الموضوع: ممكن مساعدة في تسعير سيفيك 2001

السلام عليكم

أنا مضطر للأسف أبيع عربيتي عشان مهاجر خلال شهر و محتاج أعرف أطلب فيها كام و أقل سعر ممكن أوصل له إذا اتزنقت في الوقت .. محتاج ابيعها في أسرع وقت عشان في التزامات مادية لازم أخلصها قبل السفر.. العربية موديل 2001 اشتريناها من السبع في صيف 2002 كانت ستوك عنده و نزل في سعرها كتير عشان موديل 2002 كان لسة نازل و ممكن الشاري يتأكد من دا عن طريق فاتورة صيانة أول ألف كيلو في التوكيل كانت في أغسطس 2002..المهم السيارة كانت استعمال والدي (جراح) لغاية 2007 و بعد كدا اخدتها منه.. الصيانة دائمة في التوكيل كل 10 ألاف حتى يومنا هذا..مؤخراً بدأت أغير تيل الفرامل خارج التوكيل عشان اكتشفت انه بيتباع ياباني ب 200 جنيه و التوكيل كان بيبيع الأصلي ب 700 و الاتنين مفيش فرق كبير بينهم..حاجة تانية كانت برة التوكيل و هي الجير بوكس كان محتاج عمرة و التوكيل عمل مقايسة بسعر خزعبلي فاشتريت واحد جديد و ركبته بخمس تمن التوكيل..مواصفات السيارة العامة كالأتي:

1-هوندا سيفيك
2-موديل 2001 - 1500 سي سي
3- ماشية 240 ألف كيلو كتير منهم سفر للغردقة و الساحل
4- أوتوماتيك
5- أخضر زيتي
6-الكماليات (-تكييف-زجاج كهرباء-باور-انذار و ريموت)
7-ميوزيك بلاير كينود جديد دابل دك يو اس بي و ام بي ثري و سي دي
8-الشنطة و السقف و الكبوت بدهان الفبريكة و الباب الخلفي يمين متغير عشان اتخبط مرة
9- الدواخل كلها فبريكة و الصالون بحالة جيدة جداً
10-البطارية و الكاوتش منذ حوالي سنة و شهرين
11-انتهاء الرخصة اغسطس 2014
12-معظم فواتير الصيانة في التوكيل من 2002 ل 2012 موجودة

و دا لينك لصورة السيارة
ImageShack� - Online Photo and Video Hosting

و شكراً مقدماً على المساعدة