لفيت على أوسرام نايت بريكر إسكندرية ملاقتش خالص, لقيت مضروب عند حد في الأزاريطة ب ٥٠ جنيه الطقم!! هل فيه حد شاريها قريب فى إسكندرية يقوللى منين؟ مفيش عند قباري ولا الزراني.

حتى مش لاقي فيليبس رالى, بس كنت عاوز نايت بريكر عشان العربية زيرو ومش عايز أركب كت أوت ولا ألعب في حاجة.

رحلة البحث أسفرت عن الآتي:
يوجد طقم فيليبس "دياموند فيجن" عامل ١٥٠ جنيه, وطقم أوسرام "سلفر ستار" عامل ١٦٥ أو ١٤٥ مش متأكد. حد جرب اي منهم يقولى أخبارهم إيه؟ المفروض الأوسرام "سيلفر ستار" دي أقل شوية من نايت بريكر بلس يعنى ٥٠٪ إضاءة أقوى بدلا من ٩٠٪ و٢٠ متر أبعد بدلا من ٣٥ متر, بس هل على الطبيعة حتفرق؟

أنا كل إللى عايزة إضاءة أقوي من لمبات العربية الإستوك, مش بدور على شكل, لون أبيض أو أصفر لاكن ثلجي لأأأأأأأ.

هل من إفادة؟؟؟؟