الموضوع: ميجان هاتش باك

السلام عليكم.
رأيي الهاتش باك ممتازه شبابيه واذا ترضي متطلبات حضرتك مش محتاجه سيدان توكلي على الله .

بالنسبه لجزئية الاعطال فالسيدان والهاتش باك واحد الفرق بس ان تقفيل السيدان في تركيا والهاتش باك في فرنسا لكن المكونات جميعها فرنسي حتى فلتر التكيف للكابينه مقبض الباب حاجات صغيره جداً ومع ذلك فرنسي مش تركي التركي تجميع وتقفيل فقط مع اضافة كاوتش واعتقد فرش للصالون.

توكلي على الله وزي ما اخونا الكريم استاذ مصطفى قال اقري شويه عن اعطال الميجان من الاعضاء والمواضيع دي واي استفسار ان شاء الله كلنا حاضرين وربنا يكرم حضرتك وييسر الأمور ان شاء الله.

هو السعر غريب والكيلو اغرب ممكن 170 الف مش 17 ولا هو فعلاً 17 ..........الحاجه التانيه طبعاً طالما مستعمل الخطوه الأولى لو حضرتك استقريتي عليها زياره للتوكيل لعمل الكشف الكامل على العربيه ويطلع تقرير بالحاله بتاعة العربيه ويفضل سؤال مالك العربيه عملت صيانات دوريه في التوكيل ولا لأ والتوكيل ان شاء الله هايطلع هيستوري كامل عن العربيه لو اتعمل عندهم الصيانات + هايطلع تقرير مفصل عن العربيه وعن حالتها وان شاء الله خير.

المشاركة الأصلية كتبت بواسطة Amr_Moh

el 3arbia deh nazla enahrda fel waseet we a3taked en deh mesh awel mara ashof e3lanha

ana mesh motafa2el

مش عارف حقي اعلق على تعليق حضرتك أخي عمرو ولا لأ بس حبيت بجد أشكرك على روحك الطيبه وأحييك على تفاعلك الطيب بهذا التنبيه اللي ان دل على شيء فا يدل على ان حضرتك راجل محترم ومراعي لربنا ان بمجرد انك شفت الاعلان وشعرت بريبه في الموضوع قمت بالتنبيه عنه هنا على طول زي ما تكون انت اللي بتشتري العربيه لنفسك ..............بجد والله العظيم لا اقصد المداهنه ولا الكلام المعسول.
جزاك الله كل خير وجعله في ميزان حسناتك اخي الفاضل واكثر من امثالك.

المشاركة الأصلية كتبت بواسطة Ramy_Tantawi

السلام عليكم.

بالنسبه لجزئية الاعطال فالسيدان والهاتش باك واحد الفرق بس ان تقفيل السيدان في تركيا والهاتش باك في فرنسا لكن المكونات جميعها فرنسي حتى فلتر التكيف للكابينه مقبض الباب حاجات صغيره جداً ومع ذلك فرنسي مش تركي التركي تجميع وتقفيل فقط مع اضافة كاوتش واعتقد فرش للصالون.

السلام عليكم
كلام مضبوط ماعدا الكاوتش لان الكاوتش عندى ميشلان صنع فى أسبانيا.

المشاركة الأصلية كتبت بواسطة Megane

السلام عليكم
كلام مضبوط ماعدا الكاوتش لان الكاوتش عندى ميشلان صنع فى أسبانيا.

عموما الكاوتش ممكن يختلف من دفعه لدفعه من رينو نفسها زي اي شركه وده راجع هي متعاقده مع مين الفتره دي بس عموماً انا في تجاربي للأمانه كان كل الكاوتش تركي الصناعه .
كليو 2002 جوديير تركي
ميجان 2006 جوديير تركي
ميجان 2007 بريدجستون تركي

لكن فعلاً شفت عربيات اوقات في المعرض نفسه بيكون الكاوتش بتاعها ميشلان او نوع آخر تصديقاً لكلام حضرتك.

انا معايا الهاتش باك من 2006 والحمد لله مفيهاش اي مشاكل وهي الافضل علي الاطلاق في فئة الهاتش باك ولاتتفوق عليها الا الاودي ال A3

واحنا كلنا هنا في المنتدي اسرة واحدة ولو احتجتي اي حاجة كلنا معاكي.


_____________________
برجاء تحرى الدقة في كتابة لفظ الجلالة
و شكرا

الإشراف...