الموضوع: تجربة الشد مع الاحصنة الكوري !! النيو النترا !!

السلام عليكم ورحمة الله وبركاته

من فترة كبيرة وانا بعاني انا والياريس في مشكلة ان العربية مش بتتجاوز ال 160 !!

تسارع معقول جدا لحد ال 160 وبعد كدة شكرا !! جربت اكتر من مرة وفي اكتر من طريق وعملت كل المحاولات بس للاسف كل المحاولات بأت بالفشل

ماكنش فاضلي غير اخر محاولة وهي اني اغير زيت الفتيس !! بالفعل رحت غيرت زيت الفتيس بالزيت الاصلي بتاعها من حوالي تلت / اربع ايام

النهارده كنت مع الشباب على كافيه Location في جامعة الدول !! وما ادراك مالكافيه ده

خدنا قعدتنا واتبسطنا وقمنا من هناك على الساعة 2 بليل تقريبا

كان معايا 2 زمايلي قلتلهم فرصة المحور جمبنا انا عايز اجرب العربية بعد تغييرة زيت الفتيس لعل وعسى المشكلة تتحل

بالفعل طلعت على الطريق وفي بداية المحور كنت ماشي على سرعة 110 تقريبا

لمحت عربية جاية من ورا ولطش غرزة شمال ! حسيت انه عايز يجري قلت كويس نتسلى مع بعض

طبعا نور العربية في المرايا عندي ماكنش موضح العربية دي نوعها ايه بس كنت فاكرها سيراتو !!

وانا طبعا مش هقدر اقولكم مدى حبي لسوسو العربية الكوري الوحيدة اللى بحبها وبحترمها

نزلت تالت وحرقت ومراقب العربية في المرايا

دخلت في ال 120 / 130 والعربية ورايا بفرق عربية تقريبا ومش عارف يقرب مني

كسرت ال 130 ودخلت في ال 140 نفس الكلام ايقنت ان العربية دي بتشد معايا !! مانا حارق جامد ومش ببعد عنه !! قمت مقلب اشارات

يمين وشمال هههههههههههههه <<< مانا شايف عربية ورايا وواضح طبعا انه بيشد ومش عارف يجبني !!

اول ماكسرت ال 140 وداخل في ال 150 لقيت العربية دي بدات تطلع مني !!

واول ماعديتني اذا بالعربية دي نيو النترا !!!!!!!

كملت حرق وبعد ال 150 وداخل على ال 160 هو بدا يبعد عني

170 برضوا بيبعد عني ! لحد مانا حطيت على العداد عندي 180 وكان الفرق مابيني وبينه حوالي 4 / 5 عربيات

لما كنت ماشي 180 اكننا اتربطنا بحبل ومابقاش بيبعد عني زيادة عن كدة !! اكنه وصل تقريبا للتوب اسبيد بتاعته فالفرق فضل ثابت !!

الطريق قفل عليه وانا جاي من ورا طبعا طاير !! للاسف المرايا اليمين عندي مكسورة فكنت متكدر في الغرز جامد اوي

الطريق قفل عليه فدي حاجة ساعدتني اني اقرب منه بقيت لازق في شنطته وماشي 100 / 120 ! الطريق فتح هو خد اليمين وانا من الشمال حارق

فضلت ثابت معاه لحد 140 اكصدامي الامامي في اكصدامه الخلفي

بعد مابكسر ال 140 وابدا ادخل في ال 150 بيبدا يفرق عني !!

طبعا في اللحظة دي سألت نفسي هما ال 130 حصان بتوع النيو النترا فين ؟؟؟؟

طلعت الكاميرا وجبت الفيديو وقلت اصور الشداية عشان (الكوريين) يعترفو ان الحصان الكوري
Exist

ماهو معلش لما انا 86 حصان !! ومعايا 2 زمايلي ومش هحكي انا الوزن بياثر على السحب عندي ازاي !! ومع ذلك ثابت معاه في ال Mid range acceleration جامد جدا جدا !! يبقى فرق ال 50 حصان دول فين ؟؟؟

لكن للاسف كنا تجاوزنا ال 150 وبدا هو يفرق !! فمعرفتش اثبت الحالة

الحمد لله اني خلصت من قصة ال 160 وغالبا المشكلة كانت من زيت الفتيس محضر تقرير شامل عن تغيير زيت الفتيس وهكتبه قريب ان شاء الله

اما بالنسبة لتقييم النيو النترا !!!!

فبصراحة مستحيل مستحيل مستحيل العربية اللى انا كنت بجري معاها دي تكون 130 حصان !!! ؟؟ الا في حالة واحدة لو 130 حصان كوري هههههههههههههههههه

مع احترامي الشديد للكوريين - من غير ماحد مايزعل - !! بس عايز تفسير مقنع ؟؟

ايه اللى يخلي عربية 1.3 86 حصان !! راكب فيها 2 غير السواق غير ان العربية متفولة 40 لتر !! وخلي بالك من نقطة الوزن دي لانها بتفرق معايا اوي لاني 1.3 وعزم 134 نيوتن !!!

تثبت في ال Mid range 100 : 140/150 مع عربية 1.6 130 حصان !! لوحده !! ماكنش معاه حد في العربية !!! ؟؟؟ ومرتين !! ؟ في اول المحور وفي النص !! ؟

بغض النظر عن انها بعد ال 140 / 150 بتحط فرق جامد !! ؟ بس حتى لما كان بيعديني ماكنتش بحس انه بيطير يعني !! ؟؟

ولاحظ : بيعدي مش بسبب ان الالنترا جامدة !! لا بسبب ان انا كعربية 1.3 مش مطلوب من الماتور انه يدي تسارع جامد فوق ال 150 !! ؟ فطبيعي اي عربية 1.6 محترمة في ال range ده المفروض تعدي !! ؟

وعلى فكرة انا شايل ال Intake !! يعني العربية حاليا بالفلتر الاستوك !! مجرد تعديل في ال Exhaust فقط لا غير !! ؟

يعني لو لوحدي ومركب ال Intake مع ال Exhaust بيعمل شغل جامد !!

اعتقد كان ممكن الموضوع يختلف تماما عن كدة !! ؟ وارد بدل ماثبت معاه الاقي نفسي بطلع منه في ال Mid Range سعتها تبقى خيبة ههههههههههههههههههههههه

معلش يا جماعة بس اسمحولي العربية دي واخدة اكتر من حقها !! اللى انا شفته على الطريق يخليني اسال نفسي !! ؟ العربية دي ازاي بيتقال انها 130 حصان !!! ؟؟

فرق ال 50 حصان بيني وبينه كتييييييييييييييير !! المفروض ماثبتش معاه على اي سرعة !! حتى لو عربيته جديدة وبتلين !! 50 حصان يا جماعة مش حاجة قليلة !! ؟

حتى زميلي اللى كان راكب معايا قالي انا كنت فاكرها اجمد من كدة !! امال 130 حصان على ايه ؟؟

هي كويسة اوي كشكل جديد واوبشنز وكماليات بالهبل !!

لكن كعربية "ثبات - ماتور - امان - فرامل " ماينفعش تتقارن بالسيفيك ولا بالكورولا تحت اي حال من الاحوال !!!!!!!!

على الاقل من وجهة نظري !!