:waaaht::waaaht: قول و نعمه:N_no[1]:
عرض للطباعة
هو بس معليش يافندم ... حضرتك بتتكلم عن عدم الثبات ولا بتتكلم عن صوت حفيف كده تحس بملمس الاسفلت وانتا ماشي .
أذا المشكلة دي فانا كنت بعاني منها لكن أكتشفت أنهم ملين هوى في الكوتش على 35 ... فقللتوا وخليتو 29 ولقيت العربية نعمة معايا شوية ... والصوت شبه أختفى ... جرب كده وقولي أيه النتيجة .
@@@@@@ وتحياتي ًًًًًًًًًًًًًًًًًًًًًً
يعنى إيه تربيط عفشة ؟
شكرا عالردود يا شباب ولضيق الوقت هرد فيبوست واحد علشان عندي امتحانات أعذروني المشكلة بالتحديد في التنطيط في مطبات الهوا وأنا آسف جدا بس العفشة مش ناشفة خالص (أنا كنت مركب كوني قبل كده فيعربية لانسر ) السوست طرية جدا وببساطة أقعد على ظَهر عربيتك وعلى ظَهر عربية بعفشه سبور وإنت تفهم قصدي كويس
العربية مابتعومش مني على السرعة دي بس برده البور الكهربة مع التنطيط ورا مابيطمنش الواحد إنه يناور بيها بعد el-110 نهائي يعني من el-110 لحد el-140 وده اخري معاها في خطوط مستقيمة صرف
العربية فيها الجنط السبور الأصلي بتاعها وكاوتش kumho مقاس 175 70 r14 ومقياس السرعة بتاعو T وموضوع الصوت ده أنا أصلا مبحسش بيه لأني عادةً قافل الإزاز ومشغل الكاسيت هجرب موضوع النيتروجين ده يوم الاتنين وأرد عليكم أنا مايل لحل السوست أو coilover محترم لما ربنا يكرم بكاشات بقى XD ياريت لو حد ليه خبرة في الكلام ده يقولي
آه في مشكلة تانية برده كنت ماشي الانهارده راجع من أكتوبر ونازل من صفط اللبن عالجامعة وطبعا أنتم عارفين الحتة دي ضيقه وكلها منحنيات أنا كنت ماشي على 60 وحاسس إن العربية بتقوم الملف كده وكأني سريع زيادة عن اللزوم هو لعجل مابيصرخش ولا حاجة بس بأبقى حاسس إحساس عجيب في الدركسيون لسة مش عارف اوصفه بالضبط حد فاهم حاجة ؟ xd
ياباشا العربية ممتازة جوة المدينة بس العربيات السيدان الصغير اساسا معظمها عربيات مدينة مش عربيات سفر و احنا اللى مصرين نسافر بيها كدة و خلاص و نفضل نغير فيها مش عارف اية و مش عارف اية ,,,,,النتيجة اننا لابنحصل النعومة و اقتصادية البنزين و لا بنحصل الثبات رغم ان السعر دا يجيب بيرسونا و دى عربية ممتازة ع الطريق السريع :10D5C8w1107:
معلش أنا برد عالاعضاء من لموبيل فـسامحوني إني مش عارف أقرأ الأسامي بوضوح والردود منطوره باشا العربية بتنزل نافخين الكاوتش على آخره أنا كانوا نافخينو عندي على 42 psi ونزلته على 32 زي الكتالوج مابيقول لأني لما نزلته el-30 في الشتاء حسيت إن لعربية مش مظبوطة تحت رجلي وياجماعة يا ريت نلتزم بالكلام لفي الكتالوج لإنه all weather وسيبكم من كلام الصنايعية
الار بى بجنط 16 وانسى كل ده ومشكلتها بس هتحتاج تبص على تربيط العفشة كل شهر ولا اتنين حسب استهلاكك ولو ركبت سوست اسبور وانسى ده كمان
ده عن تجربة يا باشا ؟ لو كده يبقى توكلنا على الله :) :) وشكرا مقدما :)