تكييف تويوتا 97

**yaserbasha2000** · 17-06-2012 04:58 PM

الي خبراء الموديل ده عندي استفسار عن التكييف الصنايعي قال لي ان الكمبروسر شغال على طول و لازم نركب ثرموثتات خارجي انا كنت مقتنع لحد ما عرفت ان فيه عربياتمصممه ان الكباس يشتغل علي طول زي اللانوس ومش صح ان يركب ليها ثرموثتات خارجي

فهل الكرولا الملكه الطبيعي بتاعها ان الكباس بيشتغل علي طول ؟

**me_medoo** · 17-06-2012 10:01 PM

أولاً : يأهلاً بيك ياياسـر باشا
هـو ياعزيزي ، انا كمان زي حلاتك كنت فاكر أن العربية عندنا مفهاش ترومستات للتكيف رغم أن في ناس أكدت موضوع وجود الترومستات للتكيف .

^^^^^^^^^^^^^^^^^

لكن هو بتاع التكيف هيركب ترومستات ليه للعربية عندك هل علشان يريح الكمبروسر ... طيب ماهو اذا مش راكبلو ترومستات يبقى هو (على أبوه ) يعني على طبيعتوا فمتخليش حد يلعبلك فيها ... أما أذا علشان التكيف لمن الكباس بيفضل شغال على طول بيسقع جامد وممكن يعي فممكن تتحكم بدرجات الحرارة ... او بسرعة المروحة ...

انا عن نفسي لغايت دلوقتي مش مصدق حكاية ان تكيف العربية فيه تيرموستات ... وبعتقد انو بيفضل شغال على طول زي الانوس .

وبرضو نستنى بقيت أراء الشباب من مهندسين القسم
وبكرر ترحيبي فيك يا غالي
ويا أهلا بيك بين أهلك وأخواتك
@@@@@@@
وتحياتي

**S O P H O S** · 17-06-2012 10:38 PM

مين قال ان التكيف بيفصل
انا عندي مش بيفصل
شكل كلامك يا ميدو باشا صح
وراي نسبها كده
وبلاش نلعب فحاجة
والله اعلم ...

**S O P H O S** · 17-06-2012 10:49 PM

انا كلامي اقصد بيه التويوتا فقط مقصدش عربيات تانية
للتوضيح فقط

**yaserbasha2000** · 18-06-2012 07:50 AM

شكرا لردودك حضراتكم

هي المشكله ان التكييف عندي متعدل يعني مش تركيب الاصلي فأنا مش عارف الاصلي بتاعه ازاي

**Mohamed.Mohsen** · 18-06-2012 12:26 PM

السلام عليكم
اهلا استاذ ياسر وبجميع رجالة الكورولا الملكة القدام اللي مش عارف ليه لاتوجد لهم مشاركات من زمان ؟؟؟
التكييف الأصلي للملكة الاوريجينال بدون تعديلات لازم يفصل ويشتغل .

**s_sherif** · 20-06-2012 06:57 AM

السلام عليكم
انا معايا تويوتا 97 والتكييف بتاعها مش متعدل - االعادى بتاعة ان الكمبريسور بيفصل لما بيحقق درجة البرودة وبيحس بية شوية فى الصوت او دواسة البنزين والسحب كمان ويرجع يشتغل تانى ويعلى البنزين معاك حتى لو مشغل الكاسيت باحس بية من الاكسراتير بس لو الكباس شغال علطول مش طبيعى وهاياثر علية بالتوفيق وياريت اكون افادتك
الاخ avatar شكرا لاهتمامك وساتواصل معك انشاء الله

**Mohamed.Mohsen** · 20-06-2012 11:05 AM

المشاركة الأصلية كتبت بواسطة s_sherif

السلام عليكم
انا معايا تويوتا 97 والتكييف بتاعها مش متعدل - االعادى بتاعة ان الكمبريسور بيفصل لما بيحقق درجة البرودة وبيحس بية شوية فى الصوت او دواسة البنزين والسحب كمان ويرجع يشتغل تانى ويعلى البنزين معاك حتى لو مشغل الكاسيت باحس بية من الاكسراتير بس لو الكباس شغال علطول مش طبيعى وهاياثر علية بالتوفيق وياريت اكون افادتك
الاخ avatar شكرا لاهتمامك وساتواصل معك إن شاء الله

العفو ..لاشكر علي واجب كلنا أخوة وزملاء منتدي محترم ونتعاون ونتبادل الخبرات ..

**mr_sameh** · 22-06-2012 02:49 AM

بيشتغل وبيفصل ده الطبيعي في الملكه

**Unendlich** · 22-06-2012 11:18 AM

أنا أول مرة في حياتي أسمع عن compressor يفضل شغال على طول دي
ده كده ضغط رهيب على الموتور و على الكباس و على مروحة التكيف
في ناس بتبقى فاكرة إن طالما السير بتاعه بيلف على طول يبقى هو شغال على طول و دي طبعا معلومة خاطئة عشان في clutch بيفصل و يشتغل (السير مينفعش يقف)
الكباس مفروض انك بتسمع تكة كده كل فترة تعرف انه كان فاصل و اشتغل و حتى هتحس أكييد بفرق في السحب عشان 1300
و بعدين هو الكلام فيه حاجة مش مظبوطة قوي عشان اللي بيتحكم في شغل الكباس هو حساس جوه الصالون (مش ثرموستات خارجي) بيخلي الكباس يفصل لما يوصل لدرجة الحرارة المطلوبة و عشان كده هتلاقي إنك لما تلعب في زراز الحرارة (اللي هو بيبقى ازرق و بعدين يقلب أحمر) و تحطه مثلا في وسط المنطقة الزرقا بدل أما يكون في آخرها هتلاقي التبريد قل شوية و الكباس بيفصل أكتر
و في برده معلومة تانية مش دقيقة قوي اتقالت, اللي بيتحكم في الحرارة هو كمية شغل الكباس, بمعني: الكباس مش بيطلع درجات حرارة مختلفة للفريون, هو يا شغال يا لأ انما مش بيشتغل بدرجات أو سرعات. و كل أما يريح (يفصل) فترات أطول, كل ما التبريد قل و اللي بيخليك تتحكم في كمية شغله/فصله هو زرار الحرارة
و طبعا كل ما تزود سرعة المروحة كل ما السربنتينة الداخلية (التلاجة, بتبقى قدام مروحة التابلوه) هتفقد برودتها أسرع و بالتالي الكباس هيشتغل فترة أطول عشان يعوض
و الموضوع ده تجربه بمنتهي البساطة في الجراج (عشان تبقى في الظل و الكباس يقدر يفصل أسرع) افتح الكبوت و خلي حد جوه العربية يلعب مثلا في سرعة المروحة و لاحظ فرق intervals الشغل و الفصل و يلعب برده في زرار الحرارة و لاحظ برده و اتفرج الدنيا ماشية إزاي هتفهم بعد شوية المنظومة