ايه مميزات وعيوب اونو 2006 فاير

**sh13** · 14-06-2012 08:50 PM

السلام عليكم , لو سمحتوا عايزة اعرف مميزات وعيوب الاونو 2006 فاير حالة ممتازة
وايه الفرق بين الفاير والعادي ؟ وخصوصا اسعار قطع الغيار وتوفرها
شكرا قوي

**nouranwar** · 15-06-2012 03:45 PM

الفرق في اسعار قطع الغيار نااااااااااااااااااار بين العادية و الفاير و كل اللي كنت بروحله بيها يقولي عاملنها نفس الشكل لكن حاجات نادرة اللي تنفع تركب للاونو القديم في الاونو الجديد

**sh13** · 16-06-2012 12:06 AM

شكرا جزيييييييييييييلا

**nouranwar** · 16-06-2012 06:06 PM

الاونو كانت معايا 2007 قعدت معايا سنة بالضبط
بالنسبة للموتور تحفة بمعني الكلمة هي 1300 سي سي بس مش هتحس بكده طالما حالتها ممتازة
بالنسبة لأستهلاك البنزين مبعرفش احسبها خالص بس كنت بفول من اول الصحراوي اسكندرية و بطلع القاهرة و ارجع تاني بالتفويلة كانت بتاخد ب 75 جنيه بنزين 90 رايح جاي
بالنسبة لقطع غيارها كانت غالية يعني كنت سائل علي المراية بتاعتها ب 450 جنيه معرفش فيه منها استيراد ولا لأ بس فيه كذا عضو هنا قالي حاجتها موجودة استيراد
اسعار الحاجات اللي كنت سائل عليها في التوكيل و برة هديلك مثال المساعدسن الامامي ب 1500 جنيه برة التوكيل و المساعدين الخلفي ب 600 علي ما اتذكر لو عايز تتأكد ادخل رابطة مالكي الاونو هتلاقي مشاركاتي هناك و فيها الاسعار سعر طقم الدبرياج و المقصات و المساعدين امامي و خلفي و دراع الاسكاترا و البيضات
بس مجمل العربية حلوة لكن يعيبها اسعار قطع غيارها الغالية جدا بمقارنتها بأسعار الاونو العادية و انها عربية صغيرة المفروض تكون اقتصادية
انا بعت بتاعتي ب 33,000 جم 2007 فابريكة دواخل بس كان فيها عيوب كتير و قلتها للراجل اللي اشتراها الحمدلله
لو فيه اي سؤال تاني انا تحت امرك و يارب اكون افدتك

**sh13** · 17-06-2012 01:46 AM

ميرسي جدا لحضرتك , وفعلا ان اسعار قطع الغيار غالية هتبقى مشكلة بالنسبة لي عشان انا اول مرة اسوق واعتقد هحتاج اغير حاجات كتير :), انا دلوقتي بفكر في ال 128 او اللادا نيفا لحد ما اتعلم وبعدين اجيب حاجة كويسة ,, شكرا قوي !

**nouranwar** · 17-06-2012 05:10 AM

تحت امرك
طيب طالما فكرت في الاونو ليه مفكرتش في الاونو العادية مش الفاير و ديه تقدر تعرف كل حاجة عنها و اسعار قطع غيارها من رابطة الاونو هنا في المنتدي

**sh13** · 17-06-2012 11:58 AM

عشان بدل كده كده ان شاء الله بعد فترة عايزة اغير واجيب فولكس بولو, فاجيب حاجة رخيصة للبهدلة وخلاص اقل من 20 الف . بصراحة كنت هجيب اونو عادية بس ملقتش حاجة حالتها زي ما انا عايزة وسعرها كويس

**karimalaa** · 18-06-2012 03:50 PM

أونو القديمة أو الجديدة ال2 فاير ..فاير دي معناها ان الموتور متصنّع و متجمّع كله بالروبوتس و الكومبيوترات دون تدخل بشر...
FIRE:Fully Integrated Robotised Engine
ما علينا... هي فعلاً قطع غيارها نادرة و غالية جداً بالنسبة للأونو 45 و أنا عن نفسي مش بحب العربية دي خااااااالص.... فيات أونو 45 تقريبا ثالث أكتر عربية مبيعات في التاريخ لما نزلوا الUno Mille شكلها سيء جداً جداً و خلت اسم اونو يفقد اعتماديته خصوصاً ان الinterior هو هو القديم مع بعض التعديلات في العدادات كثبات فهي أظن انها ثابتة جداً فا عفشتها من ورا independent يعني مقصّات ورا... و الموتور مش محتاج اتكلّم عليه فا مكن فيات كله معروف!
نصيحة... بلاش 128 و 127 .... العربيات دي قدمت أوي و مش حاتلاقيلها قطع غيار أصلي فابالتالي حاتشيليها اكتر ما حاتشيليك و حتعذبك.... دوّري على أونو45 عربية لو ظبطي كل حاجة فيها زي الفابريكة حتبقى حلوة جداً جداً و حمّالة آسية و من اكتر العربيات الناجحة في العالم...