الميجان مفيهاش اعطال خالص !!!!
توكلى على الله لو السعر دة فعلا و العربية عاملة 17 الف كم و الحالة بعد الكشف عند التوكيل ممتازة يبقى توكلى على الله
عرض للطباعة
الميجان مفيهاش اعطال خالص !!!!
توكلى على الله لو السعر دة فعلا و العربية عاملة 17 الف كم و الحالة بعد الكشف عند التوكيل ممتازة يبقى توكلى على الله
ممكن تشوفي الكاوتشات حالتهم ايه...ممسوحين جامد و متبهدلين و لا تاريخهم حديث 2006 و 2007 مثلا...
و برده حالة الصالون و الجلد و التابلوه و الذي منه متهانة أو فيها أثار استخدام جامد ولا لأ..
عشان 17000 تعتبر العربية لسه مامشيتش فالحاجات دي بتبقي لسه بحالتها...و ممكن جدا يكون العداد ملعوب فيه....عشان كده بقول يستحسن تكشفي علي الحاجات ديه و خصوصا الكاوتش
العربية لو موديل 2005 يبقي سعرها مش غريب ولا حاجة هي موديل 2005 سعر اعادة بيعها واقع و وحش جدااااااااااااااااااااااا ا و 17 الف كيلو اتأكده من الحاجات اللي قال عليها نادر لو مبهدلة بالذات الكاوتش لو متغير او مبهدل يبقي اكتر من 17 الف كيلو و لو العربية عاملة صيانة دورية في التوكيل هتبقي مضمونة لان ملفها موجود انما لو برا التوكيل اكشفي كويس جدا عشان محدش يضحك عليكي و ربنا يوفقك
عموما الكاوتش ممكن يختلف من دفعه لدفعه من رينو نفسها زي اي شركه وده راجع هي متعاقده مع مين الفتره دي بس عموماً انا في تجاربي للأمانه كان كل الكاوتش تركي الصناعه .
كليو 2002 جوديير تركي
ميجان 2006 جوديير تركي
ميجان 2007 بريدجستون تركي
لكن فعلاً شفت عربيات اوقات في المعرض نفسه بيكون الكاوتش بتاعها ميشلان او نوع آخر تصديقاً لكلام حضرتك.
مش عارف حقي اعلق على تعليق حضرتك أخي عمرو ولا لأ بس حبيت بجد أشكرك على روحك الطيبه وأحييك على تفاعلك الطيب بهذا التنبيه اللي ان دل على شيء فا يدل على ان حضرتك راجل محترم ومراعي لربنا ان بمجرد انك شفت الاعلان وشعرت بريبه في الموضوع قمت بالتنبيه عنه هنا على طول زي ما تكون انت اللي بتشتري العربيه لنفسك ..............بجد والله العظيم لا اقصد المداهنه ولا الكلام المعسول.
جزاك الله كل خير وجعله في ميزان حسناتك اخي الفاضل واكثر من امثالك.
dah men zoo2ak ya ramy, shaker 3ala el kalam el tayeb...
tab3an e7na hena e7`wat wel hadaf fel nehaia el masla7a el 3ama.
مرسى جدا يا جماعه على اهتمامكم ، فعلا العربيه كانت نزله فى الوسيط و انا روحت شوفتها بس فعلا العربيه حالتها وحشه اوى مش حالة عربيه عامله 17 الف كيلو بس و انا فعلا استفدت من نصايحكم جامد . و عاوزه اقول حاجه اخيره ان اول مره فعلا اشوف على النت منتدى مصرى مفيد بالشكل ده و ده طبعا يرجع ليكم .
الحمد لله على كل شيء وخيرها في غيرها ان شاء الله مافيش نصيب لسه معلش ان شاء الله تلاقي حاجه احسن وربنا يكرم ان شاء الله وربنا يديم الموده اللي موجوده هنا بين كل الاخوه ان شاء الله .