الموضوع: بجد انا مش عارف اشترى النترا 2012 ولا سيراتو

الالنترا عفشة انعم شوية وموتور احسن واوسع وشكل احسن , السيراتو ارخص واوبشن اكتر
الاتنين كويسين , اركب الاتنين واختار , بس نصيحة .. متجيبهمش باقل من 2 ايرباج وabs حتى لو هتدفع اكتر شوية
واهلا بيك معانا :)

المشاركة الأصلية كتبت بواسطة mody3on

الالنترا عفشة انعم شوية وموتور احسن واوسع وشكل احسن , السيراتو ارخص واوبشن اكتر
الاتنين كويسين , اركب الاتنين واختار , بس نصيحة .. متجيبهمش باقل من 2 ايرباج وabs حتى لو هتدفع اكتر شوية
واهلا بيك معانا :)

انا مع الكلام ده
- الالنترا عفشه انعم
- ماتور احدث واحسن وموفر للبنزين اكتر من السيراتو غير ان تسارعه احسن
- دركسيون الالنترا انعم لانه كهربا مش زيت
- طابلوه اللنترا احسن ودي ازواق وكمان شكل اللنترا اجمل وبرده ازواق
- اللنترا اوسع

== ومهما كانت العربيه اللي هتجيبها يبقي متجيبشي عربيه مفيهاش عوامل امان . متجيبهمش باقل من 2 ايرباج وabs حتى لو هتدفع اكتر شوية

واركب اي عربيه قبل ما تشتريها - اقعد فيها واقفل الابواب والازاز . واسكت شويه وافرد ضهرك وامسك الدركسيون واسأل نفسك سؤال : دي ينفع تبقي عربيتي ؟

انا عملت كده لما جيت اشتري :)

المشاركة الأصلية كتبت بواسطة dona_2004

انا متشكر جدا اناخلاص هشترى الالنترا 2012 بس سؤالين اخرين؟
دلوقتى الفئه اللى فيها 2 اير باج abs وفتحه سقف بكام؟

واجيبها خليجى ولا وكيل وياريت اسعارهم كام ولو تعرف؟

اول فئه في الاوتو 124
و بعدين 134
و بعدين 146
مش متأكد 100% بس لو كانوا غلط مش هيبعدوا كتير ان شاء الله....الاسعار دي من شهرين تقريبا و انت عارف غبور كل شويه ينزل الفين و يرجع يحطهم تاني
بالتوفيق ان شاء اللــــــــه

انا سوقت العربيتين بصراحه الألنترا اقيم واشيك واحلى والصالون ما شاء الله تحفه فنيه

المشاركة الأصلية كتبت بواسطة dona_2004

انا متشكر جدا اناخلاص هشترى الالنترا 2012 بس سؤالين اخرين؟
دلوقتى الفئه اللى فيها 2 اير باج abs وفتحه سقف بكام؟

واجيبها خليجى ولا وكيل وياريت اسعارهم كام ولو تعرف؟

السعر تقريبا 140 الف ولو انت ناوي تخلي العربيه معاك فتره وان شاء الله مش ناوي علي البيع قبل 3 او 5 سنين ان شاء الله هات رينو فلونس احسن من النترا بكتيييير وبص عليها بس انت عارف بقي ان اعاده بيع رينو مش قد كده بس هي عربيه سفينه واوروبي " تركي "

انما لو انت مستقر علي النترا استخير الله وتوكل عليه وروح هاتها من التوكيل عشان تبقي مطمن لو لا قدر الله في حاجه هتغيرها عندهم ومتشيلشي هم اعطال

وربنا يوفقك لما فيه الخير وادعيلنا :)