راجع دورة التبريد واكشف على طلمبة المياه
عرض للطباعة
راجع دورة التبريد واكشف على طلمبة المياه
بسم الله الرحمن الرحيم
الاجابة :
ترموستات الكوعة بايظ
الحل:
ياريت تغيروووووووووووووووووة
ملحوظة :
العيب دة اتهرس فى مليون مشاركة وموضوع قبل كدة :)
هما حاجه من التلاته ..الرداتير او الترمستات او طلمبة الماية ............
شباب ... اولا لو الحرارة زادت عن 90 ده مش طبيعي ... بس لا تخاف ... لان المروحة حتفضل شغالة لحد ما تنزل درجة الحرارة لحد 90 ...
طب ايه السبب ...؟
في بعض الايام القليلة جدا (يوم او اتنين في السنة بالكتير) ممكن ده يحصل في ظروف حر 45 درجة او أعلى طبعا مع تشغيل التكييف في مشوار طويل
غير كده ... يبقى غالبا احد امرين ... اما في هواء في دورة التبريد.. او مياة الراديتير ناقصة نتيجة تسريب في الدورة او خلافه ... لكل واحد عنده المشكلة دي اعمل الاتي:
1- أكشف على مياه الرادتير... و لو ناقصة زودها مياه خضراء
2- اتكد من نضافة ريش الرادتير (في بعض الحالات النادرة ممكن كفاءة التبريد تقل بسبب الاتربة العالقة بين الريش )
وطبعا تسيب الرادتير ينشف او تنشفه كويس بعد الغسيل عشان ميلمش تراب
و احذر من بعض النصابين في محطات البنزين ... لما يلاقيك داخل عليه محطة النزين كده بعربية شيك .. يوقلك يا باشا أغيرك مياه الرادتير بمياه امريكاني ,تبريد افضل و تحافظ على طرمبة المياه ...الخ . كل ده هجص و لو مش فاهم في العربية ممكن يوظلك ترموستات الكوع
هذا و الله أعلم
تحياتي
انا اسف على انى مش بعرف اشارك كتير
بس المشكله الحمد لله كانت كالتالى
اولا انا رحت لواحد بتاع رادياتير محترم اعرفه كويس
قالى بعد ما شاف المشكله وبص على العربيه ان الرادياتير بتاعك عايز يتنضف
هفك المسامير واحركه قدام وانضفه بالميه من غير ما اشيله على السفنج اللى فى الجناب تفضل سليمه
قولتله ماشى وبعدين بنبص لاقينا فى تراب وطينه وورق سجاير وعفش كتير قوى قوى ما بين الردياتير وحاجه كدة فى وش الاكصدام قالى لازم اطلعه بره علشان ده وسخ قوى وفعلا قام بالفك واول ما شفته وهو بيفكه اتصدمت من كتر السواد اللى نزل منه وهو بينضفه بميه تقريبا 10 دقايق مشغل ميه بخرطوم عليه وطول الوقت ده بينزل سواد
لحد ما نضف خالص وبقت الميه تدخل نضيف وتخرج نضيفه وركبه وحط ميه خضرا
والحمد لله المشكله لم تتكرر بعدها تماما الحمد لله
اكتشفت بقا ان ده طبيعى بس لازم كل فتره نعمل تنضيف للردياتير لان شوارعنا الجميله مليانه تراب وبهدله وورق وكل ده بيدخل جوه مع شويه ميه بتبقا طينه فبتسد فتحات الردياتير اللى المفروض يدخل منها الهوا تخرج منها علشان التبريد
وهذه هى تجربتى واسف على الاطاله
الف شكر على ردك بعد ماحليت المشكله
تحياتى