أرجوكم محدش يقاطع .. مصر امانه فى إيدك!

يا جماعه ماينفعش تقاطع .. لو قاطعت تبقى إنت كده بالضبط كأنك إديت صوت لشفيق .. أنا مش مع الأخوان و بالنسبالى أخطئوا كثير .. و أنا لما هنزل أصوت لمرسى مش هصوت للأخوان .. أنا هصوت للأداة الى هتسقط النظام و تحقق هدف الثوره من أول يوم و هو إسقاط النظام .. إنما سكوتك يبقى إنت كأنك بلا وجود .. ولم تؤثر بل أضريت ...

إفتكر إنك بتقصر فى حق نفسك و أولادك و أهلك و فى حق كل شهيد إستشهد علشان يديك المكان ده إنك تقرر .. ياتدوس عليه يا تقف فى صفه و تخليه يرتاح و يعرف إن دمه مارحش هدر

أنا لو قدام شفيق أى حد هنتخبه فقط علشان يحقق هدف الثوره و يكون اداه ضد النظام الى بيحاول بكل شراسه إنه يرجع أوسخ و أوسخ و أوسخ من الأول ..

أتمنى على كل واحد هيدعم شفيق .. إنه يدعى فى صلاته إن ربنا يحشره معاه .. قول أمين يالى هترشح شفيق و أوعى ترجع فيها .. مش إنت مقتنع بيه!!!!!!!!! .. حسبى الله و نعم الوكيل

الله يخدو

اقتباس:

---

المشاركة الأصلية كتبت بواسطة shakshak2011

أتمنى على كل واحد هيدعم شفيق .. إنه يدعى فى صلاته إن ربنا يحشره معاه .. قول أمين يالى هترشح شفيق و أوعى ترجع فيها .. مش إنت مقتنع بيه!!!!!!!!! .. حسبى الله و نعم الوكيل

---

براحه معلش عشان ابويا انتخب شفيق

أى حد إنتخب أو هينتخب شفيق .. المفروض حاجه زى ديه ماتضايقهوش .. مع إحترامى الكامل للسيد الوالد .. ولا إنت إيه رأيك؟
مع العلم إن ليا أقرب إنتخبوه .. مع الأسف

ما تزعلش منى بس هو دة الاسلوب اللى بيخلى الناس تنتخب شفيق
قال تعالى: { فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِك } (آل عمران:159).

ام احد الشهداء دعت دعوه في التليفزيون يارب اي واحد هاينتخب شفيق ويضيع حق ابني يشرب من نفس الكأس وهذه الدعوه ليس بينها وبين الله حجاب راجعوا نفسكوا وحسبي الله ونعم الوكيل ربنا ينتقم من كل واحد هاينتخب شفيق ويزله في الارض

أخى amr.elsayed .. الموضوع واضح وضوح الشمس .. و ده الى ينرفزك و يغيظك .. و بعدين انا مش داعيه دينى ولا بروج لداعيه دينى .. ولا بدعوا ناس إنهم يعتنقوا دينى .. أنا قدامى إتنين مرشحين .. واحد إيده مغسوله بالدم و السرقه و النفاق .. و الأخر مغسوله بأخطاء بنى أدم (بشر) .. إزاى إنتخب المجروم و أقول على التانى علشان أخطأ مش هنتخبه .. ماهى حاجه تجنن

رغم ان صوتى لدكتور محمد مرسى
لكن الدعوة على الغير لمجرد انتخابه مرشح اخر ليس له علاقة بالديمقراطية ولا له علاقة بالسياسة
ولا حتى له علاقة بالدين الاسلامى ... لكن استخدام الفزاعات و نظام لو انتخبت شفيق حتدخل النار
دة اسمحلى اقول لحضرتك انه بيعمل دعاية سلبية للمرشح الاسلامى
ولا محمد مرسى حيزود ايمانى فى شيئ و لا انا حنتخبه علشان عايز اعرف دينى
انا حنتخبه لمجرد انه الافضل من وجه نظرى بالاضافة لتجربة نظام جديد على امل تحسين الاوضاع
....................
يا ريت كل واحد يسال نفسه لولا قدر الله و فشل الاخوان فى ادارة البلاد فى خلال الاربع سنوات القادمة اذا فاز د محمد مرسى
وجائت الانتخابات القادمة وامامك مرشح اخر قد يكون من الممكن ان يحدث تغيير للافضل
تنتخبه ولا تنتخب الاخوان اللى فشلوا فى الادارة لا قدر الله ؟؟
ولو حد قالك خلى بالك ام الشهيد قالت لو مش عارف ايه يشرب من ايه لو انتخبت حد تانى غير مش عارف مين
حتنتخبه علشان ام الشهيد قالت كدة ولا حتنتخب اللى ممكن يحدث تغيير ؟؟؟
حكموا عقلكوا وبلاش فزاعات مش حنعمل زى عكشة

اقتباس:

---

المشاركة الأصلية كتبت بواسطة shakshak2011

أخى amr.elsayed .. الموضوع واضح وضوح الشمس .. و ده الى ينرفزك و يغيظك .. و بعدين انا مش داعيه دينى ولا بروج لداعيه دينى .. ولا بدعوا ناس إنهم يعتنقوا دينى .. أنا قدامى إتنين مرشحين .. واحد إيده مغسوله بالدم و السرقه و النفاق .. و الأخر مغسوله بأخطاء بنى أدم (بشر) .. إزاى إنتخب المجروم و أقول على التانى علشان أخطأ مش هنتخبه .. ماهى حاجه تجنن

---

اكيد طبعا يا باشا انا كمان حتجنن زيك بالظبط بس فى ناس كتير قلقانة وخايفة ومحتاجة حد يطمنها
لان دى طبيعة البشر بيخاف من المجهول .. وان شاء الله ربنا يولى من يصلح

اقتباس:

---

المشاركة الأصلية كتبت بواسطة shakshak2011

أى حد إنتخب أو هينتخب شفيق .. المفروض حاجه زى ديه ماتضايقهوش .. مع إحترامى الكامل للسيد الوالد .. ولا إنت إيه رأيك؟
مع العلم إن ليا أقرب إنتخبوه .. مع الأسف

---

حضرتك كده بتدعي علي اللي انتخبوه بصوره مستتره

اقتباس:

---

المشاركة الأصلية كتبت بواسطة amr.elsayed

رغم ان صوتى لدكتور محمد مرسى
لكن الدعوة على الغير لمجرد انتخابه مرشح اخر ليس له علاقة بالديمقراطية ولا له علاقة بالسياسة
ولا حتى له علاقة بالدين الاسلامى ... لكن استخدام الفزاعات و نظام لو انتخبت شفيق حتدخل النار
دة اسمحلى اقول لحضرتك انه بيعمل دعاية سلبية للمرشح الاسلامى
ولا محمد مرسى حيزود ايمانى فى شيئ و لا انا حنتخبه علشان عايز اعرف دينى
انا حنتخبه لمجرد انه الافضل من وجه نظرى بالاضافة لتجربة نظام جديد على امل تحسين الاوضاع
....................
يا ريت كل واحد يسال نفسه لولا قدر الله و فشل الاخوان فى ادارة البلاد فى خلال الاربع سنوات القادمة اذا فاز د محمد مرسى
وجائت الانتخابات القادمة وامامك مرشح اخر قد يكون من الممكن ان يحدث تغيير للافضل
تنتخبه ولا تنتخب الاخوان اللى فشلوا فى الادارة لا قدر الله ؟؟
ولو حد قالك خلى بالك ام الشهيد قالت لو مش عارف ايه يشرب من ايه لو انتخبت حد تانى غير مش عارف مين
حتنتخبه علشان ام الشهيد قالت كدة ولا حتنتخب اللى ممكن يحدث تغيير ؟؟؟
حكموا عقلكوا وبلاش فزاعات مش حنعمل زى عكشة

---

+1

للعضو صاحب الموضوع ... هو حضرتك مصدق ان في انتخابات ديمقراطية بجد ؟؟
دى لعبة وابتدت من زمان

سؤالين سمعتهم كثير قوى اليومين دول و إجابتهم علشان الناس تتدبر قبل ما تندفع و تتكلم:

س1 - لما الاخوان أخدوا البرلمان ..كان ليه الاصرار على رئيس منهم و لما ما نفعش الشاطر قالوا يبقى مرسى رغم عدم توافر مقومات الرئيس فيه مع انهم لو مرشحوش حد كانت اصوات مرسى ممكن توجيها لابو الفتوح مثلا

س 2 و عليه استماته الاخوان فى السيطره على كل شىء تعنى حزب وطنى جديد و لا تعنى تحقيق أهداف الثوره

............*الأجابه............*

1 - مكنش ينفع إن الأخوان يدعموا أبو الفتوح .. لأن أبو الفتوح كان خالف أكبر و أهم قانون الجماعه معتنقاه و ماشيه عليه من سنين .. ألا وهو أن رأى الجماعه يسرى على الكل .. و الأمر شورى بين الحميع .. ده قانون .. طالما إنت منتمى للجماعه يجب أن توافق عليه .. و هو أساس كل قراراتهم .. أبو الفتوح خالف القاعده الأساسيه ديه .. و بالتالى لو كانوا رجعوله .. كانوا هيبقوا هدوا أساس الجماعه .. (ماينفعش تهد قانون ماشى بقاله سنوات و تهد كيان و تشيع الفوضى .. علشان شخص أياً كان)

2 - ليه الأخوان رشحوا أكثر من شخص .. و بسرعة البرق يتحولوا من شخص لأخر (الشاطر -- مرسى) .. للرد على الجزء ده نقطتين تانيين:

a- الأخوان عندهم مشروع النهضه .. الى هو هدفهم لتنمية إقتصاد مصر .. وهو مشروع ممتاز يشمل كل نواحى الحياه للنهوض بإقتصاد مصر بعد طبعاً ما ماسورة السرقه تتقفل .. فهما مش مهم عندهم الأشخاص تكون مين .. المهم حد يكون موجود علشان يحقق الحلم و ينهض ب مصر

b- تخيل إننا فى مركب فى البحر .. و كل واحد شارى غرفه فى المركب .. و إتفقنا إن محدش يطلع منها .. و خدنا عهد بكده .. و فجأه قامت عاصفه و المركب إتخرم و خلاص بيغرق .. هل هتفضل قاعده فى غرفتك و تقول ماليش دعوه الخرم مش فى غرفتى!!!! مستحيل طبعاً .. المركب بيغرق و إنت أول واحده هتغرق فيه لو وقع .. و بالتاى كان لازم تتصرف بكل الطرق علشان المركب يفضل فوق الميه و مايغرقش ..

ده بالضبط الى حصل مع الأخوان .. المجلس العسكرى جيه فى الأول .. وكان عامل فيها محترم و حامى الثوره .. و خدعنا جميعاً بما فينا الأخوان .. ثم وضح على حقيقته الخبيثه و أطماعه التى لا تنتهى .. و كان لازم يكون فيه رد فعل بأى طريقه علشان المركب تفضل عايمه و منغرقش

تحلليلى للموضوع بكل بساطه .. و اتمنى مكنش أطلت عليكم .. ياريت تقرأ كلامى بتمعن شويه .. و تعرف إنك قدام إتنين .. واحد قالها بكل صراحه .. أنا هزيح إسم الله و الإسلام .. و الأخر (حتى لو بيكدب) قال إنه هيعلى إسم الله و الإسلام فى الأرض .. إعمل حساب يوم ما نقف بين إيدين ربنا و تتسأل إنت إخترت ليه !! .. ديه شهادة حق .. و كاتم الحق شيطان أخرس

جمعه مباركه إن شاء الله

شاكر للجميع مرورهم .. انا عارف إن القضيه منتهيه من زمان .. بس أنا مازل عندى أمل .. يارب الخير لمصر

شفيق شفيق شفيق....

القسم دا المفروض اجتماعي مش احوال الشارع...ياريت متخربوهوش هو كمان وخلونا هاديين كدا هنا.

وبرضو شفيق شفيق شفيق...مدنية مدنية مدنية :)

بادعمك يا صاجب الموضوع

و اي حاجة في ايدي اعلمها ضد العسكر و الفلول هاعملها ان شاء الله

فقط للرد على موضوع فى غاية الأهميه .. انا بالنسبه ليا الإنتخابات الأن بأشبهها بالأتى .. انا فى صحراء محدش بيساعدنى و قدامى ذئب هيموتنى و معييش غير سكينه من غير غطا .. يعنى لو مسكتها أدافع بيها عن نفسى .. هتعورنى .. بس ممكن تنقذنى من أنياب الذئب .. إنما لو ما إستعنتش بيها و جريت مثلاً أو وقفت مكانى .. الذئب هيموتنى بكل سهوله .. فى الحالتين فيه أثار جانبيه .. بس أتمسك بأقل أمل و أدافع بيه عن حياتى .. ولا أستسلم للذئب؟؟؟

طبعاً السكينه هيا الأخوان ... و الذئب هو شفيق و زبانيته

اكيد الدكتور محمد مرسي ان شاء الله , ويسقط يسقط حكم العسكر