أية أكتر أماكن فاضية بس ليها مستقبل زى العجمى كدة

**MaNoLa** · 13-06-2012 05:30 AM

كنت عايزة أعرف أماكن قريبه من أسكندريه يعنى يا دوب نص ساعة و يبقى البنى أدم جوة محطة الرمل أو سيدى جابر او الحتت دى و يكون ليها مستقبل زى العجمى كدة في الأماكن إلى عندها فلل أو عند الأستاد
و يفضل الأماكن الموجودة على البحر على طول
و يا ريت لو حد عنده تجارب كدة يقولنا سعر المتر بكام و المحلات و الصيدليات تبعد عن المنطقة بأد أية كدة

**eslamrace** · 13-06-2012 06:04 AM

بيتهيألى فى منطقه طوسون وابو قير اعرف ان الاسعار هناك قليله جدا فى بعض المناطق بس للاسف لانى مش ساكن هناك مش حقدر افيدك فى الاسعار انما عندى فى المندره حاليا خلاص الفرص خلصت لان الاسعار بقت خياليه بعد كارفور ومارسيليا ما ابتدوا يشتغلوا
وفى انتظار اراء باقى الاعضاء

**ramyhekal** · 13-06-2012 06:16 AM

متابع

**zangry** · 13-06-2012 06:52 AM

المشاركة الأصلية كتبت بواسطة ramyhekal

متابع

+1111111

**MaNoLa** · 13-06-2012 07:34 AM

طوسون و أبو قير دلوقتى على فكرة أسعارها بقيت نار برضة
أنا بتكلم عن حاجة خلاص برة المحافظة و يا ريت لو على البحر على طول يعنى حتى ميبقاش فيه أدامك حد , بس هل فكرة البحر دى خطر لان منسوب البحر بيزيد فممكن العمارة تغرق ؟

**MohssenRashed** · 13-06-2012 10:06 AM

في العروبة كومباوند اخر طريق محور التعمير و فيها كارفور

**Elawany13** · 13-06-2012 01:48 PM

العجمى بعيده جدا عن قلب الأسكندرية ومحطة الرمل
وأسعارها غليت جدا
بصى ياسيدتى فيه مكان ممتاز جدا فى الأسكندرية
شارع مصطفى كامل مع الطريق الدولى
منطقة أسمها رأس السودة أو أرض فرعون
على بعد خطوات من شارع 45
منطقة جديدة
وكلها عمارات جديده
واسعارها ممتازة
الشقق هناك على الطوب بتبدأ من حوالى 60 ألف جنيه
ومساحات كويسه جدا

المنطقة ليها مستقبل ان شاء الله وواعدة
المنطقة مليانه مدارس خاصة
وفيها موقف ميكروباصات
أحد فروع فتح الله (السيوف تقريبا) قريب منها
فيه أرض معارض وقاعات أفراح قريبه منها
فيه ملاهى للأطفال قريبه منها
قريبه من قلب الإسكندرية

**MaNoLa** · 14-06-2012 05:22 AM

ميرسى جدا على ردودكم كلها و أفكار جميلة برضة
بس عايزين نطور الموضوع شوية و نتكلم عن المرافق زى ( الصرف الصحى - مياة الشرب - الكهربا - السوبر ماركت - الأسواق بتاعة الخضروات و اللحوم ) و بتبعد مسافة كام بالظبط عن المنطقة دى

فيه منطقة كمان شكلها هتطلع كويسة الأيام إلى جايه دى بس فيها مشكلة واحدة بس و بدأت تتحل
منطقة أسمها الأصلاح ودى قريبة جدا من شاطئ المعمورة و في نفس الوقت قريبه من سوق المعمورة
بالنسبه للمسافة بين السوق و الأراضى قصيرة , لكن سوق المعمورة مش حلو خالص ممكن الناس تطول لحد سوق أبو قير
الكارثة الكبرى في المنطقة دى شئ يسمى ((( ترعة ))) و دى عرضها حوالى 2 متر لكن في الفتره الأخيره لقيت مشاريع كبيرة جدا بتبنى في المنطقة دى و بتعمل ماسورة كبيرة كدة و فوقها خرسانة وفي الأخر بتبقى أسفلت عادى جدا يعنى مع الوقت الترعة دى كلها هتختفى

حد مشى من هناك يقولى كلامى دة صح ولا عنده وجهة نظر تانيه ؟

**MaNoLa** · 14-06-2012 04:12 PM

المشاركة الأصلية كتبت بواسطة alex_life1989

ابو تلات ملهاش حل من حيث التنظيم و الشوارع و الكلام ده و الاسعار فيها رخيصة جدا كان فى هناك فيلا كانت حتخلص على 100.000 جنية و كانت جميلة و تقريبا المستقبل هناك جميل شرق اسكندرية لحد ابو قير غالى جدا و زحمة جدا انما غرب اسكندرية ليها اكتر من طريق يعنى اقدر اقول استحالة خط غرب اسكندرية يقف حتى لو بعد الشر البلد بتولع غير طبعا الامان غرب الاسكندرية كانت اامن منطقة ايام الثورة و مميزات تانية كتير..

عاجبنى أوى موضوع الأراضى إلى على البحر في أبو تلات
طيب بالنسبه للأراضى مش الشقق
أسعار المتر الموجود على البحر بشكل مباشر بكام ؟
و أية الخطورة لو فيه بيت أتبنى على البحر على طول ؟ ممكن يغرق يعنى بسبب التمدد إلى بيحصل ؟

بس المشكلة أن أبو تلات لما جيت أدور عليها لقيت كوارث حبتين
يعنى الشوارع والتنظيم إلى حضرتك بتتكلم عليهم أول حاجة شوفتها أن أبو تلات غرقانه في المجارى

-

الموضوع: أية أكتر أماكن فاضية بس ليها مستقبل زى العجمى كدة

LinkBack

أدوات الموضوع

عرض

أية أكتر أماكن فاضية بس ليها مستقبل زى العجمى كدة - انشر الموضوع فى :

-

-

-

-

-

-

-

المواضيع المتشابهه

هل ليها حل ياريت لو ليها حد يفيدنى

لو عندك ارض فاضية, ايه المشروع المناسب ليها ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة