سقف القشقاى

**Land_Cruiser** · 19-06-2012 08:49 AM

ما اعتقدش انه سهل يتكسر زى الزجاج العادى يا فندم و بعدين خللى بالك هو مش علشان زجاج يبقى سهل الكسر لان فى زجاج مقاوم للرصاص و زجاج مقاوم للكسر ده بالاضافه الى ان مكانه فى سقف العربيه يعنى بعيد عن الزلط و الطوب المتطاير و علشان حاجه تيجى فيه اصلا و تكون باندفاع لازم تبقى واقعه عليه عمودى و ده مش هي توفر من عربيه نقل معديه أمامك انها تقدر تقع منها زلطه توصل لحد السقف اصلا و ما بت حصلش حتى فى العربيات العاديه ان زلطه تيجى فى السقف عمودى من عربيه نقل و لذلك الموضوع ده مستبعد و بالمنطق كده ما ينفعش نيسان تبقى عامله فيه وسائل امان قد كده و سايبه السقف يتكسر بسهوله و لا يخليها مثلا عرضه للسرقه المفروض انه فى قوه الصاج يعنى بس الميزه انه بيسمح بدخول الضوء و الرؤيه من خلاله مع الحفاظ على الامان اللى هو الهدف الاساسى و علشان كده انا مش حاسس انه حاجه تقلق خالص

**MohammedAladel** · 19-06-2012 09:16 AM

بالظبط كدا كلام حضرتك صح بس برضه نيسان مش عاملة حسابها ان مصر كلها سرقة وخاصة اليومين دول واللى عايز يكسر عشان يسرق أسهل له يكسر الزجاج اللى فى الباب مثلا احنا عندنا حرامية بتفكر برضه انا امبارح اتسرق منى الموبايل من العربية حاجة تخنق بجد نسيت الزجاج مفتوح راح اتسرق لكن بالنسبة للسقف دا الخطورة الوحيدة اللى ممكن يتأثر بيها ان صاحب السيارة يبقى راكن فى مكان فيه أشياء بتسقط من أعلى أو مبنى بيتبنى جديد عشان كدا بنصحه يركن فى أماكن مضمونة

**mohamedloza** · 19-06-2012 11:13 AM

السقف شديد ومحمل وفيه نسبة بلاستيك مقاوم كمان
مش بسهولة هيتكسر زى ما انت فاكر يعنى ولا زلطة ولا طوبة ولا الكلام ده
السعر فى التوكيل غالى للأسف 13,000 جنيه ومالوش دعوة بالزجاج الامامى
اعتقد لما العربية تنتشر شوية هتلاقى السقف موجود كمان بره التوكيل بأسعار أقل كتير إن شاء الله

**zangry** · 19-06-2012 11:49 AM

13 الف !!! ليه هو ازاز مضاد للرصاص؟

مين قال ل حضرتك الكلام ده؟

**mohamedloza** · 19-06-2012 12:01 PM

المشاركة الأصلية كتبت بواسطة zangry

13 الف !!! ليه هو ازاز مضاد للرصاص؟

مين قال ل حضرتك الكلام ده؟

انا بشترى العربية دلوقتى ومستنى اللون
سألت على كل جزء فى العربية بكام فى التوكيل
والأسعار واحدة طبعا عند السبع وأوتو ايجيبت

**zangry** · 19-06-2012 12:47 PM

كتيييير اوي ده نصب يعني

**_hema** · 19-06-2012 12:54 PM

متاااااااابع

**mohamedloza** · 20-06-2012 11:20 AM

يا جماعة ده سعر السقف فى التوكيل
اعتقد لما العربية تنتشر شوية هتلاقى السقف بره التوكيل بأسعار أقل كتير
وبعدين متنسوش ان ده يعتبر سقف عربية بـ 175 ألف جنيه
شوفوا سقف الجيتا ولا الاسبورتاج بكام