شرح مشكلة جير (فتيس) الفانتازيا (التيبترونيك)

**AhMeD MeTwAlY** · 23-06-2012 01:46 PM

المشاركة الأصلية كتبت بواسطة yoko

أي فتيس لازم يتغيرله الزيت كل 60 الف
سواء بقى مانيول أوتو سيمي أوتو عفريت أزرق
مفيش حاجة في الدنيا إسمها زيت مدى الحياة ولما بيقولوا هما كده في بعض العربيات عشان مفيش عربيه بتقعد كتير معاهم العربيه الي فات عليه 5 سنين تبقى قديمة 10 سنين بتتكهن
ويمكن خطر عدم تغير الفتيس المانيوال أقل بكتير من الفتيس الأوتو لإن الزيت في الأوتو بيعمل هيدرولك مش تزيت بس على عكس الفتيس المانيوال تزييت بس
وزيت الباور لازم يتغير برده كل 60 الف

شكرا يا باشا علي المعلومات الاضافيه
ونتمني المزيد من التقدم
والله الموفق

**alu** · 25-06-2012 02:58 AM

معلومات جيدة جدا تسلم الايادى

**la_luz** · 27-07-2012 03:32 PM

سلام عليكم ورحمة الله وبركاته

ممكن سؤال؟ إن شاء الله ناويين نشتري فانتازيا هايلاين 2013 بإذن الله .. وكنت عايزة أسأل هل المشكلة دي برده موجودة في الفتيس بتاعها؟

شكرًا جزيلا .. وكل عام وأنتم بخيـر

**AhMeD MeTwAlY** · 27-07-2012 03:52 PM

المشاركة الأصلية كتبت بواسطة la_luz

سلام عليكم ورحمة الله وبركاته

ممكن سؤال؟ إن شاء الله ناويين نشتري فانتازيا هايلاين 2013 بإذن الله .. وكنت عايزة أسأل هل المشكلة دي برده موجودة في الفتيس بتاعها؟

شكرًا جزيلا .. وكل عام وأنتم بخيـر

وعليكم السلام ورحمة الله وبركاته
حضرتك مدام الفتيس ستيبترونيك لازم تغير زيت كل 60 الف كيلو
وبعدين دي مش مشكله لان حضرتك بتاخد في المقابل راحه وتقدر تستمع بالقيادة الي تريحك اذا كان مانيوال او اوتوماتيك

**la_luz** · 28-07-2012 04:28 AM

المشاركة الأصلية كتبت بواسطة AhMeD MeTwAlY

وعليكم السلام ورحمة الله وبركاته
حضرتك مدام الفتيس ستيبترونيك لازم تغير زيت كل 60 الف كيلو
وبعدين دي مش مشكله لان حضرتك بتاخد في المقابل راحه وتقدر تستمع بالقيادة الي تريحك اذا كان مانيوال او اوتوماتيك

تمام .. ألف شكر يافندم
ولو ممكن حضرتك كمان تقدر تفيدني عندي كام سؤال كنت حاطتهم في الموضوع ده http://www.nilemotors.net/Nile/301366-2013.html
.. وشكرا جزيلا لحضرتك

**benmatar** · 28-07-2012 12:44 PM

حصلتلي في a5 2005واشتريت بودي فالف 10000ج.م وركبته عند محمد أصلان، الزيت كان متغير بس بعد 60000كم، وحصلتلي في البيجو 406 واشتريت بلفين ب 3000ج.م........ هتقولي هو انت غاوي تفور فتيسات؟؟؟؟؟
أقولك لأ بس الواحد مايتعلمش ببلاش، والزيت يكون الأصلي مش أبو 40ج.م ومعظم الأوروبي كده حتى الميجان.
اللي بيحصل كمان إن الفيتيس بيكون فيه مغناطيس قوي في الحلة عشان يلم الرايش ده، بس كإجراء وقائي بعد ما السعت مرتين لازم الزيت يتغير كل 55000كم كحد أقصى.

**MohamedGobran** · 28-07-2012 01:00 PM

أنا رحت التوكيل (مركز كارتك العبور) من اسبوعين علشان اعمل الصيانه 50,000 لفانتازيا 2010 و قولتلهم غيروا زيت الفتيس الراجل قالى بدرى و مش بدرى قولتله غيره احتياطى و علشان نكون فى الأمان و الحمد لله غيرت الزيت عند ال 50,000 بدل ال 60 و تكلفه التغير غاليه شويه بس ارحم من حد يشيل تمن فتيس ...... والاسعار كالاتى تمن الزيت نفسو 5 كيلو تقريبا ب 780 جنيه و فلتر زيت الفتيس ب 340 جنيه و المصنعيه مش فاكر كام بالظبط

**فريد** · 10-04-2014 06:48 AM

السلام عليكم
الله يكرمك على الموضوع ده

بس عند مشكلة مع فانتازيا 2010 انها
بتشب لما تطلع والسرعة مبتعلاش الا لما بتسقط غيار
لازم المكنة صوطها بيعلا معايا

**omaranes77** · 10-04-2014 05:44 PM

مشكور ياباشا علي الموضوع

**TarekGaafar000** · 22-10-2016 10:25 PM

المشاركة الأصلية كتبت بواسطة ahmed metwaly

والله يا باشا المفروض الكلام دا يتقال للاستاذ خالد ايمن هو صاحب الموضوع الاصلي وانا عملته اقتباس تاني عشا التثبيت

بص يا باشا عشان تبعد دماغك عن الوش دا تروح تشتري a4 مفيهاش مشاكل في الفتيس نهائي
وبعدين حضرتك ممكن تشتري a5 وتجربها زي ما موضحين في المشاركه

السلام عليكم
تصحيح
لفظ الجلالة يكتب هكذا عند الحلف (( و الله )) و ليس كما كتب فى البوست
و لأنه لفظ الجلالة فرأيت ضرورة التصحيح ، و لا أزكى شئ على الله سبحانه و تعالى

ملحوظة :
لقد قمت بتصحيح الخطأ عند اقتباس البوست