الموضوع: اسـتفسـار عـن الكـربـيـراتـيـر

معرفش بصراحه الحوار البوابه
انا اعرف ان العربيه في السرعات الحاليه في باب تاني بيفتح
وبعدين الدخانه السوده بعد ظبط الكربرتير منعت
اسأل عليها استيراد وبس محدش هيبوظ كربرتير عشان يديك جزئ منه
الحل تشوف ميكانيكي عنده كربرتير بايظ وفيه الجزئ دا سليم

كلام الراجل سليم بالنسبه لعلاقه بوابه التانيه مع السرعات العاليه
لكم بالنسبه للمكنه بتاعت البوابه تانيه دي ماقدرش افتيك من غير ماشوف صور لان فيه نوعين او 2 ميكانيزم لفتح بوابه السرعات العاليه (ميكانيكيه بسلك او ذراع توصيل او متعايره على اكس البوابه الرئيسيه
الطريقه التانيه انها تشتغل بطريقه نيوماتك او فراغيه فاكيوم عن طريق ضغط هواء والفراغ جوا المسارات الداخليه اللي معموله في الكربراتير )
لو فيه تجار قطع غيار نظيفه عندا زي بتوع برا كنت قلتلك هات طقم عمره او اصلاح كامل من اي تاجر لكن للاسف معرفش حد يكون عنده للاكسل بالذات شوف اسال كدا عن التجار المتخصصين في الاكسل وبالذات اللي بيبعو القطع الاصليه اسالهم على طقم كامل فيه المكنه دي

اذا كنت من القاهره ممكن ادلك على واحد بيبيع رفايع الكربراتير بشكل عام اسمه الطويل في وسط البلد متفرع من شارع شامبليون او من ش طلعت حرب الشارع اللي ورا المول جنب سينما اوديون اسأل هناك لو المكنهه دي عنده لو مالقتش ممكن هو يدلك

على فكره وصفك كدا انها بتبقى مربوطه دا مش دقيق لامها ممكن تبقى الرداخ او مكنه فاكيوم او سولنويد كهربا عشان كدا محتاج صوره

المشاركة الأصلية كتبت بواسطة koshary

هى فعلا المكنة بتشتغل بضغط الهواء وطالع منها خرطوم بياخد هوا من الكربيراتير وهى شكلها مدور كدا وحجمها وسط للاسف مش لاقيلها صورة ممكن عنوان الراجل ده ورقم تليفونو معلش هتعبك معايا

ماعييش تلفون ليه للاسف
عنوانه بالوصف انت جاي من وسط البلد شارع طلعت حرب ( سليمان الحلبي قديما ) وانت رايح في اتجاه التحرير الشارع اللي بعد مول طلعت حرب امشي فيه شويه كدا الناصيه اللي قبل سينما اوديون مباشره هو تاني محل على اليمين هتلاقيه محل صغير على الناصيه اسمه الطويل
على فكره برده وصفك غير دقيق بص الرداخ بيبقى شكله غالبا مربع او مستطيل ودا اللي بيضخ البنزن في الكربراتير ( شبيه في شكله للعلبه وفي عمله للطرمبه)
انا اخمن اللي عندك حاجه( مدوره قرص) فيها شبه من الكبسوله ومتبرشمه كبس دا حساس او سولونيد فاكيوم بس الخرطوم اللي راكب فيه دا ممكن يكون راكب غلط
لو الصح انه ياخد من الكربراتير يبقى دا بتاع البوابه التانيه او بتاع الشوك او السخان او الشفاط لو انت الشفاط عند مش على واير
لو واخد من الاسبراتير يبقى بتاع زبط الاستهلاك مع السرعات
حاول تجيب او تعمل بحث صور على الجوجل لنوع الكربراتير اللي عندك وتتاكد من وظيفة المكنه دي انها للبوابه التانيه ولا لا ؟ كمان تعرف توصيلات الخراطيم صح ولا لا ؟ كمان تعرف مقاسات الابر والبكات بتاعت البنزين والهوا هايبقى مفيد جدا ليك ( عشان انت بتقول انه غيرهم ) هتلاقي كتالوجات مخصوصه للكربراتير ( فيها نوع واشكال قطع الغيار ووظايفهم وطريقة الظبط والمعايره ونسب العادم )
في الاخر في عندك الموضوع بتاع مركز الصفا للكربراتيرات اقراه ممكن تروح لهم عشان يزبطلك نسب العادم على الجهاز هايفرق معاك في استهلاك البنزين جامد
بالمناسبه موضوع الدبرياج اللي انت عامله حلو جدا والاسطى نبيل نظيف جدا خصوصا انه عملك حوار خراطه ترس الفولام دا عشان في صنايعيه بتكسل جدا تعمل الموضوع دا