عاوز جى ام صغير اوى يادوب يقوم سماعتين بايونير 400

**bam8572** · 15-06-2012 01:09 PM

السلام عليكم

لضيق الميزانية جداً ياجماعة

لدرجة انى احتمال كبير اجيب سماعتين بايونير 400 من غير ماجيب لهم جى ام كمان

بس لو هجيب سماعتين 400 ,, وعاوز اصغر جى ام يقومهم كويس ,, تفتكروا 300 وات تمام ؟؟

ارجو الرد بدون مبالغة فى مواصفات الجى ام لإن بجد الحالة المادية صعبة جداً دلوقتى

**forti** · 15-06-2012 11:24 PM

متيألى ده اقل جى ام فى حدود 300-400 جنيه

**boody_boo** · 16-06-2012 12:04 AM

نصيحة صغيرة كده:
بدل السماعات البايونير ال 400 وات
هات سماعات JBL GTO938 300WATT max 100RMS أفضل بكتيييييييييييييييييييييي يييييييييييييييير و يمكن تكون أرخص لإني مش عارف سعر البايونير ال 400 بي ال JBL ديه ب 270 جنيه و هتلاقيها في كل مكان (بس للتحديد في التوفيقية عند الزغل و في شارع دمشق هتلاقيها كتير و عند روكيت في روكسي و عند فانتازيا في جسر السويس)
مع أي جي إم صغيربس يكون من ماركة محترمة (سوني - بايونير أو كينوود) هتلاقي أداء قوي بشكل لا تتخيله و عن تجربة شخصية

**bam8572** · 16-06-2012 03:18 AM

فى المحلة هنا السماعات الجى بى ال الوحيدة الى لقيتها مش فاكر كانت كام وات كدا وكانت ب 1200 جنيه !!

ننتظر باقى الاراء ومازلت اؤكد الميزانية محدودة جداً

شكرا للجميع

**boody_boo** · 16-06-2012 07:27 AM

اللي عندك ديه ال 600 وات ليميتد ايديشن

ممكن تخلي حد من المنتدى أو من أصحابك في القاهرة يشتريها و يشحنهالك (الشحن بالكتير هيبقى 30 ل 40 جنيه)

**bam8572** · 16-06-2012 08:26 AM

انت واثق اوى كدا من اداء الجى بى ال 300 دى ؟؟
ومتأكد ان جى ام صغير يقومها ؟؟

انا بحب الصوت يبقى عالى بر العربية وناس قالتلى طلاما انت من النوعية دى خليك فى البايونير , احب اسمع رأى حضرتك

واحتمال اشتريهم انا بنفسى فياريت تقولى افرق ازاى بينهم وبين المضروب لو فى منهم مضروب فى السوق يعن

**bam8572** · 18-06-2012 12:40 AM

للرفع

**eldell** · 18-06-2012 02:44 AM

بالنسبه للجى ام حضرتك اقل حاجه السونى والكينوود 350 وات دول تحفه ويقومولك السمعات حلو ودول فى رنج 350 جنيه ياكبيييير وبالنسبه للسمعات الجى بى ال كويسه واحسن من البايونيير بكتييييير

**kmk4** · 18-06-2012 04:19 AM

انا اؤيدك ان الجي بي ال اقوى ماركة سماعات بحثت في المواقع الاجنبية ولقيت انها متصدرة احسن اداء في العديد من المواقع التي تقيم الاجهزة المشكلة فيها ان المصروب كتير انا لقيت مواقع كتير تخليك تميز بين المضروب والاصلي بس للصب الجي بي ال مالقتش حاجة تعلمك تفرق بين ال 300 وات الجي بي ال والمشكلة الواحد لو جاب بايونير ضامن انها اصلية احسن مايجيب جي بي ال اسما و سماعة صيني مضمونا فلو حد عنجه جي بي ال ويعرف يفرق بين الاصلي ةوالمضروب يا ريت يقول عشان الموضوع ده محيرني

في اسكندرية انا لقيت الجي بي ال 300 وات ب 310 جنيه عند كلاريون اللي في شارع مصطفى كامل في سموحة حد يعرف حد تاني يكون مضمون في اسكندرية بيبيع جي بي ال ؟