الموضوع: استفسار عن بيض المقص

السلام عليكم و رحمة الله

تحية للزملا من المجاهدين اصحاب الادا و ربنا يعنا علي السواقة في الايام الحر الي احنا فيها

انا من حوالي سنتين عملت عمرة للعفشة و غيرت البيض و ركبت طقم بيض بلغاري العفشجي بيكر فية و الحمد لله ماشي كويس بس سمعت من حوالي شهر كدة صوت خبطة في العفشة شمال و انا باخد ملف ديق و فية مطب و من اسبوعين سمعت صوت طقطقة و انا بطلع بالعربية بردو نحية الشمال
رحت كشف عند العفشجي و قالي هيغير جلب المقص شمال و البيض هيغيرو علشان عدا علية سنتين
كلامة صح ولا هو عاوز يعمل شغل
هو مكشفشي علي البيض بيقولي ميبنشي الا لما يتحل و هو كفاية علية سنتين
مع العلم ان انا استهلاكي للعربية ضعيف و ممكن مطلعشي بيها لمدة اسبوع و سعات اسبوعين
فاغير طقم البيض ولا مفيش داعي خاصتا ان الواحد مش حمل مصاريف
و ياترا انتم بتغيرو البيض كل اد اية
و شكرا ليكم

انا قبل كده رحت لبتاع العبشه عشان يكشف عليها قالي اللي فيها ده تركي وممكن الفرده تملص منك مع العلم ان الراجل اللي اشتريت منو العربيه كان لسا مغيرهم والعفشجي قالي انهم جداد..بس قالي في البيض تاني مش بيملص ومالهوش مشاحم وفعلا غيرته وليها سنه ونص واستخدام غير ادمي بالمره بسبب الشوارع دي والحمدلله زي الفل بس ساعات بسمع طقه كده لو العربيه هبدت بس لو كل ماسمعنا طقه فالعربيه وطرنا علي الميكانيكي ولا بتاع العبشه مش هنخلص..لانها مش ياباني و لا الماني..دي لادا والاغلب منعا مصري يعني نحمد ربنا انها ماشيه واسف للاطاله