الموضوع: استفسار بخصوص الكيا ريو هاتش باك 2012

انا بردوا نفسي اعرف تقرير عنها كامل
وموضوع استهلاك البنزين والثبات ايه اخبرهم
تحياتي ... ,. متابع ,,,

عفواً يا استاذي الفاضل اللي بيقول لك العربية مش ثابتة بعد الـ120 يبقي مش بيعرب يسوق نهائي

انا معايا ريو 2012 سيدان هاي لاين وكنت على الصحراوي بسرعات تقريباً 170 و 180 ومكنتش حاسس اساساً ولما حبيت افرمل في ثواني فرملت علشان الهاي لاين فيها ABS و EBD

شوف الموضوع ده هيرد لك بالفيديو على ما يقول صديقك : http://www.nilemotors.net/Nile/289905-1000-190-a.html

عربية ممتازه ولا تخف نهائياً

المشاركة الأصلية كتبت بواسطة ahmedsiyam

اخى الفاضل مشكور جدا على ردك
هو بس بالنسبة لموضوع الثبات هو بيبقى نسبى شوية بمعنى ايه :
انا مش مهم عندى السرعة القصوى للسيارة و لا انى ابقى ماشى بيها على 180 او اكتر لانى بطلت جرى و موضوع السرعة العالية دلوقتى مش ضرورى

انما انا باتكلم على انك و انت على 120 فمافوق و حبيت تتحرك من حارة لحارة بسرعة او تفادى موقف طارئ هنا الثبات بيفرق من عربية للتانية
عن تجربة شخصية :
انا كنت مسافر بسيراتو وعملت رحلة تقريبا 2800 كلم ذهاب و عودة و كام يوم داخل شرم الشيخ
المهم انه اول ما لما باوصل للـ 120 فعلا فما فوق باحس ان العربية انا مش مسيطر عليها خالص و مع اى مناورة هاتحدف منى و جربتها و للاسف خذلتنى بصراحة
انما على السرعات العالية انا وصلت بيها يمكن لـ 170 او اكتر و طبعا صوت الموتور واطى و العزل كويس و مش حاسس بدوشة او قلق انما الفكرة كلها فى انك لما تحب تفادى موقف العربية بتتطوح بمعنى الكلمة و بالمها بالعافية
انما ده لا يمنع انى باقى العربية بالنسبة ليا زيى الفل و تقفيلها محترم و عربية حلوة و اقتصادية و كماليات فوق الممتازة و توكيلها اسمع انه جيد جدا

صدقني انا بخاف اجري بيها انا جريت مره بيها بس مره واحده بس ومش هتتكرر تاني

انا لما كنت على 170 قللت السرعة مفرملتش جامد يعني فمجربتش ولكنني متأكد ان abs و ebd هيعملوا شغل كويس لعلمك الـabs لما بتفرمل على سرعات عالية جامد بيعمل رجرجه وصوت في الكاوتشات فده العادي بتاع الـabs اذا عربيتك هاي لاين وفيها abs فده عادي الرجرجه في الكاوتشات

انما هي ممتازه من كماليات وسعر وصيانة وقطع غيار وربنا ميجبش مشاكل ولا مصايب تستدعي فرامل جامده لانك صدقني لو كنت ماشي هادي وبس دوست دوسه خفيفة على الفرامل العربية هتقف في مكانها في لحظة واحده فعلشان كده انا العفشة زي الفل معايا ونظام عزل حلو فعلاً لو قفلت القزاز وشغلت التكيف خلاص انسى الناس اللي برا ومن رأيي برضه سعرها حلو عليها