الموضوع: مشكلة غريبة جداااااااا فى الراوتر

جبت استبلايزر 1500 وات كان شغال معايا زى الفل وحللى مشاكل الكهرباء
للأسف بعد سنة حصل منه مشاكل وتسبب فى حرق الباور سبلاى
وحرق أدابتور السويتش وحرق ادابتور الراوتر
اكتشفت بعد فترة ان السبب من الإستبلايزر لاقيته بيطلع 250 فولت وبيزيد الى 260 فولت

وللأسف مش لاقى حد بيعرف يصلح الإستبلايزر
.................................................. ......
نيجى لأنواع الأدابتور للسويتشات والراوترات

طبعا كل أنوع الأجهزة عندنا بيدخلها Input تيار متردد AC
إكتشفت إن خرج الأدابتور الـ output فيه منه نوعين
نوع بيشتغل بتيار متردد AC
ونوع بيشتغل بتيار مستمر DC
بالنسبة للسويتش عندى نوعه ريبوتك بيخرج منه تيار مستمر DC
9 V
500 mA
الأدابتور الأصلى إتحرق
ولاحظت إن السويتش مع اى أدابتور DC مبيحصلش منه مشاكل مع الكهرباء
جبت أدابتور 9 فولت 300 ملى أمبير شغال زى الفل حتى فى أوقات ذروة
الكهرباء (متهيألى إن سبب ثباته لإنه بيشتغل بتيار مستمر DC)
مفيش أى مشاكل مع السويتش رغم انه شغال بأمبير أقل

.................................................. ......
بالنسبة للراوتر هوه المشكلة الكبيرة

الراوتر عندى ريبوتك بيخرج منه تيار متردد AC
9 V
1000 mA
كنت بعانى معاناه شديده فى أوقات ضعف الكهرباء
كل شوية الراوتر بيعمل ريستارت
أعتقد والله أعلم ان سبب عدم استقرار الراوتر لإن الأدابتوربيخرج تيار متردد AC
ومتهيألى ان التيار المتردد بيتأثر بضعف الكهرباء
جبت أدابتور أصلى (مكتوب عليه بالألمانى)
AC
12 V (لاحظ انه أعلى 3 فولت عن الأدابتور الأصلى الخاص بالراوتر)
1000 ma
من واحد صديقى شغال فى الأجهزة المستعملة
بصراحة الراوتر بقى ممتاز
ومفيش أى مشاكل من الكهرباء
حتى فى اليوم شديد الحرارة
كانت الكهربا ضعيفه جداً
ورغم ذلك لاحظت ان الراوتر شغال بمنتهى الثبات مع الأدابتور

.................................................. ......
المعلومات اللى كتبتها فى الموضوع مجرد إستنتاجات وملاحظات
لاحظتها بنفسى واستنبطها من مشاركات ومواضيع الأخوة فى المنتديات
ياريت رأى الناس اللى فاهمة فى الكهربية فى الكلام ده صح ولا غلط ؟
علشان كل الناس تستفاد
أنا شوفت أكتر من سويتش إكتشتفت ان خرج الأدابتور DC
وكل الراوترارت اللى شوفتها خرج الأدابتور AC
مش عارف ليه السبب ... هيه قاعده ؟
وياريت يردوا على السؤال
الأفضل أجيب أدابتور اعلى شوية بالفولت زى ما عملت ؟؟
ولا اجيب أدابتور أعلى فى الأمبير ؟؟

أنا شوفت موضوع لأخ معانا فى المنتدى جاب أدابتور
بيطلع ضعف الأمبير 2000 ملى امبير
أعتقد إن كده الموضوع فيه خطورة عالية على الراوتر
ولو على المدى البعيد صح ولا ايه؟؟

.................................................. ......
◄◄ بالتوفيق للجميع►►