اشمعنا رش التوكيل مش بيقع و يقشر ؟!!

**HeMa_LanCeR** · 18-06-2012 05:53 PM

المشاركة الأصلية كتبت بواسطة mohammedaladel

أنا عندى العربية لما اتخدشت ظهر مادة بيضاء عازلة تحت اللون عشان كدا بقول انه معجون ولكن أكيد درجة عالية وخفيف جدا مينفعش يطلى السيارة ع الصاج على طول أنا شفت بى إم دبليو z4 على قناة ناشونال جيوجرافيك أبو ظبى وهما بيطلوها بيديها طبقة معجون عازلة خفيفة جدا قبل ما تدهن وللعلم كله بإنسان آلى

ده اسمة فلر وليس معجون

**hamdy** · 18-06-2012 06:16 PM

متهيالي فيه فرق كبير بين رش التوكيل و رش الورش

**Formulator** · 18-06-2012 07:00 PM

الطبقة دى (فـ دهان الفابريقة) بتبقى Binder/Sticker أو بيقولوا عليها Sub-Coat،
عشان البوية (الدوكو) مش هيمسك فـ الصاج مباشرة وهيقع.. لاااااااااازم طبقة in-between.

بالنسبة لدهانات التوكيل والورش:
عن تجااااااااااااارب فـ كذا عربية وكذا توكيل، وليا أصحاب مهندسين فـ توكيلات.. وغيرهم أصحاب كباين دوكو وورش..

الفرق فـ الـBrand/Quality بتاع الـFiller/المعجون والـPolymer/Paint الدوكو + الصنايعى (الـKnow-How)،
يعنى:

- ممكن ترش فـ التوكيل ببوية Spies Hecker أو Sikkens (الأفضل فـ العالم).. لكن عشان الفنى/الصنايعى تعبان.. هتطلع مسيلة ومحببة وتشقق بعد كده وتبهت وتبقى تيييييييييت.

- وممكن ترش فـ ورشة برا بـbase مضبوطة (المعجون-البطانة)، وبوية مصرى زى الـKapci والسايبس والحاجات دى.. وتطلع كويسة..؟؟!!!

أفضل حاجة ممكن تعملها (لو جربت التوكيل ولقيت الشغل مش تمام):
- ترش برا فـ ورشة تثق فيها، بـMaterials عالية و دوكو ماركة زى الـSikkens أو الـSpies Hecker.
كده يبقى خدت Best of both Worlds..

**me_medoo** · 19-06-2012 12:51 AM

بس يا أعزائي ويا أحبائي
تمن الرش في التوكيل بتمن رش الاكصدام خمس مرات

@@@@@@@@@

بالنسبة لرش الاكصدام لابتاخود معجون ولا فلر ..
بتاخود

1- طبقة شفافة مثبت لون على الفايبر . (علشان مايقشرش)
2- طبقة دهان فرن .
3 - طبقت مثبت لون وورنيش الي بيديك اللمعة النهائية .

^^^^^^^^^^^^^^^^^^^^^
الرك في العملية دي كلها على نوع الورنيش .
الي بيديك لمعة اللون النهائية .
^^^^^^^^^
والله أعلم .

وعلى فكرة مرة كنت بجيب لون لعربيتي من المنطقة الصناعية هوبا لقيت عمال من شركة الوهدان جين ياخدوا بويا ... من نفس الراجل قلت ابص بياخدوا أيه علشان هما ماسكين توكيل الاسكودا والبيجو والهونداي لقيت نفس الخامات الي باخودها (كابسي ) ويدحكوا على الزبون ويقلولوا ده أسكينز أصلي ألماني ههههههههههه والعلبة مكتوب عليها كابسي ... وهبا شوية لقيت بتوع تويوتا الوهاب شرفوا كمان بياخدوا من نفس البويا بتاعتي ... قعدت اضرب كف على كف ... لمن كنت عندهم والي يقولي احنا بنبعت لألمانيا مخصوص نجيب البوية ههههههههههه . وأخيراً عرفت ألمانيا بتاعتهم دي تبقى فين عند الواد كيموو بتاع الدوكو هههههههه .

^^^^^^^^^^
وتحياتي .

**mk3** · 19-06-2012 03:26 AM

مفيش طبقه المعجون (المعتاد) فى الفبريكا بدليل جهاز اختبار العربيه رشه ولا لأ الموجود بالبنزينات بيعتمد على مرور شعاع ليزر الى صاج العربيه لكى يحكم هو مر بكام طبقه وعليه العربيه الفبريكا لو طبقه واحده والرشه طبقتين

**Veroman** · 19-06-2012 12:38 PM

طب اية رابكو فى car care team اللى كان عمل اعلان هنا فى المنتدى و انا كلمتهم و قالولى الخدش مش هيبقى باين هيتبقى منة 40 فى المية بس يعنى هيتحسن شكل الخدش بشكل كبير ولا اجرب القلم السحرى دة لا كمان انا سمعت عن حاجة اسمها قلم اسبراى حد سمع عنة بيقولو بيبقى لونة اسود بردو انا مش عارف اعمل اية عشان بردو مش عاوز ابوظ فى العربية

**_hema** · 19-06-2012 01:23 PM

متااااااااااابع

**SAMEH_FOUAD** · 19-06-2012 02:01 PM

فعلا ياجماعة هية بتاخد طبقة رقيقة جدا من مادة لونها سيلفر انا عندى لما الرفرف اتخبط ظهر جزء صغير لونة سيلفر تحت البوية ومافيش اى معجون نهائى

بس اهم حاجة يكون الصنايعى كويس وعندة ضمير