السلام عليكم
أنا أرشح لحضرتك وبشدة البيجو 508 (210 ألف) أوالهاى لاين منها (240ألف)
1600cc تربو 156 حصان
compression ratio 10.5:1 يعنى تمشى ببنزين 92 من غير أى مشكلة
بالاضافة لأنها فرنساوى 100% وجودة الخامات ممتازة
وطبعا زى ما الزملاء الافاضل قالوا فى فولفو s60 , بس البيجو تتفوق عليها فى الآتى:
أولا ال compression ratio 11:1 فى الفولفو معناها انك لازم تستعمل بنزين 95(مشكلة خصوصا ان البنزين هيغلى الفترة اللى جاية)
ثانيا توكيل أبو غالى سئ الى حد كبير (أباظة برضة مش حلو بس أحسن من أبوغالى)
ثالثا الأبعاد الداخلية فى البيجو أكبر شوية من الفولفو
رابعا الفولفو اللى بتنزل مصر مش متصنعة فى السويد .
أيا كان خيارك ان شاء الله موفق فيه , حضرتك اركب دى واركب دى وشوف ارتحت أكتر لمين فيهم.
وطبعا لو حضرتك بتفكر فى الهاتشباك عندك 118i .
بس فى كل الأحوال ياريت حضرتك تبعد عن الفولكس لأنهم لسة بيستعملوا الفتيس ال DSG 7 اللى أعطالة متكررة ومابتنتهيش .
تقبل تحياتى ومبروك مقدما .