كان معايا اوبترا و لسه مستلم لانوس 2012 و عايز مساعدة

**mohamed_mesho3** · 12-06-2012 04:42 PM

كان معايا اوبترا 2010 اوتوماتيك و لسه مستلم لانوس 2012 زيرو و متفجأ بالسحب التقيل اوى و خصوصا مع التكييف ,, هل دا عادى فى العربية و لا عيب فيها انا لسه عامل بيها 210 كيلو بس , و صوت الموتور عالى و بحس ب ريحة زى شياط خفيف بعد ما بعمل مشوار و ناس قالتلى دى مادة بيحطوها فى الردياتير عشان الموتور بيلين ,, كل دا عادى و لا اروح التوكيل ؟؟

**MMamdouh** · 12-06-2012 05:10 PM

افتح موتور العربية الاول عشان المكنة تطلع كل اللى عندها

اضبط فيشة الاوكتين على 95

MMamdouh

**MMamdouh** · 12-06-2012 06:10 PM

هتلاقى فى قسم اهم الموضوعات شرح مفصل لمكان الفيشة و طريقة ضبطها

تفتيح الموتور بيبقى دلوقتى... بعد 1000 كيلو هتكون العربية لينت و هيبقى صعب اوى تفتح الموتور عشان يفوق

MMamdouh

**msobhy** · 13-06-2012 08:10 PM

مع احترام لحضرتك هاتحس بفرق فعلا هايحسسك بملل طول ما انت سايق لأن فيه فرق كبير ما بين موتور الاوبترا واللانوس
ربنا يكرمك ويديك خيرها ويكفيك شرها
مش عايز اضايقك بس واحد صاحبى كان معاه ميجان 2 وباعها وجاب لانوس - تقريبا هو كره كل انواع العربيات اللى فى الدنيا بسبب اللانوس وبطئها فى التجميع

**mero100** · 13-06-2012 10:50 PM

انا جبت لانوس من سنه ونص الحمد لله .... و جربت كل اوضاع فيشه الاوكتان :

1- بالفيشه العربيه مخنوقه
2- من غير الفيشه ( ظبطه ال 92 ) العربيه فكت و سحبها بقي افضل و دي اللي مستمر عليها
3- بالفيشه مع تعديل السلك اللي علي الطرف و نقله علي الطرف الاخر ( ظبطه ال 95 ) و الظبطه دي كانت خياليه بالنسبه لي ....سحب العربيه رائع بصوره ملحوظه جدا سواء بالتكييف او بدون .....بس بالنسبه لي لاحظت ان استهلاكها من البنزين زاد بصوره ملحوظه ..... ف تنازلت عن الاداء الرائع جدا و رجعت للظبطه رقم 2 ...في مقابل اني اوفر في استهلاك البنزين و كده مسكت العصايا من النص زي ما بيقولوا .
لكن انصح الاعضاء اللي مش مشكله معاهم زياده استهلاك البنزين انهم يظبطوا الفيشه علي وضعيه ال 95 و يحطوا بنزين 92 .....حيحبوا اللانوس جدا و حيستمتعوا بقيادتها .

**lanos2004** · 14-06-2012 12:59 AM

المشاركة الأصلية كتبت بواسطة mero100

انا جبت لانوس من سنه ونص الحمد لله .... و جربت كل اوضاع فيشه الاوكتان :

1- بالفيشه العربيه مخنوقه
2- من غير الفيشه ( ظبطه ال 92 ) العربيه فكت و سحبها بقي افضل و دي اللي مستمر عليها
3- بالفيشه مع تعديل السلك اللي علي الطرف و نقله علي الطرف الاخر ( ظبطه ال 95 ) و الظبطه دي كانت خياليه بالنسبه لي ....سحب العربيه رائع بصوره ملحوظه جدا سواء بالتكييف او بدون .....بس بالنسبه لي لاحظت ان استهلاكها من البنزين زاد بصوره ملحوظه ..... ف تنازلت عن الاداء الرائع جدا و رجعت للظبطه رقم 2 ...في مقابل اني اوفر في استهلاك البنزين و كده مسكت العصايا من النص زي ما بيقولوا .
لكن انصح الاعضاء اللي مش مشكله معاهم زياده استهلاك البنزين انهم يظبطوا الفيشه علي وضعيه ال 95 و يحطوا بنزين 92 .....حيحبوا اللانوس جدا و حيستمتعوا بقيادتها .

+1