أرجوا مشاركة كل مالكى هذه السيارة حتى نتبادل الأراء حول السيارة
عرض للطباعة
أرجوا مشاركة كل مالكى هذه السيارة حتى نتبادل الأراء حول السيارة
انا أول المشاركين بإذن الله
و انا كمان.....
بس لما استلم.... باذن الله
الحمد لله لسه مستلم كيا سبورتاج اول فئة لون موكا :) :) بس لسه ممشتش بيها خالص
:) فكرة حلوة جدااااا
و تحياتى لجميع ملاك السبورتاج
ألف مليون مبروك ربنا يعطيك خيرها ويكفيك شرها
أسمحو لى انا اشترك معكم بالتنين الاسود كيا سبورتاج بعد ان وهى تكملة لعائله كيا التى امتلكتها .... سيراتوا 2008 سيراتو 2010 سيراتوا 2012 سبورتاج 2012... ومرفق اوراق اعتمادى فى رابطة السبورتاج
http://www.nileup.com//uploads/images/s7204c9129d.jpg
قوة الموتور .... عفشه جيده ... ارتفاع عن الارض معقول .... ثبات ...والمفاجاءه ..( استهلاك اقل للوقود )
أحبتى فى الله ملاك الاسد الكورى بعد السلام والتحية عليكم جميعا ، أنا بفكر جديا فى شراء السبورتاج الجديدة ولكن لأن معى الكارينز 2011 واللى بصراحة خنقانى فى ضعف الموتور وضعف السحب لحد ال 80 تقريبا بعدين تشم نفسها شوية ولإن الحر يستوجب تشغيل التكييف ما قلكوش العملية بتبقى فى الحضيض خالص ده غير إستهلاك البنزين اللى يخرب البيوت وده طبعا لإن الموتور ضعيف على حجم العربية فبيكون إستهلاكه للبنزين عالى ده غير عدم قدرته على السحب المعقول حتى ، المهم طمنونى على الموضوع ده فى السبورتاج لإنه بقى عقدتى دلوقتى ، أخبار السحب بتاعها إيه وتجاوبها مع التسارع فى السرعات البطيئة وبالذات مع التكييف ، ولو العربية محملة أو طالعة مطلع أخبار الموتور مع العربية إيه لأنه أصبح أهم من كل الاوبشن اللى فى الدنيابالنسبة لى ،ويبقى بارك الله فيكم
انا بزعل من أى حد يكلم على الكارينز كده - هى فعلا ثقيلة شوية فى السحب - لكنها السيارة العائلية الأولى فى مصر من وجهة نظرى - على فكرة امتلكت هذه السيارة لمدة عامين - والشئ الوحيد الذى جعلنى أتنازل عنها السبورتاج
اما بالنسبة للسياره سبورتاج السحب وصوت الماكينة معقول جدا وانا عن نفسى راضى وقانع جدا بالسحب وبالسيارة ككل
يعنى السحب بسم الله ما شاء الله والبنزين 92 بالرغم من ان الكارينز كانت أوسع لاكن هى برضو فيها وسع وشنطة ماشاء الله وكفاية الواحد مش بيعمل حساب المطبات العليا الموضوع ده كان معقدنى خاصتا لومعايا الأسره
جزاك الله خيرا على الرد ،ويا صديقى العزيز أنا معاك إن الكارينز من أجمل السيارات العائلية وده لميزة وسعها وده حقيقى ، فإرتفاع الكراسى الامامية والمساحة بينها وبين الكنبة الخلفية مدياها الميزة دى بجدارة ، لكن موضوع السحب ده برضه حقيقى ، العربية غير متجاوبة تماما فى السرعات البطيئة ومما يجعلها غير إعتمادية فى بعض المواقف التى تستلزم سرعة السحب لحل مشكلة ، زى مشاكل الطرق الفردية فى الزراعى مثلا عشان تخرج من اللى قدامك بتحطك فى مشكلة كبيرة لو اللى جاى فى المقبل بيقرص شوية ولا حاجة ، أنا كان معايا ماتريكس قبل كده وهى اللى حببتنى فى الاستيل ده وكانت تقيلة برضه بس مش زى الكارينز بصراحة ، عشان كده حبيت اطمئن من اللى ركب السبورتاج عن الموضوع ده بالذات وعن العفشة هل ناعمة ولا ناشفة بما إن العربية عالية ، وسرعة استجابة الموتور الجى دى آى الجديد فى النقطة دى ، وشكرا لك مرة أخرى
صديقى العزيز حضرتك كنت راكب ماتريكس مانيول ولا أوتو الموضوع بيختلف تماما وغالبا انت كنت راكب مانيول
بص على سبيل المثال انا جربت الأسكودا a5 حسيت ان الطلعة ثقيلة جدا متفرقش كثير عن الكارينز - ومعايا النترا 2005 مانيول بسم الله ماشاء الله سواء فى السحب أو العفشة أو الإتزان - مينفعش اقارن عفشتها مع السبورتاج الإلنترا تكسب
برضو ليه مش علشان ديه كويسة والثانية سيئة - بالطبع لا - الموضوع ان ديه حاجة ودي حاجة ثانية
بس احب أقول لك ان عفشة السبورتاج بالرغم من ارتفاعها واعتبارها من السيارات الرياضية إلا إنها تعتبر مرضية جدا" وكفاية انك تشعر بقوتها فعلا تشعر بقوتها .
والله يا جماعه .. انا التجارب اللى مررت بها .. والتى ركبت معها اغلب انواع السيارات .. اعتقد ان استعمل الشخص للسياره ومدى عنايته بها ... هى التى تؤثر على الاداء ... يعنى انا لما بحس ان السياره مش بتسحب وتقيله ... بكشف على فلتر الهواء ... واجيب منظف رششات ... والعربيه بتبقى زى الفل ... ولما حس ان العفشه ناشفه .. او بتخبطك .. بروح اربط عفشه واضبط نيتروجين .... فالعنايه بالسياره .. لابد ان تأخذ جانب من وقتك .. وكمان عدم استخدام شخص اخر للسياره مهم .. وهذا رأى الشخصى
أنا بعتذر على التأخر فى المشاركة
لبعض ضغوط العمل
كيا سبورتاج
الفئة الثانية
1/2012
لسه عامل صيانة 10000كم
والحمد لله السيارة حتى الأن تحفة ولكن وانا بعمل الصيانة 10000كم بلغونى ان التيل الأمامى سيعمل 5000 فقط اى بقى ليه 5000كم ودى غريبة شوية يعنى 15000 للتيل وده غريب
فعلاً انا غيرولى التيل على 15000 كيلو وقالو هو هيتغير على 15
صديقى العزيز المحترم ، شكرا جدا لإهتمامك فى الرد ، ولكنى كنت راكب الماتريكس اتوماتيك ايضا وأنا على دراية كبيرة بالفرق بين الفتيس المانيوال والاتوماتيك فى السحب والتجميع ، كان معايا هوندا اكورد قبل كده برضه اتوماتيك كانت وحش سحبها لا يعلى عليه رغم إنها كانت موديل قديم ، وأما على الانترا ففرق الحجم بس يكفى أن يكةن وبين الكارينز فارق كبير ده غير إن موتور مع آلات الجر تحفة فعلا ،والعجيبة بقى بغض النظر عن كونها سيارة من عدمه مش محل تقدير يعنى كان معايا فيرنا مانيوال 1600 موديل 2010 بصراحة أنا لم أركب إلى الآن سيارة فيها سحب وتجميع زى العربية دى إلا الهوندا السيفيك ، غير كده الفيرنا فى الموضوع ده لا مثيل لها ، وشكرا على توضيح موضوع العفشة وجزاك الله خيرا
مع كل إحترامى وشكرى طبعا لرد حضرتك ، إلا أن الفارق كبير فحضرتك تتكلم عن إختلاف المستوى فى نفس السيارة وعليه فالصيانة تعيد المستوى المرغوب فيه إذا كانت السيارة مستواها أعلى بتغير فلتر الهواء وتنظيف الانجكشن وبتغير البويجهات و ،ولكن أنا بتكلم على مستوى السيارة العام ، أنا معى السيارة من الزيرو ، ونصحت أحد الاصدقاء لى بشرائها وانا معى الخليجى وهو معه الوكيل والاثنين نفس المشكلة ،ودى قدرة الموتور الحقيقة و،وليست إختلاف المستوى مثلا من استلامها إلى الآن ، لأ طبعا فبسهولة جدا أقدر أحكم على العربية فى الجزئية دى ، لكن التقيم عامتا على الكارينز أن الشاسيه ضخم على السيارة والموتور ضعيف القدرات على العربية
ايه يا شباب هى الرابطه اتفكت قبل ما تبتدى ولا ايه .... فين مشاركتكم
أعوذ بالله من التفكك وبعتذر عن التأخير
العربية لسه منزلهاش اى كماليات لسة بس كلمت حماده غزي قالى انه هنيزلها كماليات
بس العربية عندى اقصى سرعة ليها على الأوتو 175 وعلى المانيوال 180 بس معاك ربنا ف البنزين بيعلى
الإستهلاك بس برضوا معقول
يا باشا انا ركبت للعربيه الكماليات ... وكلها موجوده ... بس سعرها نار ... يعنى انا ركبت شويه حاجات صغيره بحوالى 6000 جنيه
والنسبه للبنزين هى ارحم بكتير من السيراتوا .. وانا جبت بيها 200 وزى الفل
طيب سؤال ع الماشي
العربيه دي عباني جدا بس شلتها من دماغي ولما بتعدي قدامي ببص الناحيه التانيه عشان بنزين 95
انتوا بتحطوا بنزين 95 ولا 92 ربنا يقويكم
وايه الفرق اللي هتحسه والتأثير علي الماتور لما تحط 92 ؟
لا والله انا بحط بنزين 92 ..... لكن انا كل فتره بحط اوكتين .. ومنظف رشاشات ... والدنيا بتمشى
انا بستخدم 92 وكنت مكبر لعدم توافر 95 ولقيت الدنيا تمام وناوى أستخدم المرة القادمة ان شاء الله 95 وعلى فكرة إستهلاك البنزين مقدرتش أحسبه بالضبط علشان التفويلة بتفرق من حساسية مسدس وأخر وتفرق أيضا من عامل إلى أخر ومعلومه أكيدة ان الفرق ده ممكن يوصل أو يعدى كمان 10 لتر ولكنه تقريبا فى الداخلى حوالى 12/100 l/k ولو استخدمت بنزين 95 أعتقد ممكن يكون أفضل وعلى فكرة القيمة المادية على مستوى الشهر مش ممكن تفرق أكثر من 100 جنيه وأعتقد ان ده مبلغ مش كبير علشان نخاف من إستخدام ال95
بعيدا عنكم جميعا وربنا يكفينا جميعا شر الحوادث
انا امبارح خبطت العربية ف ميكروباص الترامكو
حدث قطع ف الإكصدام وتطبيق فى الرفرف ولكن الغريب ان الكشاف اتكسر من الداخل والوش سليم
الحمد لله ولا حول ولا قوة الا بالله
بالنسبه للكماليات ... انا اشترتهم من محل خلف التأمين الصحى فى شارع الطيران فى مدينه نصر اسمه على رضا .. وهو عنده ديفندر - سلم - عتب - اسبيلر - نيكل لكل مكان فى العربيه بره وجوه ...
وبالنسبه للاخ صاحب الحادث .. قدر الله وما شاء فعل ... وربنا يعوض عليك ... انا برده الفانوس اللى ورا شمال اتكسر من خبطه ... وغيرته .. بس فى التوكيل .. لانى ملقيتش بره .. وسعره كان 1800 بدون ضرائب ولا تركيب
[QUOTE=gohary2;3874386815]بالنسبه للكماليات ... انا اشترتهم من محل خلف التأمين الصحى فى شارع الطيران فى مدينه نصر اسمه على رضا .. وهو عنده ديفندر - سلم - عتب - اسبيلر - نيكل لكل مكان فى العربيه بره وجوه ...
وبالنسبه للاخ صاحب الحادث .. قدر الله وما شاء فعل ... وربنا يعوض عليك ... انا برده الفانوس اللى ورا شمال اتكسر من خبطه ... وغيرته .. بس فى التوكيل .. لانى ملقيتش بره .. وسعره كان 1800 بدون ضرائب ولا تركيب
10000 مبروك على الكماليات و ربنا يحرسهالك ان شاء الله
ممكن اسعار الكماليات دى و هل هو ده اللى موجود ليها فقط ولا فيه كماليات تانية و سؤال تانى هو السلم ده بيتحط فين على الشنطة و لا شكلة ازاى
اسف على الاطالة
شكرا
السلم عباره عن عتب جانبى ... بارز على هيئه سلم نيكل على فيبر سعره 1900 ج والاسبيلر بيركب على الشنطه من عند السقف بلون العربيه وتمنه 800 جنيه وفيه طقم نيكل للفاونيس وطقم للابواب وشريط الزجاج وطقم لمقابض الباب
الف مبروك الرابطة ولوشدت حيلها شوية نثبتها ان شاء الله
ليال ملحوظة بخصوص الدفيندر خاصة الامامي
لو لا قدر الله وخبطت شخص على سرعة 30 او 40 او 50 كم في الساعة لو بكبوت العربية احتمالات اصابتة بتكون اقل بكتير وده اللي الشركات المصنعة للسيارات بتاخد فيها حماية للمشاة والعربية بتاخد نجوم زي حماية الركاب بالظبط
مع تركيبك للدفيندر الصدمة على 40 لو جت في ضلوعه ولا في احشائة سهل قوي تقتله
والاسوء انها ممكن تجيبة تحت العربية مش فوق العربية
عشان كدة راجعو نفسكم
لكن الدفيندر الخلفي مش مشكلة مع انه له عيب وجب اوضحه
ان بيركب على فردتين العربية من تحت ولو الخبطة من ورا عنيفة مش هايتجي في الاكصدام لاء هاتيجي في اسفل العربية وتاثر جامد على اتزان العربية
بقولكم كدة بحكم اني عندي مركز سمكرة ودهان وعارف خبطات الدفيندر بتسمع فين وبشوفها بعيني
تحياتي