الموضوع: صفقة بايكات

ان شاء الله مش هاينام. على فكرة انا معايا واحد صاحبي انشاء الله لما الموضوع يتم هايجي معانا وواحد كمان بيفكر في الموضوع. بس ياريت نعرف الاسعار بالتفصيل عشان كل واحد يعمل حسابه.

و انا معاكووووووووووووووووووو انا اشتركت في المنتدي مخصوص اصلا عشان موضوع ده

تمام كلامك بس في حاجة مش عارف تنفع والا لا. احنا ممكن كل واحد يشتري البايك بالباي بال من على اي باي او اي موقع يختاره او فيزا. واللي في امريكا كل اللي عليه انه يفحص البايك وبعد ما كل واحد يحدد البايك نتفق مع شركة شحن محترمة البايك هايتشحن على عنوان الشركة في امريكا بعد كدة تتشحن في مصر. و لو سمحتم كل واحد عنده طريقة افضي يقولها عشان انا مش متاكد من امكانية اننا نعمل الطريقة دي.

المشاركة الأصلية كتبت بواسطة msobhy

مع احترامى الشديد لكل الاخوه الاعضاء
أقسم بالله العلى العظيم لا اقصد اى اهانه لأى شخص
لكن ايه المدينة الفاضلة اللى انتوا عايشين فيها ديه
انا مليش فى البايكس لكن فعلا مغرم بيها جدا ونفسى اشترى واحده تكون حالتها ممتازة للأقتناء طول العمر وبالكتير يوم ما اقول انى جبت حاجة جبارة هاجيب 400rr لكن فيه سؤال
حضرتكم هاتضعوا ثقتكم فى بعض بناءا على ايه؟؟؟؟؟؟؟؟؟؟؟
على سبيل المثال احنا لو عددنا وصل الى 20 واحد تقريبا وكل واحد دفع له تقريبا 10 أو 15 ألف جنية
يعنى بحسبه بسيطه اجمالى المبلغ تقريبا هايبقى 300.000 جنيه
ممكن اعرف ده كله هايبقى تحت بند ايه؟؟؟؟؟؟؟؟؟؟
انا ليه واحد قريبى عايش فى امريكا وشغلنته أصلا انه يبع العربيات المستعمله بين أمريكا والخليج وبعض المناطق فى افريقيا
لمحت له قبل كده على الموضوع ده والراجل بمنتهى الصراحة قال لى انا ممكن اجيب لك بيك 400rr حاله ممتازه أو شبه جديد لغاية باب البيت - ماشى يا سيدى وهايكلفنى كام - قال لى بالعافية يوم ما تقول اننا عملنا الكفت هايقف عليك فى حدود 15.000
مع العلم ان قريبى ده فعلا خدوووووووم جدا لكن على حسب كلامه ان الحاجات ديه ليها سكك وفيه عربيات وبيكس كتييييرة بتدخل البلد على اساس انها قطع غيار أو حوادث والبيكس كلها اغلبها بيتلعب فى تاريخ انتاجها وأوقات ال سى سى بتاعها
طيب سؤال مهم جدا هل انا لو اعرف اعمل اللعبة ديه وممكن اشترى بيك ب 10.000 وابيعه ب 30.000 جنية فى رأيكم ممكن انى اتنازل عن مكسب 20.000 لمجرد انى بتعامل مع اشخاص قمة الاحترام والادب والاخلاق زى حضرتكم
سؤال تانى انا لو ضربت من سعادتكم ال 300.000 واختفيت وعن فرض ان حضرتكم معاكم عليه وصولات امانه - هل هاتعرفوا تعملوا معايا حاجة
سؤال تالت بعد ما اجيب البايكس - وكل حاجة بأسمى - نفترض ان الموضوع احلو فى عنييه وطلبت من كل واحد فيكوا 10.000 زيادة علشان اسلمكم البايك - حد هايعرف يفتح بقه
أرجوكم أرجوكم أرجوكم بلاش حد يزعل منى لكن افيقوا يا رجااااااااااااااااااله

شوف يا باشا...على رأي اللمبي أنا هعقم على نقطتين...

أولاً مافيش في أمريكا CBR400rr لأن دة بايك للسوق الياباني وبعد الاسواق مش من ضمنها أمريكا.

Honda CBR400RR - Wikipedia, the free encyclopedia

ثانياً...حضرتك معاك حق في عدم الثقة ودي حاجة شخصية. بس لو دة مبدأ عام اسمحلي حضرتك كدة مش هتعرف تعيش. ما حضرتك ممكن تتخم في المبلغ دة في مصر هنا من واحد معندوش ضمير يبيعلك حاجة مضروبة.

أنا بما اني عايش في أمريكا أقدر أقول لك مستحيل يكون فيه لعب في ورق البايك أو أساسياته...هنا مافيش رحمة والقانون قوي جداً في الحاجات دي. هدي لحضرتك مثال...كان قدامي أكثر من بايك حالة فوق الممتازة بس بدون Title يعني من غير ورق وبيتباعو بتراب الفلوس. دة بيكون شاسيه تعديل أو عمل حادثة جامدة ومتغير له شاسيه أو أصلاً لأغراض أخرى زي السباقات أو كدة.

لو صاحبه إتنطت وقلب قرد مش هايعرف يضربله ورق.

كمان هنا في أمانة شديدة في البيع والشراء وبيقولوا على كل العيوب مش عشان هما ملايكة...لأ عشان فيه قضايا تعويضات بتترفع ومشاكل كتيرة في حالات الغش التجاري.

أنا مؤمن تماماً بالمثل اللي بيقول حرص ولا تخونش...بس بردو اعقلها وتوكل.

دي مش دعوة مني للوثوق في أي شخص عشوائي بس الحياة كدة...مليانة مخاطر


شكراً

يا رجاله عاوزين وقت محدد نتفق عليه كلنا و نكون جهزنا الفلوس و نتوكل علي الله عاوزين ناخد خطوه في الموضوع علي الاقل ؟؟؟

ياريت يا جماعة ناخد خطوات جدية فى الموضوع ده وأنا معاكو....بس لسة ماقررتش أجيب ايه ..

وصلتوا لايه يا جماعه فى الموضوع ده