معايا جيتا الجديدة وعندي سؤال رجاء النصيحة

**dr_hitman** · 18-06-2012 02:24 AM

انا جبت جيتا ٢٠١٢ وعندي حاجتين محيرني :
١- التكييف بيدخل هواء من برة وانا قافله وحتي لما بقفل التهوية الخارجية برضو بيدخل هواء بعد لما اقفله مش عارف اعمل ايه حد ينصحني !!
٢- لو غيرت الكاسيت او ركبت البلوتوث برا التوكيل هل هيضيع الضمان ؟؟!
وياريت حد يقوللي مكان كويس اجيب منو الكاسيت التاتش بتاعها
وشكرا

**ahmedaglan** · 19-06-2012 11:24 AM

اولا الف مبروك يامعالي الباشا وربنا يباركلك فيها
ثانيا ممكن يكون في حاجه انت ظابطها غلط
لما تروح تعمل اول صيانه قلهم علي الموضوع ده وهما هيعلجوه وان شاء الله خير
اما عن موضوع الكاسيت التاتش هتلاقيه عن جو في مساكن شيراتون او شركه موتيفو في مدينه نصر

**mohamedkordy** · 19-06-2012 11:32 AM

الف مبروك ياباشا وياريت تعملينا مقارنه سريعه بينها وبين الفورد الفوكس
هيا الفورد اللى معاك موديل كام ؟
ياريت المقارنه ديه ضرورى ضرورى ضرورى

**mohamedkordy** · 19-06-2012 11:37 AM

متابع باهتمام

**Mahmoud Medhat** · 19-06-2012 03:55 PM

طبعا لو غيرت كاسيت بره الضمان هيضيع

**dr_hitman** · 21-06-2012 02:36 AM

الف شكر يا جماعة بس انا لسه مش عارف ايه الحل في التكييف ده !!
ويا استاذ احمد مفيش وجه مقارنة بين الاتنين انا معايا فوكاس ٢٠١٠ هيا حلوة جدا بس تقيلة اوي في مشيها الموتور بتاعها ضعيف جدا
التوكيل بتاعها محترم جدا بس قطع غيارها قليله بس رخيصة جدا تقدر تقول زي الفيرنا والله زي الفيرنا !!
اما الجيتا فا دي موضوع تاني خالص طبعا كل حاجة فيها اعلي زي التقفيل والموتور والثبات ،، بس توكيلها وحش وقطع غيارها متوفرة بس غالية جدا جدا !!
لو محتار بين الاتنين لا تتردد جيتا طبعا ولو عايز اي حاجة انا تحت امرك

**dr_hitman** · 21-06-2012 02:37 AM

معلش يا استاذ محمد انا غلط وكتبت استاذ احمد اعذرني

**mohamedkordy** · 21-06-2012 03:30 AM

المشاركة الأصلية كتبت بواسطة dr_hitman

الف شكر يا جماعة بس انا لسه مش عارف ايه الحل في التكييف ده !!
ويا استاذ احمد مفيش وجه مقارنة بين الاتنين انا معايا فوكاس ٢٠١٠ هيا حلوة جدا بس تقيلة اوي في مشيها الموتور بتاعها ضعيف جدا
التوكيل بتاعها محترم جدا بس قطع غيارها قليله بس رخيصة جدا تقدر تقول زي الفيرنا والله زي الفيرنا !!
اما الجيتا فا دي موضوع تاني خالص طبعا كل حاجة فيها اعلي زي التقفيل والموتور والثبات ،، بس توكيلها وحش وقطع غيارها متوفرة بس غالية جدا جدا !!
لو محتار بين الاتنين لا تتردد جيتا طبعا ولو عايز اي حاجة انا تحت امرك

متشكر اوى لحضرتك هوا انا معايا فورد ٢٠١١ بس علشان اخد منها اداء بحطلها بنزين ٩٥ هيا مع ال٩٥ معقوله بس ياترى حضرتك الثبات هيا هيا ولا مختلف والعفشه اخبارها ايه اصلى بفكر ابيعها واجيب جيتا او جولف الجديده وكنت عايز اعرف ححس بفرق ولا لا تحياتى

**dr_hitman** · 21-06-2012 05:10 AM

بص يا باشا من حيث البنزين الجيتا موتورها tsi بس بياخد ٩٢ عادي جدا ومش هقولك الموتور عامل ازاي !!
ثانيا ثبات الجيتا لا يقارن بالفوكس احسن بكتير والعفشة تقريبا في نعومة الفوكاس وانا ابصملك بالعشرة هتحس بفرق كبير
يا راجل دا انا بقيت اكره اسوق الفوكاس مش عشان حاجة هي عربية تحفه بس موتورها عايز الحرق انا عشان اجيب بيها ١٦٠ ممكن اقعد ١٠ دقائق والجيتا تجيبها ف ١٥ ثانيه !!
نصيحة مني بلاش تجيب الجولف وهات جيتا اولا شكل الجولف اتحرق خلاص والجيتا شكلها مميز ولسا محدش شافها
موتور الجيتا tsi اما الجولف ١٦٠٠
وطبعا الجيتا اوسع من الجولف بس هي اغلي روح واتفرج علي الاتنين وان شاء الله هتجيب جيتا