعمل الطارة
اعرف انه حربى فى الحرفيين
العربية بتاخد يوم شغل
التكلفة من 200 الى 300

**SAMEH_FOUAD** · 12-06-2012 10:19 AM

جينز كار ياباشا فى ميدان الحجاز ولو معاك الاستيكر هيتعملك تخفيض محترم وهو عامل اعلان عندنا هنا فى المنتدى

**SAMEH_FOUAD** · 12-06-2012 12:29 PM

المشاركة الأصلية كتبت بواسطة frozenfire

أولا :أنا عايز الإستيكر وياريت يكون يوم السبت عشان أروح أخلص الموضوع ده.
ثانيا: هل تعرف بيفك الطارة من العربية ويخرجها برة ويشتغل؟ ولا بيعمل إيه بالظبط؟
ثالثا: أخبار العازل بتاع 3m اللي مع المهندس سامر إيه؟
رابعا: ألمع العربية فين؟؟؟؟؟

الاستيكر معايا ياباشا حضرتك ممكن تحضر معانا مقابلة وتشرفنا وتاخدة منى او حتى اقابلك فى اى مكان مافيش مشاكل وسعر الاستيكر 50 جنية

شوف فية بيفك الطارة وفية بيركبها من غير مايفكها بس اعتقد هيعملهالك وهية متركبة

عازل اية بالظبط ؟؟؟؟

تلميع العربية ممكن تروح مركز كريم منير فى الحرفيين يلمعلك العربية

**hany63** · 18-06-2012 10:27 AM

عن تجارب عديده موضوع كسوة الطاره بالكامل فاشل عشان الطاره هتتخن و شكلها هيتغير و الانحناءات بتاعة الابهام لليدين هتروح و متعة السواقه هتبقى بخ
سيبها زي ماهيا او تشوف طاره استيراد بتاعة الهايلاين بس هتدفع

**FrozenFire** · 18-06-2012 01:37 PM

المشاركة الأصلية كتبت بواسطة manicguy

أنا أقدر افيدك في موضوع العزل إن شاء الله لأني مركبه في عربيتي من سنة و نص من الأستاذ سامر مركة 3m . انا ركبته علي الأزاز القدماني فقط يعني نصف السيارة الأمامي بما في ذلك ازاز السواق و ألي جنبه و التكلفة كانت 1000 جنية بالتركيب . أنا ساعتها قلت اجرب علي النص الأمامي علشان لما بركن العربية في الشمس كذا ساعة التابلوه بيسخن جامد و التكييف بياخد وقت طويل لغايت مايبرد العربية . نيجي للمهم انا اقدر اقولك ان العازل هيفرق معاك 30 % فقط في قدره عزل الحرارة من غيره علشان تبقي متصور الأمر مش هايشيل اكتر من كده لو راكن العربية في الشمس . اي استفسار اخر انا موجود معاك إن شاء الله

متهيأ لي لو ركبت النص التاني حيفرق أكتر بكتير على فكرة.
الحاجة التانية أنا عايز أركبه لأني لما بتحرك بالعربية بتحرك مسافة طويلة يعني أقل مشوار بيبقى مش أقل من 7 ساعات سواقة على مدار اليوم. تخيل 7 ساعات سواقة في عز عين الشمس. ساعات كتير الشمس بتلسعني وأنا جوا العربية رغم التكييف.
عشان كده عايز أركبه.

المشاركة الأصلية كتبت بواسطة eng_maged

انا مجرب جينز كار في الفرش وكانو محترمين اوي
.

ممكن صورة للطارة بعد إذنك يابشمهندس؟؟؟

المشاركة الأصلية كتبت بواسطة hany63

عن تجارب عديده موضوع كسوة الطاره بالكامل فاشل عشان الطاره هتتخن و شكلها هيتغير و الانحناءات بتاعة الابهام لليدين هتروح و متعة السواقه هتبقى بخ
سيبها زي ماهيا او تشوف طاره استيراد بتاعة الهايلاين بس هتدفع

ماهو ده بصراحة بعد التفكير اللي خلاني تراجعت. منطقة الإنحناءة بتاعة الإبهام، مريحة جدا لليد ومش عايزها تروح. أنا لما ركبت السيفيك الهاي لاين في التوكيل لقيت الطارة الجلد وااااااااااااااااااااااو في إحساسها. بس مش عارف هل السروجي حيقدر يعمل زيها بالظبط ولا حتبقى أي كلام؟؟؟

**hany63** · 18-06-2012 03:11 PM

السروجي فايدته لو الاصليه باظت انما لو سليمه اي حاجه هتتعمل عباره عن افتكاسات خليها على طبيعتها و اسمع كلامي
الطاره بتاعتي اصلا جلد طبيعي و رحت عشان اكسيها بهبلي عند حربي بس الواحد خدها من ايديهم و خلع و كل ده عشان كنت متعود على مسكة الالماني و بعد ما ركبت جراب سنه و نص رميته و اتعودت عليها اكتشفت انها تحفه بس انا اللي ماصبرتش في الاول