الموضوع: عاوز اجيب جنوط 14 عاديه جديده

المشاركة الأصلية كتبت بواسطة swimmer25

ممممممم شكلك بتحضر لتعديل الفرامل
انا فكرت كتير أجيب جنوط حديد ولا سبور وهقولك علي ما توصلت له يمكن يفيدك (لسه مخدتش قرار):

عيوب السبور بالنسبة للحديد

1- الجنوط السبور أقل تحمل للمطبات والخبطات لا قدر الله...يعني اي مشكلة الجنط هيتكسر وممكن يحتاج تغيير لكن الجنط الحديد أقرب انه يتني وسهل يرجع تاني

2- الجنط السبور لو واحد اتكسر هتحتاج تغير الطقم كله لكن الجنط الحديد هتحتاج تغير جنط واحد

3- طقم الجنط السبور بيبقي 4 بس وبالتالي لازم هتجيب واحد حديد ولو فردة اتخرمت هتبقي ماشي بجنط حديد والباقي سبور لحد ما تصلح الفردة اللي اتخرمت

4- طقم الجنط السبور أغلي من الحديد

مزايا السبور علي الحديد

1- الجنط السبور بيعمل تهوية اكبر لمنظومة الفرامل من الجنط الحديد لكبر فتحاته

2- الجنط السبور له اوفسيت متعدد فتقدر تجيبه بحيث انه يكون خارج برا العربية شوية بحيث انه ميحكش في شفة الرفرف فبالتالي يكون المسافة بين العجلتين أكبر...اعتقد ممكن يحسن الثبات شوية

3- الجنط السبور شكله أحسن كتير من الحديد ...كمان لما تعدل فرامل ورا مع الجنط السبور هيبقي شكله أحسن كتير لان الديسكات هتظهر ورا الجنط....ده فيه نس بتحط حتة صاجة عشان نفس الفكرة

4- وهتضطر تجيب للجنط الحديد طاسات عشان تحسن الشكل شوية وانت عارف بقي بتتسرق او تتكسر او تتخدش او تطير وبيبقي شكلها وحش لما يحصل كده

انت رأيك ايه ؟

+1
كمان نسيت انه هيحسن استهلاك البنزين والتسارع عشان الالومنيوم بيبقى اخف من الحديد