الموضوع: استفسار بخصوص القواعد

الأول ازيك يا محمد بيه

بص يا باشا
بالنسبة لقواعد الموتور الموجودة حاليا في السوق فهي صيني
مش معني كدة انها وحشة
ولكن عمرها الأفتراضي اقل شويتين من الألماني
يعني لو جبتها هتعيش معاك عمر اقل من الأورجينال وتعمل حسابك علي كدة
وبردو القاعدة من ضمن الحاجات الأستهلاكية التي لا يفضل شرائها استيراد
الا لو حالتها فعلا حلوة
ودي تعرفها من خلال كثافتها وشكلها العام
والميكانيكي بيعرفها بمجرد النظر

انا شخصيا هجيبها مستعملة
بس هجيبها بغرض تقضية الحال لحد لما اجيب واحدة كويسة

بالنسبة لقاعدة التكييف فدي مافيهاش فن لأنها عبارة عن حديد في حديد
ودورها تشيل الكباس وتربطه مع الدينمو وطرمبة الباور
بمعني
انها بتطلع الكباس وطرمبة الباور مع بعض جزء واحد لو مربوطين فيها
فدي مش هتلاقي فيها مشكلة ان شاء الله

بالنسبة للموتور فهو لسة ليه قاعدة تانية عند القنطرة الخلفية
وبردو فيها جزء كاوتش وجزء حديد زي القاعدة الأمامية الي بيسموها القنبلة

يتبقي القاعدة الثالثة ودي ناحية الفتيس
وبردو بتكون حديد وهي اشبه بالشداد وليس قاعدة بالمعني المفهوم

يعني عندك اجمالي 3 قواعد للموتور والفتيس عاملين شكل مثلث

لو عايز تغير يبقي تغير القاعدتين بتوع الموتور
الأمامية والخلفية الي راكبين علي القنطرتين الأمامية والخلفية
لأن دوول داخل فيهم كاوتش وهو دة الي بتقل كثافته وممكن يتأكل

نيجي لموضوع الأر بي ام
ازاي ثابت عند تشغيل التكييف ؟؟؟

مش بيعلي شوية ؟؟

قواعد الموتور لو عايزة تربيط هتحس بيها في الطلعة والفرامل وانت معشق ولما تمور
يعني بأختصار في جميع الحالات
اما هتسمع صوت شبه التزييق
او هتحس برجة في الموتور وعصاية الفتيس

هل بتحس بكدة ؟؟؟

ولا بس كل مشكلتك مع التكييف ؟؟؟؟

ثم ان القواعد لو متربطة قبل كدة مش هتفك من نفسها
ولا انت كنت بتعمل حاجة وفكيتها قريب ؟؟؟

والله المستعان
،
،

والله يا باشا انا هشتريها مستعملة من احد اصدقائي
بس لو جت حاجة قدامي ان شاء الله هبلغك علي الفور
بس هل قواعدك زي عندنا ولا في اختلاف بينهم ؟؟؟

اما بالنسبة لتفسير رجة عصاية الفتيس فدة اول مؤشر لتهالك قواعد الموتور الخلفية تحديداً