حد ركب ستاره للزجاج الخلفى للصنى تحديدا ؟

**mado83** · 15-06-2012 03:39 PM

المشاركة الأصلية كتبت بواسطة mody_halawa

انا مركب الستائر دى فى العربية كلها 4 ابواب والزجاج الخلفى
التكلفة ( حوالى 140 جنية )
الروئية بالنهار كويسة لاكن بليل مش هتشوف غير من المرايات الجانبية
من عمرو ديزاين بالاسكندرية ( الازاريطة )

140ج اوووووووووف
ده على كده صاحبى عامل واجب خرافى بقه مع اعضاء نايل موتورز لانه عاملهالهم ب100ج بس

**mody_halawa** · 15-06-2012 03:49 PM

لو عامل العربية كلها 4 ستاير ابواب طبقتين + ستارة زجاج خلفى طبقتين : يبقى اكيد عامل واجب جامد

**mem** · 15-06-2012 04:01 PM

المشاركة الأصلية كتبت بواسطة land_cruiser

السلام عليكم،
زى عنوان الموضوع كده ما بيقول ، عايز اعرف لو حد ركب ستاره خلفيه كويسه للصنى علشان تمنع الشمس و فى نفس الوقت لا تحجب الرؤيه قوى يا ريت يقولنا على تجربته يعنى :-

- شكلها و نوع الخامه المستخدمه
- درجه حجب الشمس (ممتازه/ جيده/ضعيفه)
- درجه حجب الرؤيه للخلف ( ينفع استخدم مرايه الصالون معاها و لا مش هينفع سواقه غير المرايات الجانبيه فقط)
- مقاسها الاستاندرد على قد الصنى ( هل هى على قد الزجاج بالضبط فيبقى شكلها حلو ولا هتحتاج تعديل و يبقى شكلها سىء)
- السعر و مكان الشراء

الهدف الاساسى هو الوقايه من الشمس بالنهار و من شر الزينون اللى من غير عدسه بالليل وده بعد ما استبعدت فكره الزجاج العازل لحراره الشمس و ايضا الفاميه

و فى انتظار تجاربكم و نصائحكم الغاليه

انا مركب ستاره كبس الطقم اللى هو الزجاج الخلفى والابواب الخلفية والشماسة الصغيرة وشكلها جميل صراحة
حجب الشمس ممتاز بمعنى الكلمة
بالنسبة للرؤية نهارا ممكن تشوف منها عادى اما بليل لا مش ها تشوف منها لان انا جايب اللى الفتحات بتعتها ديقة اوى لكن فى نوع تانى بتبقى الفتحات اوسع ببتبقى سداسى زى خلية النحل
ومقاسها بالضبط انت وانت بتشترى بتقولوا انا عايزها لعربية كذا موديل كذا على شان تكون بالظبط
سعرها انا جايبها من سنة ب 50 جنية من التوفيقية

**mado83** · 15-06-2012 04:03 PM

المشاركة الأصلية كتبت بواسطة mody_halawa

لو عامل العربية كلها 4 ستاير ابواب طبقتين + ستارة زجاج خلفى طبقتين : يبقى اكيد عامل واجب جامد

ايون
وناس كتيره هنا اخدتها والحمد لله شكرت فيها

**Land_Cruiser** · 15-06-2012 06:23 PM

معلش هو ايه الميزه بتاعه الكبس عن العاديه. انا شايف ان معظم الناس جابتها من التوفيقيه يا ترى فى حد جابها من مدينه نصر او مصر الجديده؟

**engwael** · 15-06-2012 06:27 PM

اذا كان هذه اهدافك فافضل الستائر الكابس وديهه ب 55 في التوفقيه للزجاج الخلفي والابوااب الخلفية

**Land_Cruiser** · 15-06-2012 06:43 PM

المشاركة الأصلية كتبت بواسطة engwael

اذا كان هذه اهدافك فافضل الستائر الكابس وديهه ب 55 في التوفقيه للزجاج الخلفي والابوااب الخلفية

طيب يا ترى هو تركيبها سهل و بتتثبت ازاى بالنسبه للستاره اللى ورا؟

**tamerzeid** · 15-06-2012 06:54 PM

الى التوفيقية

**night_whisper** · 15-06-2012 09:15 PM

بعد أذنكم أية وضع هذة الستائر بالنسبة للجان المرورية؟

**mody_halawa** · 15-06-2012 09:26 PM

المشاركة الأصلية كتبت بواسطة night_whisper

بعد أذنكم أية وضع هذة الستائر بالنسبة للجان المرورية؟

بص يا باشا هو الرسمى طبعا انها مخالفة زى الفامية بس طبعا الشرطة مش بتدقق عليها دلوقتى زى الاول

انا من اسبوع بالظبط كان فى كذا كمين على طريق مصر اسكنرية الزراعى وكنت مسافر القاهرة ومفيش ولا لجنة وقفتنى مع العلم انى كنت مركب 5 ستائر

ميزة الستائر دى انها فى ثوانى ممكن تخلعها لو انت لقيت لجنة