السرعه القصوي

**WalidAdel** · 17-06-2012 03:14 PM

المشاركة الأصلية كتبت بواسطة Thebutcherr

انا كنت زيك كدة اول ماجبت العربية و جننتنى توصل 160 ب سهولة و من غير حرق بس اخرها 167 !!
و لسة فيه نصف الدواسة بس تدوس عليها عادى كانه هواء مش بنزين
المهمهم فضلت وراها و اجلها فى المنازل و اكارك و اسقط ستبترونك لحد ما وصلت 190
من الاخر يعنى تفتيح موتور

زي الفل ياباشا طمنتني

**romar** · 20-06-2012 11:17 AM

طبعا الـ 2010 و 2011 اللي زيي يقعد ساكت بما إن العربية سرعتها متحددة على 180...
جابت معايا 180 بسهولة على طريق العين السخنة... وكانت ثابتة كويس الحمد لله... بس طبعا صاحبي اللي راكب إلانترا 2006 وكان مسافر معايا اشتغلني السفرية كلها عشان كان بيضطر يهدّي بسببي :)

**م.محمد علاء** · 20-06-2012 11:37 AM

صباح الفل يا وليد باشا..
إنت بعت الصني ولا إيه؟
المهم مبروك عليك العربيه.
على فكره انا كنت عملت موضوع زيك تمام..بس للصني كنت بشتكي إنها مش بتجيب غير 170 بالكتير.
و فضلت على الحال ده حوالي 50 ألف كم.
لحد في مره قرصت بتاع 10 دقايق على زرار الأوفر درايف..
و بعد كده بقت بتفتح.
الحكايه موضوع تفتيح..بس إتغاشم عليها عشان المكنه تفتح معاك.

**WalidAdel** · 21-06-2012 03:01 AM

المشاركة الأصلية كتبت بواسطة Eng:mohamed

صباح الفل يا وليد باشا..
إنت بعت الصني ولا إيه؟
المهم مبروك عليك العربيه.
على فكره انا كنت عملت موضوع زيك تمام..بس للصني كنت بشتكي إنها مش بتجيب غير 170 بالكتير.
و فضلت على الحال ده حوالي 50 ألف كم.
لحد في مره قرصت بتاع 10 دقايق على زرار الأوفر درايف..
و بعد كده بقت بتفتح.
الحكايه موضوع تفتيح..بس إتغاشم عليها عشان المكنه تفتح معاك.

اه ياباشا فعلا و الله يبارك فيك
فعلا هيا مشكلة تفتيح مكنه بس انا في الصني ماحسيتش بيها لاني من بعد اول الاف مكنتش بحرق علي سرعات عاليه بس لا كان كله حتي في سواقتي العاديه بنقل علي ار بي ام عالي 3.5 و 4 فكنت بجري المكنه علطولو هيا مانيوال لكن بيني و بينك الاوتو عموما بتاع انتخه مش جري و حرق كتير و كده
فانا واخدها علي راحتها بردوا مش بحرق في النقلات و خلاص طالما هيا مشكله تفتيح مكنه و خلاص لاني كنت خايف لحسن تكون مشكله عندي في العربيه

المشاركة الأصلية كتبت بواسطة romar

طبعا الـ 2010 و 2011 اللي زيي يقعد ساكت بما إن العربية سرعتها متحددة على 180...
جابت معايا 180 بسهولة على طريق العين السخنة... وكانت ثابتة كويس الحمد لله... بس طبعا صاحبي اللي راكب إلانترا 2006 وكان مسافر معايا اشتغلني السفرية كلها عشان كان بيضطر يهدّي بسببي :)

حصلي موقف مشابه بس كانت وحشه اوي في حق العربيه
جيتا 2007 كانت ليسه جديده كنت بجربها انا و صحبي علي طريق العالمين 195 و حالفه ماهي تزود كيلوا لاقينا واحد بالالنترا 2007 باين عليها زيرو بردوا بيرعشلي بالنور ... قومت موسعله زي الباشا و عدي و باصصلنا اللي هو ازاي انا بعدي كده بالسهوله دي
مش عايز اقولك صحبي كان ناوي يفجر العربيه لما يرجع ... بس سئلنا في التوكيل قالك الكمبيوتر مقفول For Safty Driving
عايز تفتحها بره و هاتخرج من الضمان و بتاع

**omarkhaled55** · 22-06-2012 12:00 AM

انا العربية بتوصل لل 180 وبيكون ال ار بى ام على 5 ونص تقريبا بس بعد كدة بحس انها مش بتجيب واقصى حاجة جبتها كانت 195 تقريبا ومرة واحدة انما هى بتجيب ال 180 عادى من غير مشاكل الحمد للة

**miro_elbaz** · 25-06-2012 02:49 AM

بص يا سيدي انا معايا 2008 توب لاين واختي نعاها 2007 بيز لاين البيز لاين بتجيب ال200 بعد ارص عشان وزنها اخف بس اكتر من كده انسا و كمان في المنازل ال2008 بتعتي بتجيب 195 مرتاح بس مش بتجيب اكر من كده ركبلها فلتر K&N الستوك يعني مش هدرز و بوجيهات splitfire و هتبقي لطيفة و صوتها احلي.
وارجع اقلك توعل اي حد في الملفات

**WalidAdel** · 25-06-2012 05:34 PM

المشاركة الأصلية كتبت بواسطة miro_elbaz

بص يا سيدي انا معايا 2008 توب لاين واختي نعاها 2007 بيز لاين البيز لاين بتجيب ال200 بعد ارص عشان وزنها اخف بس اكتر من كده انسا و كمان في المنازل ال2008 بتعتي بتجيب 195 مرتاح بس مش بتجيب اكر من كده ركبلها فلتر K&N الستوك يعني مش هدرز و بوجيهات splitfire و هتبقي لطيفة و صوتها احلي.
وارجع اقلك توعل اي حد في الملفات

ماشاء الله
طيب ايه بقي موضوع البوجيهات ال Splite fire بكام و منين لاني ناوي ان شاء الله اركب البويجيهات الاوريجينال (انا مركب التويوتا شمعه واحده)
و ان شاء الله قدام شويه هاركب الفلتر ده (انا ليسه جايب الاورجينال بردوا)