يا جماعه ايه رايكم فى الرنو الميجان الهاتش باك و هل اعطلها زى الميجان السيدان ؟ علشان انا عاوزه اشتريها
عرض للطباعة
يا جماعه ايه رايكم فى الرنو الميجان الهاتش باك و هل اعطلها زى الميجان السيدان ؟ علشان انا عاوزه اشتريها
عربية ممتازة وحلوة جدا بناتي وموضوع الاعطال سيدان او غيره حضرتك شوفي في المنتدى هنا هتلاقينا كلنا اللي معانا الميجان اعطالنا عادية ومعظم الاعطال كانت في موديل 2005 واتعدلت في 2006 واتحلت نهائي في 2007 وما فوق فتوكلي على الله وما تقلقيش
السلام عليكم.
رأيي الهاتش باك ممتازه شبابيه واذا ترضي متطلبات حضرتك مش محتاجه سيدان توكلي على الله .
بالنسبه لجزئية الاعطال فالسيدان والهاتش باك واحد الفرق بس ان تقفيل السيدان في تركيا والهاتش باك في فرنسا لكن المكونات جميعها فرنسي حتى فلتر التكيف للكابينه مقبض الباب حاجات صغيره جداً ومع ذلك فرنسي مش تركي التركي تجميع وتقفيل فقط مع اضافة كاوتش واعتقد فرش للصالون.
توكلي على الله وزي ما اخونا الكريم استاذ مصطفى قال اقري شويه عن اعطال الميجان من الاعضاء والمواضيع دي واي استفسار ان شاء الله كلنا حاضرين وربنا يكرم حضرتك وييسر الأمور ان شاء الله.
انا معايا الهاتش باك من 2006 والحمد لله مفيهاش اي مشاكل وهي الافضل علي الاطلاق في فئة الهاتش باك ولاتتفوق عليها الا الاودي ال A3
واحنا كلنا هنا في المنتدي اسرة واحدة ولو احتجتي اي حاجة كلنا معاكي.
_____________________
برجاء تحرى الدقة في كتابة لفظ الجلالة
و شكرا
الإشراف...
مرسى اوى يا جماعه على اهتمامكم ، الفكره انه معروض عليا واحده 2005 استعمال نضيف عامله 17 الف كم و معروضه على 73000 الف اتوماتيك . طبعا السعر غريب اوى ؟ و فعلا لو حالتها كويسه اشتريها رغم انها 2005
اعتقد ان الافضل لو عجباكي العربية وشايفه ان حالتها كويسة روحي اكشفي عليها في التوكيل كشف كامل وده للاطمئنان
هو السعر غريب والكيلو اغرب ممكن 170 الف مش 17 ولا هو فعلاً 17 ..........الحاجه التانيه طبعاً طالما مستعمل الخطوه الأولى لو حضرتك استقريتي عليها زياره للتوكيل لعمل الكشف الكامل على العربيه ويطلع تقرير بالحاله بتاعة العربيه ويفضل سؤال مالك العربيه عملت صيانات دوريه في التوكيل ولا لأ والتوكيل ان شاء الله هايطلع هيستوري كامل عن العربيه لو اتعمل عندهم الصيانات + هايطلع تقرير مفصل عن العربيه وعن حالتها وان شاء الله خير.
هو السعر غريب جدا ، ياريت تخلي حد يفهم في الرينو كويس يشوفها وانا تحت امرك لاني الحمد لله فاهم كل صغيرة وكبيرة في الهاتش باك والحاجات اللي لازم تتاخد في الاعتبار قبل الشراء
السعر كويس فعلاً بس متنسيش تكشفى عليها فى التوكيل أحتياطى
عشان تروحى التوكيل لازم تحجزى معاد من ال Call Center على 16202
ربنا يوفقك