السلام عليكم برجاء الفائدة عن افضل كاميرا ديجيتال بغض النظر عن السعر واتمنى تكون بعدسة
ما رييكم بنوع اسمو nikon ناس كتير شكرولي فيه
عرض للطباعة
السلام عليكم برجاء الفائدة عن افضل كاميرا ديجيتال بغض النظر عن السعر واتمنى تكون بعدسة
ما رييكم بنوع اسمو nikon ناس كتير شكرولي فيه
متشكر جدا لكل المشاهدين
افادكم الله ^_^
ههههههههههههههه
شكلي انا اللي حقول على احسن كاميرا نظريا النيكون من احسن الكميرات على مستوى العالم
عاوز اشوف عمليا اي الافضل
معنى كلمة slr
Single Lens Reflex
يعني بتبان في الحتة اللي بتحط فيها عنيك ^_^
يا باشا موضوع الكاميرا ده محتاج تكون عارف انت عايزها لييه؟
تصوير شخصى ولا محترف ولا ايه؟
هو حضرتك بتسأل علي الكاميرات الديجيتال العادية اللي هي دوس و صور علي طول (Point & Shoot) ولا الكاميرات الإحترافية اللي هي ال DSLR لو الكاميرات العادية أنا ممكن أديك حبة معلومات حلوة علشان أنا كنت بدور علي واحدة بقالي فترة و دورت و قلبت كتير جداً غير كده برضة يا ريت تحدد الميزانية لأن الكاميرات ملهاش حدود فيه من أول 500 لحد 4000 و ده في الحاجات الصغيرة العادية و الشبة إحترافية مش في الإحترافية كمان فياريت تحط سقف
النيكون والكانون أفضل نوعين كاميرات فى العالم " معنديش بصراحه اى معلومه عن الاوليمبوس"
فى رأيي النيكون بتمتاز عن الكانون فى جودة الخامات ونقائها خصوصا فى العدسات
فى حين تمتاز الكانون فى التيك الاعلى شويه وانتشار افضل
يعنى الاتنين لكل واحده فيهم نقطة تفوق بسيطه عن الاخري
زي بالظبط مرسيدس وبي ام . مرسيدس بتهتم بالرفاهيه اكتر فى حين بي ام بتهتم بالمتعة والاحساس بالقياده
بخصوص الكاميرات الاحترافيه منصحش حضرتك بيها كمبتدء لانك مش هتقدر تستفاد من الاوبشن بتاعها
لو حضرتك عايز حاجه بجوده عاليه وتقدر تستفاد منها انصحك ب "سيمي بروفشنال"
تحياتي
الردود بدات تهل ياباشا ابشر :10D5C8w1107:
عاوزها بعدسة كبيرة معرفش دي محترفين ولا اي
مفيش سقف ياباشا قول انت بس :camera2:
جزاك الله خير يا فندم ممكن صورة للسيمي بروفيشينا
وانا مش حكاية مبتدا انا عندي موال شغل محتاج فيه كاميرا محترمة وناس كتير قالولي لازم تجيبها بعدسة زي بتاعة استوديوهات التصوير
الفرق الجوهري بين الاحترافيه والسيمي بروفشنال ان الاحترافيه بتتكون من جزئين : الكاميرا - العدسه
بمعني انك ممكن تشيل العدسات وتحط عدسات تانيه وبره ناس كتير من الى بيجيبوها بشترو عدسات غاليه وساعات بتكون اغلى بكتير من تمن الكاميرا نفسها عشان يقدر يستفيد بالكاميرا وياخد انقى صوره ممكنه
عكس هنا الى بيشتري الكاميرا ويشوف ارخص عدسات تركب عليها ويشتريها
وده يعتبر اهدار للفلوس لانه بكده مستفدش من الى دفعه فى الكاميرا لانه استرخص فى العدسه
عموما استديوهات التصوير جزء كبير منها بيستخدم سيمي بروفيشنال
ودي بعض الصور ليها :
جزاك الله خير يا باشا انا كده تقريبا عرفت انهي البروفيشينال دي بتكون عدساتها كبيرة جدا زي بتاعة الناس اللي في ناشيونال جيوكرافيك لما يحبو يجيبو اسد على بعد كبير مثلا
والسيمي بروفيشينال سمعت من ناس كتير ان النيكون لا يعلى عليها فيها وفي ناس تقولك هات سوني الفا
وناس تقولك كانون
فمش عارف ابني على ايه اختياري للبراند وفي مواقع زي cnet بتعمل ريفيو معرفش الريفيو بتاعها مبني على راي خبراء ولا راي مستهلكين
the best ever is Canon for sure
الاحترافيه والسيمي بيكون شكلهم متقارب جدا فى الاغلب
لكن الكاميرات الي بتكون في ناشيونال جيوكرافيك وبتكون برضو فى ملاعب الكوره بتكون عدساتها كبيره اوي لانها بتصور مسافات بعيده عشان كده بتكون بالمنظر ده
بخصوص اختيار البراند فده يرجع لراحتك الشخصيه لماركه معينه الى بتختلف من شخص لأخر
بص يا كبير انا فى حيره زيك بالظبط
والمشكله دى ان الكميرات دى مش رخيصه يالعكس غاليه
فلازم لما تجيب تجيب حاجه ليك النهارده وبكره
انا اخترت d3200
بناء على كلام رجالة المتدى واعمل سيرش عنها هتتعرف عليها اكتر واعمل مقارنات
احترافيه العدسات بتتغير وعمال ما تتعلم عليها وتبدتدى تحترف هتعرف انت محتاج عدسه نوعها ايه
شوف الموضوع ده
http://www.nilemotors.net/Nile/294048-a.html
طب الحمدلله ,:10D5C8w1107:, عقبااال باقى الاخوة لما ياخدوا بالهم من الموضوع يااامسهل .
بجد الله ينور وجزاك الله كل خير ,,,
أنا بالنسباالى مش بروفيشنل فى التصوير وفى نفس الوقت السيمى دخلت دمااغى وكنت عايز اشترى ماركة وموديل محترم وتعيش معايا فمثلا اى الافضل فى سونى وكانون !
ولك جزيل الشكراا.
مش حقدر ارد عليك غير بان اللي يجيب بيجو في البلد دي لازم يكون واحد بيفهم وذوقو عالي
ربنا يباركلك ^_^
يا فندم شاكر ليك جدا وحتعبك وقولك جيبلي شكل لموديل بروفيشنال وواحد لسيمي من نفس الماركة عشان مش قادر اتخيل والله
وانا اسف جدا اسالتي كتير
ربنا يكرمك و تكون حياتك كلها حاجات حلوة تصورها بيها
معلش هي البراند بتاعها اي
وجبتها بكم ومنين وعاملة معاك اي ؟
بص يا كبير انا لسه مجبتهاش هتجيلى على اخر الشهر ان شاء الله
الموضوع بتاع الكميرات ده كبير اوى
فقارن براحتك وشوف انت عاوز ايه واتفرج
دى الكميرا الى انا اخترتها
نيكون تعلن عن D3200 بمستشعر 24mp والعدسة 28mm F1.8 G, | حكاية صورة ،
هتلاقى ناس بتشكر فيها وامكانيتها وناس مش عجباها
اعمل انت مقارنه وشوف الى انت عاوزه ايه وشف ايه الى يناسبك
وتحت امرك
طبعا الصور الى فوق لسيمي ودول بعض الصور لكاميرات احترافيه
http://www.techpin.com/wp-content/up...ll-package.jpg
http://www-mp3.us/wp-content/uploads.../canon_slr.jpg
http://www.photoreview.com.au/var/ph...eos-40d350.jpg
ودي صوره بتوضح شكل البودي بدون العدسه
http://www.photoreview.com.au/var/ph...ges-125350.jpg
بخصوص ال d3200 انتاج شركة نيكون ضمن الفئة الاحترافيه
وبخصوص ترشيحي للأفضل فللاسف انا مش متابع اليومين دول وزي ما قولت قبل كده انها بتعتمد على الراحه الشخصيه للمشتري اولا وبعد كده تيجي المقارنه للاصدارات الموجوده فى الفئه المتاحه
تحياتي
جزاكم الله خير وافادكم الله دائما وان شاء الله ربنا كريم والواحد يستقر على حاجة :)
بص يا باشا
الكاميرات زى العربيات بالظبط
فى من اول زوبه لحد السى كلاس
الفاصل فى الموضوع.... مين اللى هايستخدمها و هايستخدمها فى ايه
تصوير فوتوغرافيا - فيديو - سينما- تصوير خارجى - بورتريه - ليلى
كل ده و اكتر بيفرق غى اختيار الكاميرا
بالنسبه للانواع المنتشره و ايه افضل و كده
اقدر اقولك ان كانون افضل فى الفيديو عن انيكون و ده فى الفئات الاحترافيه الوسط ( الفئات الاحترافيه تنقسم لثلاث مراحل) وغالبا بيبقى سعرها فى حدود من اول ال 8000 جنيه مصرى للكاميرا فقط بدون عدسه
النيكون افضل فى التصوير الفوتوغرافى وعمق الالوان و تباينها و اقربها للواقع و افضل فى الفيديو فى المرحله الاولى للكاميرا الاحترافيه
وللحديث بفيه و انا تحت امرك
جزاك الله خير اللي حقدر اقولوهلك اني عاوز كاميرا استعمال عادي شخصي مناسبات وكده
اما الشق الثاني الشغل وكده فمجالي في المصانع بحتاج اصور حاجات زي عدادت قرائة وكده الارقام فيها بتبقى محتاجة كاميرا توضح الدنيا
ساعات بنزل بلانت محتاجين منو مثلا جهاز معين فلازم اصور اسم الجهاز وبياناتو وحاجات معينة بتبقى مكتوبة عليه ولزام تكون الدقة كويسة
مفيش كلام يسعفني اكتر من كده للوصف
طيب من رأيى يعنى انك مس محتاج حاجة احترافيه ولا شبه احترافيه حتى
ليه؟
عشان الاحترافيه مش هتستغل امكانياتها - و لا هتستحمل تقلها و حجمها
لو حضرتك نازل بلان و بتصور و ماسكها و اتخبطتت هاتقعد تعيط جنبها :) الا لو جبت كاميرا مضاده للخبطات و بجسم ماغنيسيوم اللى سعرها مش هايقل عن ال 8000 جنيه و بصراحه كتير قوى على اللى انت محتاجه
حضرتك محتاج كاميرا بميجا بيكسلز كتير عشان توضحلك الكلام و الحروف و تكون خفيفيه و بتصور فى اى وقت ليل او نهار ويكون كل ده اوتوماتيك و ده هتلاقيه فى السونى السايبر شوت و هتلاقيها مش غاليه زى الكاميرات الاحترافيه
السايبر شوت معموله للاستخدام اللى حضرتك محتاجه بالظبط وفيها كل حاجة ممكن تتخيلها
وللحديث بقيه
تحياتى
يا باشا انا تحت امرك
موضوع المناسبات ده انت محتاج فيه كاميرا هتعمل بيها ايه بالظبط - مش هتاخد صور تذكاريه بس ؟؟ ولا بروتريه و وزوايا كاميرا و تنزل تنام على الارض و تاخد الصوره و القصه دى؟؟
بعد اذن اسامة باشا ..
طب دلوقتى دعبثت ولقييت سونى نيكس 5 ان .. فدية اخبارها اى وبالنسبة لاسعار اكسسورات اى نظامة ..
ولو جبتها من برة هيكون فى فرق ولا لأ .
http://www11.0zz0.com/2012/06/15/15/196816521.jpg
http://www11.0zz0.com/2012/06/15/15/272066255.jpg
http://www11.0zz0.com/2012/06/15/15/999481976.jpg
Cyber-shot Digital Camera TX20
Sony Waterproof Camera | Cyber-shot Digital Camera TX20 | DSC-TX20/L | Sony USA
اتفرج على دى
ضد الميه و 3 بوصه تاتش اسكرين و العدسه بتاعتها حلوة جدا و فتحه العدسه كويسه و فيها بانوراما و سينسور حلو جدا
انا كان معايا اللى قبلها و جربتها فى حاجات كتير و بصراحه محترمه جدا
خلاص حاول تشوف حاجة سهله خفيفه عمليه سريعه قطع غيارها موجوده صيانتها سهله - مطلوبه عشان لو حبيت تبيعها و تجيب الاحدث
متجيبش حاجه غريبه او هتتعب فى اكسسوارتها حتى
انا مش بكلمك من فراغ - انا جربت الاتى
sonycyber shot txxx
nikon d40
nikon d3100
nikon d5100
nikon d7000
canon 450d
canon 550d
canon 7d
canon 5d mark2
السايبر شوت ومش هتكلفك كتير - هتعمل 1500 حاجة كده
وابقى اشتغل بيها و طلع عين اللى جابوها و افرمها خالص و لو لاقيت نفسك عاوز تدخل فى المجال - ساعتها هتبقى قهمت كتير قوى و عرفت انت هتحتاج ايه بالظبط
داخل امسى عليك يا اسامه بيه و الله واحشنى يا ريس
بص يا باشا انا الصراحة شايف ما دام حضرتك مش محترف و مش دايس في التصوير يبقي بلاش كاميرا إحترافية هتدفع فلوس كتير قوي علي الفاضي و مش هاتعرف تطلع كل ال Potential بتاع الكاميرا, أنا رأيي الشخصي تجيب كاميرا Point & Shoot في اللذيذ كده يدوب هتصوب الكاميرا و تدوس و الصور تطلع زي الحلاوة و هارشحلك كام كاميرا كده شوف ميزانيتك و إحتياجك ونقي اللي تعجبك
1- Canon Powershot ELPH 300 HS دي كاميرا صغيرة و لطيفة و ممكن تجيبها من أمريكا ب 130 $ صورها روعة و الزوم فيها 5X
2- Panasoni Lumix ZS20 و دي من روائع بناسونيك زووم 20X Optical و GPS و كمان فيها تحكم مانيوال و حجم كومباكت, كاميرا محترمة جداً و تعمل 265 $
3- Sony Wx150 و دي أكتر واحدة عاجباني و ناوي أجيبها إن شاء الله علي الشهر الجاي كده و دي صورها رائعة و الزوم 10x و كمان نازلة بتكنولوجيا عدسات جديدة مخليه حجمها صغير علي حجم الزوم و واخدة تقييمات حلوة جداً من الناس و دي ب 250 $