المشاركة الأصلية كتبت بواسطة Mr_7oda
بالنسبة ل axon انا خدت فيه قبل كده من حوالى 4 سنين فى فرع فى وسط البلد او رمسيس مش فاكر والله بالظبط
المهم هو معجبنيش وكانت الانستراكتور ضعيفة بصراحو ومكملتش 3 مرات ومروحتش تانى
عموما انا عاوز اقول حاجة .... انا يا جماعة شايف ان الكورسات بالنظام الاكاديمى مش مجدية او مش بتعلم صح .... انا لما كنت باخد فرنساوى فى معهد بتاع السفارة ... كان اول ليفل نو انجليش ونو ارابيك .... وكان بيعيشك كانك فى فرنسا بالظبط علشان تتعلم اللغة بنفسك .... وهو ده النظام اللى انا شايفه بيعلم صح
عموما انا بدات اخد كورس من 3 اسابيع بالظبط فى مكان اسمه Not Courses ... ببساطة ده مكان مش بيدى كورسات بالمعنى المتعارف عليه .... زى ما قولت هو بيعيشك جو اللغة كانك فى بلدها لان كل الانستراكتورز من اول ليفل 6 اجانب ( هما 18 ليفل) ... وفيه قواعد صارمة انك من اول ما تخش الباب نو ارابيك والموضوع كله بيبقى عبارة عن كونفيرساشن بين الجروب الواحد ومفيش منهج وكتب وكده ... الموضوع كله بيبقى انك تتعلم اللغة من الممارسة